الله يعينكم من صجكم انتم للحين مصدقين الاغلبية وافلام الاكشن والحركات الطرزانية
والله ثم الله ثم والله انه غالبية الاغلبية عبارة عن دمبكجية
ولو فيهم خيير يسألون الاسالة اللي انا كاتبها بتوقيعي
ولو اتكلم واكتب تحليلاتي الشخصية بهاجموني اللي مقدسين الاعضاء ويقوولون عني عميل
لايران وللصهاينه وللامريكان وللشيوعيين
في بعض الامور مصلعه على النواب لكن البشر مصممين يغضون النظر عنها لانهم يحبونهم وولد طائفتهم
وكل ما يخطأ نائب خطأ مفلص على حساب الشعب يجون المدافعين عن العضو ويهاجمون اي واحد ينتقدهم
ونقطة مهمه
انت مصدق انه الزمبليطة اللي صارت بساحة الارادة عشان شيلة ناصر المحمد
انه اهي عبارة عن قضية رشاوي الاعضاء والايداعات المليونية وعشان 6 او 7 ملايين طارت ؟؟!!
مو مو الرئيس الافريقي اللي لابس لبس قيرقيعان معطينه فووق ال60 مليون ومحد تكلم للحين ما انه السالفة توها صارت
والله لولا اني اخاف اني انسحب لامن الدولة جان كتبت السيناريو الفعلي اللي حصل قبل سالفة ساحة الارادة
وشيلة ناصر المحمد
بس الشكوى لله خلونا ساكتين ونتفرج على مسرحية النواب الملائكة وصراعها المقدس مع الحكومة الشريرة
يا الحبيب واحد بوب كورن وواحد بيبسي
ههههههه من العشق ماقتل الناس عشقت وعاد تعسمع فيهم شى الله المستعان
انا من المؤيديين للأغلبيه بس نبى فعل نمور وانحياز لمصالح الشعب واقرارها وحل مشكلاته
الشباب صاروا نعام وعقدوا صلح يبون المجلس يكمل 4 اسنيين على افا الشعب
حنا نبى قرارات بسيطه يجون الصبح و 10 يقدمون اقتراح والباقى يصوتون وتطلع النتيجه 35 او 36 وانتهينا اللى بعدو
وهلم جرا خل العالم تعترض والا ماتعترض اذا القرارت شعبيه ليش الخوف خلهم يحلونه وبعديين
خمس وثلاثين ستيك نعام مع بيبسى وصلحوااا