السلام عليكم ورحمة الله وبركاته
اسقطوا القروووض ومانبي كوادركم اللي تمدونها لنا باليد اليمنى وتاخذونها باليسرى
-------------------------
الدوله قاعده من سسسسسيء الـــــــى اسوووووووء
1- ان جيت للتعليم لا جامعه ولا تدريس مثل باقي الدول الحكومه تتبرع الى دول اخرى تبني جامعات ومدارس للتطوير والكويت مكانك راااوح .
2- ان جيت للصحه لا مستشفيات ولا ادويه ولا اجهزه ولا طاقم طبي مثل باقي الدول والله يا ناس ان ادويه المستشفيات تفرق والله يا ناس علاجات المستشفى الاميري غير عن الفروانيه والمناطق الخارجيه .
زين انا بعلمكم قسم الاسنان في المستشفى الاميري اربع وعشرين ساعه باقي المستشفيات لا شفت ليل فقط .
قسم العيون المستشفى الاميري اربع وعشرين ساعه باقي المستشفيات من الساعه الثامنه صباحا الى الساعه العاشره مساءا .
الادويه والله والله والله والله والله غير عن باقي المستشفيات واللي اخوه صيدلي ولا يعرف احد يسأل ويشوووف .
الوزااااره طبعا الموظفين اللي هناااااك ما يفكرون بالتطوير اتكلم كوكلااااء ومدراااء يفكرون شلون استفيد الشهر هذا يجيني زياده بالراتب يعني يدخل لجنه سفره اجهزه طبيه مناقصه ...... الـــخ .
وزارة الكهرباااء صارلهم كم سنه يعرفون ان مشكله الكهرباء قبل لا تصير بكم سنه عارفين ان هذا يصير ويبلغون ويحذروون لكن ليش عشان يسوون مناقصات ويبوقون فلوس وما يصير شي ل والحكومه تتبرع حق لبنان وغيرها بمكاين كهرباء مدري كم الف فولت اللي متخصص بالامور هذي يعرف طبعا والكويت مكانك راوح .
وزارة الشؤوون كل يوم فاضحين بعضهم ومشاكل رشاوي ومرتشين وبلاوي الله يستر منها .
وين اهتمامها بالجمعيات والامور اللي تخصهم تفيد المجتمع ككل وينها ما شفنا شي .
وين اهتمامها بالجمعيات والامور اللي تخصهم تفيد المجتمع ككل وينها ما شفنا شي .
طبعا يا اخوان الكل عارف ان كل الوزارات والمؤسسات سواء حكوميه او خاصه الموضفين شلليه هذا من شلة فلان , ولا هذا من شله المدير الفلاني ولا الوكيل الفلاني والمؤسسه ولا الوزاره مكانك راوح .
طبعا غيرها بلاوي كثيره اعجز عن ذكرها لانها متعبه .
-------------------------------------------------------------------------
-------------------------------------------------------------------------
صراحه ابي اتكلم عن الوضع الحالي اللي يطالبون بالكوادر ولا احد يزعل مني
ان جيت للنفط كل كم شهر طالعين بكادر جديد يطالبون فيه هم فعلا دوامهم دوام وكرف لكن الشغل على الشركات الخاصه اللي الوزاره متعاقده معاهم يعني الموظف الكويتي قاعد يا يشرف على العمل ولا شوف ماسكله شغله صغيره بسيطه يطقطق فيها والعمل على الوافد . وهذا هم قوموا الدنيا وقعدوووها على الكادر ووافقت عليه الحكومه وفتحت على نفسهم باب كبير الله يستر منه .
ان جيت للمهندسين وما ادراك ما المهندسين كادر كبير وقوي وسياره ومش عارف ايه معاه بعد وتلفون ......الـــخ , ولكن الشغل على منو على الشركات المتعاقده معاها الوزاره وهم بس اشراف الى ما ندر طبعا او ما يداوم اذا كان بوزاره حكوميه مو خاصه يعني لا شغل ولا مشغله طبعا انا اتكلم عن جزء كبير منهم .
ولما صارت على المدرسين وهم الشغل الشاغل في التعليم ومنهجيته وناس مجتهده ودوامات وكرف ولعنه خير من اولياء امور وشكاوي ومصايب التدريس تربيه وتعليم ما يستحق الكادر دوله ماني عارف شنو تفكيرها .
طبعا والله انا مو مدرس موظف مدني من الدرجه السابعه . بسيط جدا ولله الحمد .
وبالاخير انا ما الوووووومهم بالمطالبات والكل يستاهل
لكن اللي قاعده نشوووفه ان الكويت عايشه بنهب ومحسوبيه ناس تنهب على ناس معينين وحسد وحقد ما يبون لاخوانهم الباقي او الشعب ياخذ فلس واحد من الكويت يبونها لهم فقط
والحكومه مداره من طرفهم فقط والله يستر من الجااااااااي
والف شكر للجميع