لو كان عندك مبلغ من المال، شنو المشروع إللي تحلم إنك تسويـه؟؟؟

[غلا الدنيا]

صبــــــاح الخيــــر جميعا ..،



في مضوووع دايما ً أفكر فيه، حبيت اطرحه لكم وأتمنى إنكم تشاركوني فيــــه ..


سؤال ...

لو عندك مبلغ كبيــر وطلبوا منك إنك تسوي مشروووع في الكويت (سياحي، تجاري، ترفيهي، إقتصادي،تعليمي .....او غيره)

شنو المشروع إللي ممكن تسويه للكويتيين والمقيمين في هالديرة؟

وجم المبلغ إللي راح تحتاجه؟

وليش فكرت في هالمشروع بالذات؟

وبإعتقادك شنو أكثر المشاريع إللي ممكن تنجح في الكويت؟ وليش؟

ياليت نفكر بهالموضوع بجدية ونفكر بمشروع واقعي تحسوون إنكم محتاجينه وممكن يخدم الكويت ...

 

[whahd1]

انا عندي مشروع حلو ومفيد
ولانه صعب التطبيق بقوله
الفكره انشاء عماره دواوين للشباب
وكل دوانيه تكون ثابته وتتاجر على مجموعه شباب وهذا بديل لازاله الدواوين وبنفس الوقت مشروع تجاري بس الحكومه ماراح ترضا لا البلديه ولا الداخليه ولا لجنه الظواهر السلبيه

 

[السلطاني]

عندك مبلغ كبيــر وطلبوا منك إنك تسوي مشروووع في الكويت (سياحي، تجاري، ترفيهي، إقتصادي،تعليمي .....او غيره)

شنو المشروع إللي ممكن تسويه للكويتيين والمقيمين في هالديرة؟

منتزه ومقهى...ومطعم...وإستراحة...

* اللهم إني صائم.

 

[شلاع]

محمد العنزي

الله يهديك يا بو جاسم تجيب صورة الفاتنات عند صور الفطاحل الرموز الديمقراطية
آخر مرة تسوي هالشغلة والا أزعل عليك
اللهم اني صائم

 

[passenger]

منتزه ومقهى...ومطعم...وإستراحة...

* اللهم إني صائم.

العنزي

والله لو مشروعك نفس اللي في الصورة

تكفه دخلني شريك وياك

 

[Ms Rose]

ابني مصحه نفسيه لمعالجة مرضي جنون العظمه والدكتاتوريه في المنتدي


تحياتيييييييييييييييي

 

[المتبحر]

إذا عندي مبلغ محترم :

أبني 20 عمارة ، وأنقل لدوام ( فلاّتي ) ، وأحرق أجارات العماير على وناستي !!

 

[ريما القمر]

0​

0​

أولاً​

كنت داخلة أبوق أفكار​

بس للأسف مالقيت شي يسوى

لذلك​

خلوني على حلم حياتي أبرك​

امتلاك سلسله فنادق ومنتجعات ​

وناطحه سحاب تتكون من 140 دور بواجهة زجاجيه ومكتبي بالدور 193 و 140​

ويوجد بالسطح مهبط طائرات

و محكر حمام *_^​

0​

0​

رجاءً لا تتلزقون فيني​

وتحاولون تدخلون بنايتي ترى السيكيورتي اللي عندي مايرحمون​

0​

0​

الأحلام ببلاش ​

 

[ريما القمر]

نسيت أقول ....

المبلغ اللي أنا محتاجته ..

200 مليون دينار

بش ​

 

[neio]

الإستثمار في العقار .... ومثل ما قالت ريم القمر ... لكن بالإبراج السكنية فقط .. لأن مردودها ثابت ومستقر .

 

[السلطاني]

العنزي

والله لو مشروعك نفس اللي في الصورة

تكفه دخلني شريك وياك

دام فيه ناس مهتمين.....

سوف يكون هذا المنتزه...إكتتاب عام....وشركة مساهمة....


