اقوى شي ناز الايراني
مطعم الهدى بخيطان شارع المطار قبل السينما
انظف مطعم مشويات شفته بالكويت واكله جيد
كلش ما تضبط مع اللي سعره ناراذا مايهمك السعر روح مطعم اوتار بمارينا برى المارينا مطل على سالم المبارك مو داخل المجمع يم فرع فيفا
احلى ريش كليتها بحياتي بهالمطعم وشغلهم نظيف وخدمه ممتازه بس الله يعينك عالفاتوره
الشممممممم
مستر كويتي بالرقعي وصباح السالم
عليه كباب موصج
قصر النخيل ..السالمية ..
احد يدل وين صاير مطعم بالفروانيه اسمه هيوبلس او شي جذي؟؟؟
تبي شغل نظيف ويقطع اللحم جدامك وفوق هذا لحم عربي
عندك مطعم الوزان في الشويخ
اخر الشارع الي فيه محلات الدواجن وبيع اللحوم
طبعا المطعم زباينه كله كويتيين وزحمه وشغله طيب واسعاره مثل البورصه مره فوق ومره تحت على حسب سعر الخروف العربي ان ماخاب ظني في الاونه الاخيره حول على لحم الهجين العربي لكن مستواه لازال الافضل
غيره لا تدور
ما فيه قسم عايلات كله شباب
بالنهايه قاعده حطها براسك المشويات ما تصلح سفري لازم تاكلها بوقتها
سفري خلاص لونها من اغلى واحسن مطعم بالعالم خلاص لا رطبت وندت مالها طعم
ثاني شي اغلب مطاعم الكويت حاليا تتعامل مع اللحم الهندي والباكستاني اذا كلش كلش خلطهم مع الاسترالي خصوصا بلحم المفروم والشورما علشان ما تصيده ل
ثاني شي اغلب مطاعم الكويت حاليا تتعامل مع اللحم الهندي والباكستاني اذا كلش كلش خلطهم مع الاسترالي خصوصا بلحم المفروم والشورما علشان ما تصيده خصوصا ان الهندي بروحه سهل ينصاد
لاحظ اغلب المطاعم تحط يافطه تبين نوع اللحوم
طبعا كالعاده يحطون الدجاج برازيلي (طيب اي نوع البرازيلي فيه ساديا ويعتبر زين وفيه انواع مظرووبه وغير صالحه للاستخدام الادمي تخيل مره شفت مطعم ينزل دجاج الكرتونه مكتوب عليها دجاج برازيلي ماكوا بيانات اخرى واكياس الدجاج بيضه ولا عليها اي كتابه )
اللحم المفروم العموم صار يكتب استرالي حتى المطاعم الهنديه ( طبعا سهل يخلط الاسترالي بالهندي وصعب تصيده خصوصا اذا فارم معاها شحم استرالي )
التكا (الاكثر يكتبولك هندي لان سهل تصيده وصعب يغش فيه الهندي يكوون لون اللحم اما ابيض فاتح جدا وهو نوع ردي جدا احذروا منه بالعاده فاسد او اسود وهذا يعتبر اقل سوءا او مائل الي اللون البرتقالي وهذا اهونهم ) علشان جذيه يكتبون هندي ويفكون نفسهم من الصداع
الشورما سهل يغش فيها اذا شفت شرائح شحم بين اسطوانه الشورما اعرف انها لحم هندي مخلوط بشحم استرالي والهدف من الشحم انه اذا ذاب خلا طعم اللحم الهندي مثل الاسترالي
اليعربي كفى ووفى
الافضل هم الوزارن والهدى بخيطان
الشمم يتميز بالسمج اكثر
بالنسبه لمطعم الهدى اكله ممتاز لكن انا قلت جيد حتى ماأبالغ لانه الناس اذواق فممكن اقول لك ممتاااز ولماتجربه يطلع عندك عادي عرفت...بس اهم شي انه نظيييف وترى ماعنده توصيل
هليوبلس كليت عنده انا
مشويات مصرية... اذا تحب تجرب مشويات مصرية غير هذا لاتجرب بالكويت...طيعا الحواوشي عنده خياااااااااااااال ...المطعم يستحق التجربه حق اللي يبي يرمممم
عنوانه خلف فندق كراون لازا الظبط شارع الحلاقين في دخله وره الفندق ابد من تدخل تشوفه واذا ظيعت اسأل اي واحد يدليك.
المشكله انا توني راد من سفره من اوروبا...طحت بمطعم مشويات تركي كرهني مطاعم الكويت كلها مادري شلون راح اكل مطاعمنا بعدين والله جد
موفق وبالعافيه
و لو ان كلامي ما راح يعجبكم بس راح اقوله كنصيحة واجبة
فيروس الكبد الوبائي منتشر عند العمالة بكثرة خصوصا العمالة المصرية و الهندية و الامراض تنتقل عن طريق الطعام
غير ذلك توجد جراثيم اخرى مثل جرثومة المعدة و القولون و غيرها
هذا غير عن الغش في الأكل و استخدام مواد غير صالحة للاستهلاك
و اذا كان ماكدونالدز مضرب المثل في النظافة تم اغلاق فرع من فروعه بسبب استخدام مواد متعفنة فكيف بالمطاعم الثانية؟
انصح كل واحد انه ياكل في بيتهم و اللي ساكن بروحه يطبخ او ياكل معلبات انظف
أدري راح يكون خارج النص وخارج السؤال لان المقصود مطعم يوصل طلبات ويكون رخيص
بس عن تجربة شخصية أوصي بالكباب البغدادي في مطعم ميس الغانم.....روووعة.
مطعم ميس الغانم لا يحوشك.. تعشيت فيه وبعد كم ساعه شالتني الاسعاف للاميري قلبي تعب
احلى كباب هو قصر النخيل وسعره معقول وجو عائلي يصلح اخذ المره واليهال
بس وين مطعم الهدى؟ هل هو بجانب مطعم النجوم العراقي؟!!
مطعم الوزان هذا فيه سواق الشاحنات جالسين فيه؟ معقوله شغله نظيف حق الكويتيين؟
مطعم الهدى موجود بجانب مطعم النجوم العراقي وتحديدا بجانب سينما غرناطة في خيطان
واتوقع ما يوصل طلبات حاله حال مطعم هاشم هاشم في شارع تونس بحولي اللي يتميز بمشوياته خصوصا الريش
واللي يحتاج منك حجز مسبق بوقت كافي وما انسى عنده الدجاج المشوي عالفحم طعمه مميز.
انا معاك بكلامك يالطيب وكلك عدل
المشكله انا مدمن مطاعم و عندي الديوانيه العشا متعود اطلبه
من برا لانه شبه يومي و ما ودي اتعب البيت
شكرا يالاخو