سؤال وجواب كيف أتخلص من هذه المُشكِله .. ؟

حُر

عضو فعال
بسم الله الرحمن الرحيم

السلام عليكم ورحمة الله وبركاته


موضوعي بإختصار ....

انا شخص لا أستطيع أن اسمع اي كلمه تَمُس اي مواطنه كويتيه
يقول احدهم وعلى سبيل المِثال : شفت كويتيه تتحرش بـ شخص من الجنسيه الفُلانِيه اياً كانت جنسِته غير الكويتي ... ومُواضيع من هذا القبيل


هُنا أنهار تماماً ... لدرجة ان الموضوع ينتهي ويذهب كُل مِنا الى منزله
وانا مازِلت ( حاقد ) من الموضوع

وهذا المُوضوع سبب لي شبه أزمه
لان اذا كانت الفتاه نفسها راضيه عن فعلِها .. ( انا شكو )


ولكـن لا استطيع إقناع مشاعري بهذا الكلام


مـ الحل ... ؟
 

Blue_Bubbles

عضو مميز
والله نفس مشكلتك..
آكل بنفسي لما أسمع هل سوالف من بعض الشباب يسولفون فيها بالدواوين وأستغرب إن عادي الوضع عندهم مع إنهم كويتين
وحتى أثناء فترة الدراسة بالخارج.. كنت أشوف بنات كويتيات مقزرينها مع أجانب وباقي الطلب عادي عندهم الوضع وأنا ميت قهر
بس يمكن هذه بسبب اختلاف الأجيال.. الجيل الحالي عادي عنده وأموره سهالات
احنا اللي ورثنا جينات وأعراف من الجيل اللي قبلنا تخلينا بنفس تفكيرهم ونحمل نفس غيرتهم وصفات المرجلة اللي كانوا يتصفون فيها
 

حُر

عضو فعال
والله نفس مشكلتك..

آكل بنفسي لما أسمع هل سوالف من بعض الشباب يسولفون فيها بالدواوين وأستغرب إن عادي الوضع عندهم مع إنهم كويتين
وحتى أثناء فترة الدراسة بالخارج.. كنت أشوف بنات كويتيات مقزرينها مع أجانب وباقي الطلب عادي عندهم الوضع وأنا ميت قهر
بس يمكن هذه بسبب اختلاف الأجيال.. الجيل الحالي عادي عنده وأموره سهالات

احنا اللي ورثنا جينات وأعراف من الجيل اللي قبلنا تخلينا بنفس تفكيرهم ونحمل نفس غيرتهم وصفات المرجلة اللي كانوا يتصفون فيها


إنت اللي حاس فيني

شكراً من القلب على وجودك ومشاركتك
 

بن ذى يزن

عضو بلاتيني
لا تقعد مع ناس يسولوفون سوالف ما يسولفها إلا الخبول
طعن بأعراض الناس وشفة وحده بالعكس
طاف ولا تعتذر منه خل انسحابك بهدووء من غير ولا كلمه وامسح رقمه ودور ناس سوالفهم حلوه وأهل مرجله
صدقني ترتاح
 

بدركوم

عضو مميز
انت شخص قال له " رجل غيور " وهـذي احد صفات الرجال وليس للذكور نصيب فيها

من يغار علي دينه ووطنه وعرضه وارضه وابناء وبنات وطنه ولا تستطيع قتل هـذي الصفه الا عندما تموت الغيره من قلبك
 

حُر

عضو فعال
لا تقعد مع ناس يسولوفون سوالف ما يسولفها إلا الخبول
طعن بأعراض الناس وشفة وحده بالعكس
طاف ولا تعتذر منه خل انسحابك بهدووء من غير ولا كلمه وامسح رقمه ودور ناس سوالفهم حلوه وأهل مرجله
صدقني ترتاح


والله كلامك عدل 100 % 100

هذا أحسن حل

وطبعاً انا اواجه المُشكِله هذي مع قِله من الناس ولله الحمد
 

حُر

عضو فعال
انت شخص قال له " رجل غيور " وهـذي احد صفات الرجال وليس للذكور نصيب فيها

من يغار علي دينه ووطنه وعرضه وارضه وابناء وبنات وطنه ولا تستطيع قتل هـذي الصفه الا عندما تموت الغيره من قلبك


الله يطول بعمرك ، هونت الموضوع علي

وصرت اشوفها نعمه ...


لكـ :وردة:
 

Aragon

عضو ذهبي
حاول تطنش مرة مرتين وحاول ماتهتم وتفكر بشي ثاني، ومع الوقت ماراح تفرق معاك.

بس أعتقد عيب بالدواوين يتكلمون عن هالمواضيع، لأن المواطنات خواتنا وأمهاتنا.
 

حُر

عضو فعال
حاول تطنش مرة مرتين وحاول ماتهتم وتفكر بشي ثاني، ومع الوقت ماراح تفرق معاك.

بس أعتقد عيب بالدواوين يتكلمون عن هالمواضيع، لأن المواطنات خواتنا وأمهاتنا.

والله ياخوي عيب وأكبر غلط

بس الناس فيهم الزين وفيهم الشين

شاكرلك تواجدك
 

أبوطلال

"رئيس المشرفين"
طاقم الإدارة
طاقم الإشراف


انا شخص لا أستطيع أن اسمع اي كلمه تَمُس اي مواطنه كويتيه
يقول احدهم وعلى سبيل المِثال :

شفت كويتيه تتحرش بـ شخص من الجنسيه الفُلانِيه
اياً كانت جنسِته غير الكويتي ...

هُنا أنهار تماماً ...


مـ الحل ... ؟


اخى الكريم حر ...
قبل ان نتطرق للحل ..

نود ان نعرف هل الامر بالانهيار فقط مقتصر عندما تسمع
ان كويتية تحرشت بوافد من جنسية اخرى غير كويتى ...؟؟

وهل تصاب بالانهيار ايضا ما اذا سمعت
ان كويتية تحرشت بمواطن كويتى ؟؟ والا هالامر مواطنة ومواطن عادى ؟؟:)

يعنى فى عندك تفرقة بالتحرش ؟؟والا فى كل الاحوال تنهار ؟؟؟

تحياتى ولى عودة بعد اجابتك للتعقيب ...:وردة:


 
أعلى