ننتظر المكتتبين....؟

 

[aDrenaline]

اهيا فكره ببالي
عباره عن كوفي شوب يحتوي مكتبه صغيره
مثل مكتبه عامه والفكره تجمع كوفي شوب بمكتبه لاني بصراحه احب ارد للقراءه واحب اخلي غيري يشارك بهالشي

وباجي الفكره بخليها لنفسي خوفي باجر احد يقتبسها ويروح علي مشروعي

ودي بالربح اكيد
بس ودي اكثر اني اطبق شي اتمناه واحلم فيه الى جانب شهادتي


يعطيكم العافيه

 

[غلا الدنيا]

شكرا عالمرور .. بس تبون الصج لحد ألحين مافي مشروع مبتكر لفت نظري

نبي فكرة Creative ومحد سواها من قبل

اهيا فكره ببالي
عباره عن كوفي شوب يحتوي مكتبه صغيره
مثل مكتبه عامه والفكره تجمع كوفي شوب بمكتبه لاني بصراحه احب ارد للقراءه واحب اخلي غيري يشارك بهالشي

وباجي الفكره بخليها لنفسي خوفي باجر احد يقتبسها ويروح علي مشروعي

ودي بالربح اكيد
بس ودي اكثر اني اطبق شي اتمناه واحلم فيه الى جانب شهادتي


يعطيكم العافيه

aDrenaline فكرتك وااااايد حلوه

انا بعد أحب القراية ودايما أفكر بمكان من هالنوع لأن الكافيهات العادية دايمه زحمة وإزعاج إلا فيما ندر وبأوقات معينة ..

إنــا حابه أدخل معاك شريكة بهالمشروع شرط إن نسويه بمكان يكون فيه View حلو عالبحر مثلا

<<<<< تمووووووت عالبحر ...

أبيه بديت أتخيل تصميم المكان شلون صاير .. ! حده يشووووق

 

[صقر قريش]

أقوم بتأسيس مدرسة أوروبية لكرة القدم
لتفريخ اللاعبين للنادي العربي ...

 

[وليد المجني]

احنا في الكويت وبالوقت الحالي من وجهة نظري محتاجين قرية إسكانية وسياحية وتريفيهية وخدماتية

نحل من خلالها جميع المعوقات ولا اريد الجزم ولكن لو كان هناك مشروع واحد تتفق عليه الحكومة

ويصرف عليه مبلغ مالي ثابت لن تكون هناك اية ازمات سواء على مستوى الاسكان او العمل والشعب

سوف يتقبل ذلك بصدر رحب ... وإن تسائلت عن هذا المشوع اعطي على سبيل المثال مدينة الحرير

لو طبق هذا المشروع على ارض الواقع بإعتقادكم كم وظيفة سيوفر للمواطنيين كم سيحل ازمة إسكانية

ان لم تكن اجمعها كم مستشفى ومدرسة وجامعة ستخدم هذا القطاع الكبير ويخفف العناء والزحمة وسكن

للوافدين من عمارات وهبوط في اسعار الاراضي ...


ومشروع مثل هذا يكلف 25 مليار دينار : )

بس راح نرتاح سنوات طويلة ونعيد امجاد ماضية .. الله مع مطار جديد في جهة الشمال وسككك حديد

راح نصير ولا لاس فيغاس ^_^

 

[aDrenaline]

غلا الدنيا
صج صج ياريت يصير هالمشروع اللي ببالي
وابي تصميمه حلو بس مو فخم يخرع
وكل جانب لون



تهقين منو يربح اكثر
كافيهنا ولا كافيه اخوي محمد العنزي

 

[whahd1]

أقوم بتأسيس مدرسة أوروبية لكرة القدم
لتفريخ اللاعبين للنادي العربي ...

اي فعلا نادي العربي محتاج لاعبين اتفق معاك
:d

 

[غلا الدنيا]

أقوم بتأسيس مدرسة أوروبية لكرة القدم
لتفريخ اللاعبين للنادي العربي ...

