إضراب عام في جميع قطاعات الدوله يوم الخميس3/22

[mohammed2697]

السلام عليكم

اسوه بالقطاع النفطي والطاقم التعليمي والمهندسين وترسيخهم مبدأ
الحقوق لاتكتسب بل تنتزع إنتزاعا وبعد الصبر الطويل والامتثال
لدراسات ديوان الخدمه المدنيه وبعد صراع طويل مع الغلاء
الذي لم ولن يلاحظه الاخوه الوزراء والمدراء والاستشاريين والنواب
وبعد خلق ديوان الخدمه المدنيه فروقات كبيره بين المواطنين
وبعد هذه الزياده المخزيه التي يتفوق فيها الوافد على شريحه كبيره
من المواطنين وبعد الظلم الكبير الذي وقع على المتقاعدين

قرر الاتحاد التنسيقي لنقابات كل من
وزاره العدل
وزاره الاوقاف
الادله الجنائيه
وزاره الشؤون الاجتماعيه
الهيئه العامه للبيئه
وزاره البلديه
الهيئه العامه للتطبيقي
وزاره الصحه

الاضراب العام يوم الخميس الموافق 2012/3/22
وكل يوم خميس بعده
ولن ولم يتوقف الاضراب حتى يتم رفع الظلم عنا
وعن المتقاعدين ولن نرضى بأقل من 100٪
على الراتب الاساسي لنا وللمتقاعدين

موقع الاضراب عند مبنى ديوان الخدمه المدنيه


اهيب في الوزارات والمؤسسات التي لم يتم التنسيق
معها الانظام لهذا الركب حتى تتحقق طموحاتهم وتطلعاتهم

فمن غير المعقول زياده العسكريين 200٪
ونحن المدنين 25٪فقط

نريد القليل من العدل فقط
نرجوكم أنصفونا!

 

 

[Mr.Max]

بارك الله فيك يا محمد واتمنى لكم الزياده 500%

استوقفتني جمله ذكرتها :

فمن غير المعقول زياده العسكريين 200٪
ونحن المدنين 25٪فقط

اطلب حقك بسبب او بدون سبب ولا تذكر لماذا هم ونحن لا ؟

بالاخير جميعنا مواطنون كويتيون وان شاء الله يزيدونكم 1000%

انا عسكري واطالب معاك واقف معاك للنهايه يا مدني ,,,

 

[سياسي - شعبي]

يعني عطلة كل يوم خميس !!

 

[شجون الكويت]

مادري ليش كل الوزارات تسوي اضراب الا وزارتي .. كادر ماعندنا ومحد يبي يسوي اضراب ...بسوي اضراب بروحي وباخذ معاي عبدالناصر درويش بعد ​

 

[kuw112]

أيضاً أطالب نقابه الأشغال تتحرك ونبي إضراب
أنا بالأشغال راتبي مع أعيال 800 دينار
لو احول للنفط يكون راتبي 2100 !!

اين العداله

مع إضراب

 

[Mr.Max]

أيضاً أطالب نقابه الأشغال تتحرك ونبي إضراب
أنا بالأشغال راتبي مع أعيال 800 دينار
لو احول للنفط يكون راتبي 2100 !!

اين العداله

مع إضراب

معقوله كويتي يعيل اسره راتبه 800 دينار شنو تكفي ال 800 بالوقت هذا !

لا حول ولا قوه الا بالله العظيم والخطأ على اعضاء مجلس الامه اشغلونا بامور وقوانين جانبيه

حتى الميزانيات تتعدى المليارات يقرونها بثواني !

وين الدراسات وتكافئ الفرص وارتفاع الاسعار والقروض والصحه وغيرها ...!

عضو مجلس الامه مشغول بمناقصات وتمرير معاملات وتصريحات صحفيه فقط

 

[جارح]

ننتظر باقي النقابات النايمة ​

كلنا مع الاضراب حتى تتحقق العدالة الاجتماعية لكل الموظفين ​

ولا للتفرقة ومخالفة الدستور , ماصار دستور هذا اغلب الامور الي ماشية بالبلد مخالفين فيها الدستور​

بلد ماينفع فيه الا الاضرابات والاعتصامات والتجمهر يالله يطبقون القانون فيه​

 

[mohammed2697]

بارك الله فيك يا محمد واتمنى لكم الزياده 500%

استوقفتني جمله ذكرتها :



اطلب حقك بسبب او بدون سبب ولا تذكر لماذا هم ونحن لا ؟

بالاخير جميعنا مواطنون كويتيون وان شاء الله يزيدونكم 1000%

انا عسكري واطالب معاك واقف معاك للنهايه يا مدني ,,,

اخي الكريم نحن لانستنكر زياده العسكريين بل هي زياده مستحقه
وهذه مجرد مقارنه توضيحيه

 

[mohammed2697]

اهيب بجميع المواطنين المتضررين من ظلم الديوان
نشر هذا البيان عبر مواقع الفيس بوك وتويتر
ومواقع التواصل الاجتماعي وإخبار زملائهم
وإجبار النقابات على تبني الاضراب
نرفض25%
نريد 100٪

هل يعقل مواطن كويتي خريج جامعه الكويت تخصص اجتماعيات
متزوج اجمالي راتبه مع الزوجيه 600

 

[القطبي]

على الرغم من اني اتفق مع مطالبكم و لكن لدي وجهة نظر حول الاضرابات:

ان الاضراب و خصوصا بالدول الصناعيه للقطاع الخاص و لم نسمع ابدا ان القطاع العام بتلك الدول قد اضربت عن العمل00

ان الاضرابات في تلك الدول التوقف عن العمل لمدة نصف ساعه او ساعيتن و من ثم كلن يذهب لشأنه00

و اخيرا00
يجب علينا جميعا ان نعي جيدا ان زيادة الرواتب المبالغ به سيؤدي الى إلى احد هالأمرين :

خفض العمله + فرض الضرائب
و كذلك سيؤدي للغلاء الفاحش و عندها لن تسرنا رواتبنا العاليه00

 

[سفيان الثوري]

الاضرابات شرعاً وعقلاً لا تجوز ..

