تمام حلو ممتاز .. طيب المال العام هذا حق منو ؟؟ مو للشعب ؟؟
يعني المقترضين لهم نصيب فيه .. يعني يسددون لنا من اموالنا ولا شرايك ؟؟
مع ان المفروض والصحيح ان الحكومة تعاقب البنوك .. طيب انت الحين ليش ساكت على الظلم ؟؟
ليش ما تقول ان البنوك انصبت على المقترضين اذا انت فاهم السالفه بشكل صحيح طبعا ..
ليش ما ترفع شعار لا للظلم .. ؟؟
انت تخاف حيل على المال العام .. انا راح اسكت ومالي خلق اتكلم منو قاعد يبوق المال العام من سنين .. لاننا تكلمنا كثير عنهم ..
بس احب اقولك ان المظلوم هم المقترضين .. انت شنو عندك من حل ؟؟ قول لا تستحي ..
بس لا تقول يروحون المحاكم .. في ناس ما عندها يدفع حق محامي .. مع ان الحق معاه ..
انا طالبت بعقد البنك اللي بيني وبينه من المحكمة .. المحكمة صارت مع البنك .. تدري ليش ما يبون يعطوني العقد ؟؟ لانهم لو انهم ماشين بشكل سليم ما راح يخافون ويطلعون العقد ويحطونه بوجهي .. بس لانهم يدرون انهم راح يخسرونها وبشكل قانوني بعد واقدر اخذ تعويض منهم بعد ..
نرد ونقول .. ان احنا ما عندنا مشكلة ندفع القرض اللي اخذناه .. بس نرفض ندفع لهم الدبل
انا من سنة 2002 وانا ادفع للقرض .. تخيل ادفع بحدود 400 دينار لليوم .. وكل اللي خذيته 30 الف دينار .. انت احسبها .. مع العلم عندي جميع الايصالات اللي دفعتها ومحتفظ فيهم ..
ولما اسألهم يقولون للحين بعدك ما راح تخلص القرض ما نزل منه شي .. ؟!
انت تتوقع هذا عدل ؟ وين الحكومه عنهم ؟ وينهم عن التلاعب اللي يصير ؟؟
فلوس الدولة اهي فلوس الشعب
ليش قاعده تتوزع يمين وشمال ؟
الحين بيعطون مليار و600 مليون حق العراق
ومستبخلين عالشعب بالقروض بس ؟
اذا كان همك فلوس الدولة كلها رايحه بره وحق تنفيع ومناقصات ورشاوي
ليش الشعب مايقدر يحل مشكلته من فلوس الدولة ؟
اذا البنوك لعبت بالعقود وزادت الفوايد والمحاكم مع البنوك وحتى البنوك ماتعطيك العقود
بهالحاله لازم تدخل الحكومة وتسقط القروض لكي تعاقب البنوك
لان مابني على باطل فهو باطل :إستنكار:
وينك عن السرقات والبوق والمناقصات الملياريه هاذى مو من المال العام ولا بس المال العام اذا كان للمواطن البسيط وثانى شى العالم تتكلم عن الفوائد يعنى الدين بيندفع
البعض يصبح اسد ومنظر وشريف روما عندما يااتى الامر للمواطن وعند الحكومه وبلاويها يصبح مثل النعامه
تحياتى
مع ان الحوار تحول الى جدال لا ينفع
لكن مع ذلك راح ارد
اللي يقول ان المال العام هو مال الشعب و نحن من الشعب و نطالب بحقوقنا
الجواب ببساطة شديدة ان الشعب لا يقتصر على فئة المقترضين فقط
الشعب فيه ناس على قد حالهم و حرموا انفسهم من اشياء كثيرة علشان ما ياخذون قروض ربوية لأسباب دينية او لأن البنوك ما وافقت عليهم او لأنهم حكموا عقولهم و عرفوا ان القرض عبارة عن فخ او لأسباب كثيرة, و هؤلاء لهم حق في المال العام حالهم حال غيرهم و لا يجوز ان تكافئهم الدولة على صبرهم بتبذير المال العام على غيرهم من المقترضين و تحرمهم من كل شيء
و هؤلاء مجرد فئة اخرى و ليسوا كل الشعب لكني ذكرتهم كمثال
و اللي يقول ليش الدولة تبذر المال العام على فلان و علان و على كذا و كذا
و قاعد يعدد لنا حالات التبذير و السرقة و العبث الخ
و انا اقول له ان اخطاء الحكومة لا تعطيكم الحق في اشياء ليست لكم
يعني كأنكم تقولون هي خربانة خربانة , خلونا نخربها زيادة,, هذا مبدأ مرفوض
الفساد اللي يصير بشكل سري و ينكرونه شي, و المطالبة بتطبيق نفس المبدأ علانية شي ثاني اكبر بكثير
و اعتقد انكم شفتوا شلون اعضاء مجلس الأمة السابق و غيره يحاربون الفساد بكل الطرق المتاحة لهم و ما سكتوا عليه
و لا اظن اي مواطن يقبل بالفساد لكن كل واحد يرفض بحسب امكانياته و قدرته
الخلاصة ان مشكلتكم مع البنوك و ليست مع الحكومة
حلوها بينكم و فكونا