نرجع على ربعنا البدو وعبدالوهاب
انتي الحين ربطتي عبدالوهاب فينا يالبدو ؟ هههههههه
ااااخ ياخوله انتي مثل مثل كثار من البدو يدربون روسهم ورا مشايخ القصمان (مع احترامي لاصولهم واحتقاري لدعوتهم )
انتي تعرفين دعوه عبدالوهاب قامت على شنو ؟ انتي تعرفين نظرته لنا يالبدو ..عجمان ومطران وقحاطين ؟ وغيرهم كثار من اللي عارضوا دعوته في بدايتها ؟
انتي قريتي بتاريخه من مصادر محايده ؟
عزيزتي احنا بنظر عبدالوهاب كفار خوارج و (اشد نفاقا)
ولو كان فيه كاميرات زمان كان عرفتي ان الي سواه باهل القرى والبوادي وكل من كان ضد دعوته مايختلف عن اللي سووه الدواعش
اصلا التنظيم الداعشي يعتمد ع فتاويه ويوزع كتبه !
وطبعا من جهل البدو وللاسف لازال فيهم المتعصب له مع انه مكفر جدانه واحنا مو بعينه شي
انتوا يا ابناء عمومتي كنتوا كالعاده الحلقه الاضعف ..حطب حروب !
ويحز بخاطري لاشفت اكثر المتعصبين لمحمد بن عبدالوهاب بدو! سخريه القدر فعلا هههه
واغلب من استغلوهم مشايخ القصمان اللي اصدروا فتاويهم بالجهاد وهم قاعدين متبطحين في بيوتهم كانوا بدو
هذي الحقيقه المره
الغيض والقهر ياعزيزتي المفروض مايصيبك لان بدوي شذ عن القطيع وصارت له توجهات ليبراليه او اللي هي
الغيض والقهر المفروض يصيبك لاشفتي مراهقين البدو يتذبحون بسوريه والعراق لانهم ماخذين فتاوي جهاد من مشايخ هم في عمقهم محتقرينهم ..
سوري كتبت كثير
ردي طويل وماراجعته واكيد فيه بدليات
بس حضرتك قلبتي المواجع تحملي هههه
الحين الشيخ محمد عبدالوهاب بالعيينه وراح للدرعية شكو مشايخ القصمان بالموضوع مدري !!!
اما سالفة يدربون روسهم !!! ليه ما قلتي يدربون روسهم لبن رشيد ولا لبن عريعر ولا الشريف كل هذول عايشين بقصور من الحاضرة !!!
الشيخ محمد عبدالوهاب صاحب دعوة ماهو جاي ياخذ خراج ولا جزية ولا حكم !!!
اما تتهم حركة الشيخ محمد عبدالوهاب تنظيم داعشي !! وكأن البدو (القبائل) عايشين بحب وسلام وكأن مابينهم صباح وهجاد وسلب وذبح !!!
هذا بجانب الاخلاقي اما العقائدي فحدث ولا حرج البدو (القبائل ) فهذا تاريخ اللي سوالف ما تنقال !!!
مثل اللي يعبدون شجرة !! وتنذبح القعدان قدامها !!! مثل اللي يفهقون رمضان !!! عسان قيض ولا يبون يصبحون قوم !!!
هذا اقتباس احد من شيوخ الدواسر وانا ما اخص قبيلة الدواسر العزيزة على قلبي
بس الدواسر كانت تمثل كل القبايل في هذاك الوقت الاغبر
ومن طرائف القصص قبل الدعوة كان مافي وادي الدواسر ولا مسجد فكانوا اما اسماعيلية او غرامطة او لدرجة انه يوم هدى الله جماهر الرجباني وهو شيخ وادي الدواسر في وقته جاو يلقنونه الصلاة قالو يا جماهر الصلاة اربع الظهر واربع العصر وثلاث المغرب واربع العشا وثنتين الفجر ويوم عود على جماعته قالوا له يا ابو مصري عود عليهم وقلهم يطرحون عنا ركعتين الفجر ما حنا بمحتالينها واطلبهم فيها
يوم عود يحسبنه من كيفهم 0 فيه رجل يعرف ان هذا ماهو في يديهم فسبق جماهر وعلم اهل الدعوة وقال لهم عنه جاكم الطاغوت وتراكم ان ماعطيتوه يمكن يعود على ضلالة مير لمنه جاكم فاطلبوه طلبه من يوم يقعد وقولوا عنا طالبينك ركعة عقب الفجر اسمها الوتر والصلاة من الله ويوم جاههم وجلس وطلبوه قال عطيتكم يحسبنهم يبون من امور الدنيا او فزعة يوم علموه يوم ماش ويعود على ربعه فقالوا هاه عساهم اطرحوا الركعتين قال (الا ابشروا بالوتر)0اللدام كانوا يعبدون (زهيرة)وهي شجرة ويلبسونها الجوخ ويذبحون عندها القعدان وتعرض عندها الخيل ويوم جا ربيع وهل الدعوة فقطعها والمخاريم كانوا يعبدون (طحيمرة)يقول واحد
ياليت لعب طحيمرة صار سنة = ما بين قصر المعتلا والبساتين
وراهم جماعة صهيب المساعرة يعبدون كوز طلاس
والسلام ختام