سؤال وجواب الساي نت شنو الحل معاهم

م/ط حر

عضو فعال
مساكم الله بالخير ياإخوان عندي استفسار عن الساي نت وشلون طريقة شيله كل ما أروح مكان اقول عليك ساي نت مع اني ماعلي ولا شي الا قسط البنك وعندي مجال اخذ لاني تحت 40 بالميه وجميع الشركات قمت بتسديدها ولا يوجد اي شي فارجو من الاخوان الافاده وجزاكم الله خير
 

kuw112

عضو ذهبي
اخوي اليوم كنت بالبيت التمويل لاشتري سياره قساط وكان معلق معاهم بسبب بنك المركزي ويعطي معلومات غير صحيحه

تطمن مشكله بنظام بنك المركزي الكويتي
 

صالح

عضو مميز
السلام عليكم

اخوي عندك فيزا ؟
اشتراك الفيزا السنوي يعتبر قسط ويدخل ضمن ٤٠ بالميه
لازم تشيله من الساينت عن طريق فرع بنكك الرئيسي
والله اعلم
 

عبدالله .

عضو بلاتيني
اخوي الساينت يبين فيه كل شي
المتأخرات لو عندك متأخرات او اي قسط او احكام او داش بصندوق المعسرين
حتى الفيزا اللي تكون بنظام الاقساط تدخل بالساينت وبنسبة الـ 40% يدش القسط مال الفيزا
عموماً حسب كلامك ماعندك متأخرات ولا عندك اي شي المفروض ماعندك مشكلة وتاخذ القرض او المرابحة اللي تبيها
انت اسأل الموظف شنو المشكلة بالضبط ليش معاملتك مرفوضة

على فكرة بعض البنوك تلقى عندك فيزا مطلعة من زمان ومسكرها بس هم فعلياً مو مسكرينها وتبقى معلقة بالساينت وعليها فوائد بسيطة
صارت اشكثر مع عملاء عندي
يرجعون يسكرونها ويياخذون براءة ذمة فيها ويشلونها من الساينت
 

م/ط حر

عضو فعال
تسلم اخوي عبدالله وانا ماعندي فيزا بس فيه شركه ماكنت منتظم معاها وصارت سالفة الساي نت بعد ماسكرتها
والحين اي مكان اروح اقولون لي انطر 6شهور ابي حل شنو اذ فيه بدون الانتظار 6شهور
دمت بود
 

بن ذى يزن

عضو بلاتيني
اذا في فيزا او ماستر شوف المبلغ اللي كان عليها وحطه عندهم تأمين او واحد تعرفه عنده
حساب عندهم يكفلك

واذا مافي فيزا

ينشال من الساي نت خلال 48 ساعه شنو 6 شهور
هذا جذاب اللي قالك
روح للبنك الرئيسي ودش على المدير وكبر السالفه
وانت تخلص المراسلات مو عن طريق البريد مع الساي نت
لا يبى مباشر يدز بياناتك وينشال بنفس الوقت
وهم يخلونها 48 ساعه لا يقصون عليك 6 شهور
 

jody

عضو مخضرم
صارت معايّ من قبل ..​

كان عندي فيزا .. ومسكّرتها من زمآن ..​

كنت أبي قرض .. طلعت لي سآلفة الـ سآينت !​

دفعت 1.100 .. ( قيمة الفيزا اللي قبل ) .. وأستلمت المبلغ بعد 45 يوم من إصدآر البطآقة اليديدة .. تآلي ألغيها .. وخلآص .​

يعني حضرتك .. جوف جم المبلغ ..؟​

وأدفعه للبنك .. وعقب فترة يردّونه لك ..​


بسس ..​
 

م/ط حر

عضو فعال
صارت معايّ من قبل ..​

كان عندي فيزا .. ومسكّرتها من زمآن ..​

كنت أبي قرض .. طلعت لي سآلفة الـ سآينت !​

دفعت 1.100 .. ( قيمة الفيزا اللي قبل ) .. وأستلمت المبلغ بعد 45 يوم من إصدآر البطآقة اليديدة .. تآلي ألغيها .. وخلآص .​

يعني حضرتك .. جوف جم المبلغ ..؟​

وأدفعه للبنك .. وعقب فترة يردّونه لك ..​


بسس ..​
[

مشكوره اختي علي الرد بس لافيزا عندي ولاشي شركه وسكرت كامل المبلغ واقولون الساي نت
لازم تقعد 6شهور وتالي تقدر تاخذ وابتلشنا
 
أعلى