سؤال وجواب اللي عنده خبرة بالرعاية السكنية والعلاوة الزوجية أتمنى يجاوبني وشكراً

روائي

عضو مميز
السلام عليكم


عندي استفسار يا جماعة

الحين انا تزوجت من بلد عربي وانا كويتي .. هل تشملني الرعاية السكنية؟ متى اقدر يطلعلي تخصيص بيت؟

وكم قيمة العلاوة الزوجية للمتزوج الدرجة الثانية؟

اتمنى حد يجاوبني والله راح ادعيله في كل صلاة
 

روائي

عضو مميز
نعم تشملك الرعاية السكنية سواء تزوجت كويتية او غير كويتية
قيمة العلاوة الزوجية ثابتة لجميع الموظفين مالها شغل بالوظيفة
تسلم ياخوي على ردك جزاك الله خيراً ومن الليلة راح ادعيلك والله 🙌🏻

بس بسالك بالنسبة للزواج من اجنبيه هل اقدر املچ عليها في بلدها واصدقه من السفارة الكويتية او لازم تجي الكويت ؟ مع العلم اني مو قادر اروح ولاقادر اجيبها
 

شمري كويتي

عضو مخضرم
تسلم ياخوي على ردك جزاك الله خيراً ومن الليلة راح ادعيلك والله 🙌🏻

بس بسالك بالنسبة للزواج من اجنبيه هل اقدر املچ عليها في بلدها واصدقه من السفارة الكويتية او لازم تجي الكويت ؟ مع العلم اني مو قادر اروح ولاقادر اجيبها
هذا السؤال ماعندي جواب عليه
علشان لا اعطيك جواب غلط
لكن اذا كنت عسكري انتبه ولا توهق نفسك
لان العسكري اذا تزوج من غير اذن من الدوام
ممكن يتسرح من العمل يعني يفصلونه من العسكرية فصل نهائي
وعلشان لا توهق بنت الناس معاك اسأل هني في وزارة العدل
ترى السؤال سهل وما يحتاج وقت طويل تاخذ الجواب خلال دقايق
واذا مالك خلق تروح لادارة التوثيقات الشرعية في وزارة العدل
تقدر تتصل على اي مأذون شرعي رسمي معتمد من وزارة العدل
ارقام المأذونين الشرعيين موجودة في تويتر و قوقل
وفي موقع وزارة العدل او تكتب مأذون شرعي الكويت في قوقل
او تسأل اي امام مسجد او شيخ دين يعطيك تلفون مأذون شرعي
وتسأله بس بشرط يكون مأذون قديم وعنده خبرة بعقود الزواج
الخارجية اللي من خارج الكويت ومارة عليه نفس الحالة
لكن الافضل والاضمن انك تروح تسأل في وزارة العدل
والامر سهل وراح تاخذ الجواب وانت واقف من رئيس القسم
محاكم الكويت كثيرة ومنتشرة في جميع المحافظات
عندك في الرقعي و الجهراء و جنوب الصباحية وقصر العدل
وحولي تقريبا في كل محافظة يوجد مجمع للمحاكم
في نقطة مهمة شنو جنسية الزوجة اذا حاب تقول جنسيتها
لان في جنسيات ممنوعة من دخول الكويت منع تام
واذا تعطل موضوعك وانت متمسك بالبنت ومصر على الزواج
منها تقدر تكلم احد اعضاء مجلس الامة علشان يتوسط

لك ويشفع لك شفاعة حسنة ويجيب لك استثناء اذا في مجال
 
التعديل الأخير:

شمري كويتي

عضو مخضرم
بالنسبة لموضوع البيت الحكومي والرعاية السكنية
اتمنى تروح تسأل بنفسك علشان تتأكد من صحة جوابي

اسأل اي موظف في المؤسسة العامة للرعاية السكنية
لاني عطيتك جواب من خلال معلومة قديمة لها عشرات السنين
وانت تعرف قوانين الكويت كل فترة تتغير
لذلك الافضل والاضمن تسأل بالمؤسسة بنفسك
سواء من خلال زيارتهم او من خلال الاتصال الهاتفي
تلفونهم الخط الساخن 1888840

الخط الساخن 1888840
1888840

أو تلفونهم الرئيسي 25301000
عنوانهم جنوب السرة منطقة الوزارات
اللي فيها البطاقة المدنية و بيت الزكاة
الدوام اذا ما تغير من 8 صباحا الى 1 ظهرا

واذا محتاج اي مساعدة هناك راسلني بالخاص وابشر بالخير
 
التعديل الأخير:

شمري كويتي

عضو مخضرم
انا بحثت في تويتر وطلع لي هذا الكلام
مأذون الكويت
@maathon_kw

إشراف المأذون الشرعي عماد العصيمي 99727242 whatsApp 99159515
تلفون رقم 99159515
تلفون رقم 99727242
الرقمين اتوقع واحد منهم اتصال عادي والثاني واتس اب
 

شمري كويتي

عضو مخضرم
في معلومة هامة مادري عندك خبر عنها او لا
اذا تزوجت غير كويتية ما تاخذ قرض الزواج
قرض الزواج حاليا قيمته 6000 دينار
يعني راح تنحرم من مبلغ ستة آلاف دينار من غير فوائد

القرض ما عليه ارباح وبقسط شهري بسيط
من 50 الى 100 دينار تقريبا
القرض يقدمه بنك التسليف و الإدخار
اللي صار اسمه الحين بنك الائتمان
 

شمري كويتي

عضو مخضرم
  • شروط قرض الزواج :

  • أن تكون الزوجة كويتية الجنسية في تاريخ الزواج

    • ويستثنى من ذلك فئة ذوي الاحتياجات الخاصة
    • ( إعاقة شديدة أو متوسطة ).
      أن لا يكون قد سبق له الحصول على قرض زواج
    • و يستثنى من ذلك الأرمل.
      ان لا يكون قد سبق له الزواج من كويتية والعبرة بجنسية الزوجة وقت تاريخ عقد الزواج
    • يستحق الزوج الذي تتوفى زوجته الوحيدة
    • قرضا اجتماعيا بقيمة 4000 دينار دون مبلغ الهبة
    • للزواج مرة ثانية فاذا كان طالب القرض
    • مدينا بقرض سابق فيستمر تحصيل الاقساط مضاعفة.
      يستحق الشخص ذو الاعاقة البسيطة
    • في حالة الزواج من غير كويتية قرضا اجتماعيا
    • بقيمة 4000 دينار دون مبلغ الهبة
    • بشرط توافر الشروط المذكورة اعلاه.
      يستحق لمن سبق له الزواج من كويتية
    • ووقع الطلاق قبل الدخول و قبل التقديم
    • على طلب القرض الاجتماعي قرضا اجتماعيا
    • بقيمة 6000 آلاف دينار

 
أعلى