ليش أوربية؟ وليش بس نادي العربي؟ قول انشاء مؤسسة لتأسيس اللاعبين وتهييئهم للإحتراف وممكن نستعين بكوادر أجنبية .. عموما ً موفق

احنا في الكويت وبالوقت الحالي من وجهة نظري محتاجين قرية إسكانية وسياحية وتريفيهية وخدماتية

نحل من خلالها جميع المعوقات ولا اريد الجزم ولكن لو كان هناك مشروع واحد تتفق عليه الحكومة

ويصرف عليه مبلغ مالي ثابت لن تكون هناك اية ازمات سواء على مستوى الاسكان او العمل والشعب

سوف يتقبل ذلك بصدر رحب ... وإن تسائلت عن هذا المشوع اعطي على سبيل المثال مدينة الحرير

لو طبق هذا المشروع على ارض الواقع بإعتقادكم كم وظيفة سيوفر للمواطنيين كم سيحل ازمة إسكانية

ان لم تكن اجمعها كم مستشفى ومدرسة وجامعة ستخدم هذا القطاع الكبير ويخفف العناء والزحمة وسكن

للوافدين من عمارات وهبوط في اسعار الاراضي ...


ومشروع مثل هذا يكلف 25 مليار دينار : )

بس راح نرتاح سنوات طويلة ونعيد امجاد ماضية .. الله مع مطار جديد في جهة الشمال وسككك حديد

راح نصير ولا لاس فيغاس ^_^

فعلا ً هذا الشي كلنــا نطمح إن يكون موجود هذا أبسط شي ممكن تسويه الحكومه لمواطنينها .. بس ياخووي المصالح الشخصية عمت عيون الناس وصار كل واحد يدور مصلحته وشلون يقدر يستفيد من هالمشاريع وينفع جيبه الخاص .. ليش جذي فتحت علينــا الجروح :\

حسافة عليج يـالكويت .. هالديرة يبيلهـا ناس سنعة تعدل هالديرة وتخاف عليها شوي ..!

المشكله إن مو قادرين يستغلون فلوسنــا بشي سنع مع إن الحمدلله الخير وايد لكن المشكله في الإدارة ..!

أعطيكم مثال..؟

قبل كم يوم مقابلين لواء في وزارة الداخلية .. تدرون كم قيمة المخالفات المرورية فقط من بداية 2008؟؟؟؟

كم تتوقعون ...؟

مليون؟
مليونين؟

غلطانين ..!

أكثر من 36 مليون دينار كويتي!

تخيلوا كل هذا ووزارةالداخلية ليلحين يداومون بمدرسة ..!

شنقول بس .. الله يحفظ هالديرة من كل حاسد وأناني ..

بس إن شاءالله إحنـــا بنظل متفاءلين وفاء ً للدكتور أحمد الربعي رحمة الله عليه ..

وانا متأكده إن الخير في شباب الديرة إن شاءالله ..

 

[محبة القرآن]

منتزه ومقهى...ومطعم...وإستراحة...








* اللهم إني صائم.

حسبنا الله ونعم الوكيل طبعا تم حذف الصوره حتى لااحمل وزرها
اتقي الله في نفسك ثم فينا يا اخ محمد العنزي نرى الصور اللي حاطه كل من نظر لها بتحمل وزره ....واحنا بهالشهر المبارك الفضيل بسعى لتميع الحسنات مو تجميع سيئات الله يهديك
غير اني باقولك نصيحه ان رب العالمين مايبارك في هالمشاريع اللي كلها مفسده للمسلمين
ونسال الله السلامه والعافيه ....والسموح مني لكن وجب علي نصحك​

 

[غلا الدنيا]

غلا الدنيا
صج صج ياريت يصير هالمشروع اللي ببالي
وابي تصميمه حلو بس مو فخم يخرع
وكل جانب لون

تهقين منو يربح اكثر
كافيهنا ولا كافيه اخوي محمد العنزي

طبعا أخووي aDrenaline لازم يكون تصميم بسيــط وناعم وألوانه مريحة وهم قعدات مريحة ..

لأن ماراح يكون بس كافيه راح يكون مكان للقراءة فلازم نختار ألوان مريحة للنظر ..

أحد أهدافي إللي حاطتها إهي شلون نشجع الشباب على القراءة؟ يمكن الـــ Atmospher مال الكافيه راح يشجع الناس على القراءة ودام إن عندنــا بالكويت كل شي هبه وتقليد أعمى خلينــا نسويها عالأقل هذي ظاهرة صحية للتقليد الإيجابي..

هــا إشرايك..؟

جد تحمست للمشروع ..