 

[عبدالله الثامن]

تصريح عبدالرحمن السميط بعد لقاءه بالزمن وكيل الديوان بانهم قدموا طلباتهم للزبن لاقرارها وعليه تم تعليق الاضرابات
http://www.alaan.cc/pagedetails.asp?nid=101011&cid=30​

 

[مهراشا]

قبل لا تطالبون بالزيادات داوموا بالأول بعدين طالبوا بالزيادات .!!!!!!!!!!!


وإذا زادوكم ( إن شاء الله ) أتمنى يصير دوامكم شفتات .. الكل بدون إستثناء


وياريت الحكومه تطبق نظام البصمه ......


صراحه إنكم شعب متناقض .. تبون الراحه ..!! تبون إسقاط قروض ..!! تبون زيادات ..!!

إتعظوا من الدول اللي تعاني من الأزمه الإقتصاديه ( اليونان ) ..

الحمد لله على الأمن والأمان .. والصحه والعافيه ​

 

[شجون الكويت]

الاضرابات شرعاً وعقلاً لا تجوز ..

شرعا سمعنا فيها بس عقلا يديدة علينا !!​

 

[سفيان الثوري]

شرعا سمعنا فيها بس عقلا يديدة علينا !!​

بالعقل والتفكير المنطقي هذه الاضرابات تعطل مصالح العباد والبلاد وقد تدخل هذه الاضرابات في مصلحة المتربصين في الكويت وأرضها واشغال الدولة وأمنها واستقرارها عن مهمتها الاصلية .
​

 

[جرح المودة]

مادري ليش كل الوزارات تسوي اضراب الا وزارتي .. كادر ماعندنا ومحد يبي يسوي اضراب ...بسوي اضراب بروحي وباخذ معاي عبدالناصر درويش بعد ​

شكلك من وزارة التربيه اللي معاشات المدرسات فوق الف لا زوجيه ولا عيال تنحسب لها

 

[فهد الرشيدي]

نستغرب من يقول فقط القطاع الخاص يسوي اضراب والعام ما يسوي

والي يقول الاضراب لا يجوز ويشل البلد ويعطله نعم كلامك صحيح بس ابحث بالاسباب وعالجها

والي يعارض اي اضرابات

يا اخوان الموضوع مو انك تكتب موضوع انشائي ويالله

اكثر الي تشوفونهم يردون عليكم بردود عكس الموضوع يا اما يشتغل بقطاع خاص او للحين يدرس او ما يشتغل اصلا او غير كويتي

الدوله مفروض تراضي جميع الكويتين ولا تعطيهم الفرصه لاي اضرابات مع ان خيرنا ولله الحمد زايد ومن كثره نوزعه على القاصي والداني والي بلع وشبع من المناقصات بالملايين

يا حكومتنا الحبيبه الشعب الكويتي يستاهل اكثر من 25% ولا تفتحوا ابواب مغلقه وبالاخير تخضعوا لهم وتلبوا طلباتهم خلوها تجي من صوبكم ابرك وافضل واكسبوا رضى الشعب كله

 

[Mr.Max]

يا حكومه يا الزبن يا وزير الماليه

الموظفين ما يبون كوادر ولا زيادات بس عطوهم مثل ما تاخذون سنويآ 100,000 الف دينار بونس .
او على الاقل خفضو معاشات الوزراء والاعضاء 50% عشان يحسون بمعاش الموظف البسيط .

 

[جرح المودة]

انا نفسي ابي اعرف وابي جواب من اللي عارف الجواب ​

ليش النواب يحطون الموظف بهذي المواقف واللي هي الاضرابات
ليش مايقرونها بالمجلس وتجبر الحكومه على رفع معاشات الموظفين على حسب الاقرار اللي صدر من مجلس الامه ... شسالفه المجلس شنو وظيفته اذا مايقدرون على هذي القضيه عيل شنو يقدرون عليه بس يعلمون الناس الخروج للشارع واضراب عن عملهم وكل هذا بهدف انهم مايبون المجلس ينحل الله واكبر حجتهم باطله قسم بالله العظيم كل ماقلنا شئ قالو مانبي استجواب واليوم يهددون وزير الدفاع بنزول الجيش راح يصعدونه المنصه .. هذا انتم الحين قمتو تهددون بالاستجواب يااخي استجوب وزير الماليه واعزلوه من منصبه اذا هو راس المصايب بالاضرابات ​

لكن ابي اوجه رساله لموظفين الجمارك تكفون داومو والله المراعي صارله يومين منقطع :باكي: ​

 

[HMD-ALAJMI]

وين نقابة وزارتنا ورئيسهااااا المنبطح فايز الديحاني