سؤال وجواب ما هي أفضل الخامات الشتويه ؟

شقردي

عضو فعال
مع دخول فصل الشتاء وتفصيل الدشاديش الشتويه .. المعروف إن الصوف الإنجليزي هو الأفضل
ولكن هناك من يفضل الكشميري لإنه أخف و أرخص من الإنجليزي .. وهناك خامات أخرى مخلوطه يمكن غسلها بالبيت

أنا شخصيا أفضل الصوف الإنجليزي .. ومع ذلك فهو أنواع مختلفه و أسعار مختلفه .. فقبل فتره شاهدت تقرير عن محل يبيع الخامات اسمه بن نخي .. يبيع المتر ب 800 دينار فقط لا غير

فما هي أفضل الخامات وما إسم النوع الأفضل والسعر المناسب وما هو المحل الموثق لديك ؟

وبالمره اذكر الخياط المفضل لديك ؟ ومن كشختك الناس حبتك

وتحياتي للجميع
 

المختصر المفيد

عضو بلاتيني
صوف الكشمير من أفخر الأنواع على الإطلاق و أفضل ماركة جربتها هي دورمويل شي عجيب و لكن عليك بالبيزات الماركة منتشرة عند محلات الأقمشة الفاخرة تقريبا يصل المتر إلى 90 د.ك

طبعا هذا قبل دخول القفص الذهبي السعيد

ماركات زينة :=

وود هاوس

هايلد

جيفنشي

اتعب على السوبر 150 خفيف و شغل عدل

الآن السوق مليء بالخامات المتميزة بأسعار جيدة جدا

أجواخ أبو الحسن

الدبلوماسي

سرابيل

القطري

كلها محلات طيبة

و خياطي هو OXYGEN في الفحيحيل السعيدة غالبا أشتري منه الخامات و أفصل عنده شغله زين
 

السعيدي

عضو مميز
الخامات الشتويه احسن شي الا نجليزي واحب الالوان الرسميه الساده والقمصان مع الدشداشه الشتويه شي
الخياط الى ارتاح با التعامل معاه خياط الضواحي شاه فى البلوكات
 

هيو

عضو فعال
كنت دايما اخذ الصوف قبل .. بس اكتشفت انه فيه عيب خطير ... خل يطق المطر و يحوش الدشداشة .. تعال شم الريحة :) .. مع العلم ان كنت اخذ اكثر من نوع و من كذا محل .. غير ان مو كل المصابغ تتعرف تتعامل مع الصوف اللي يحتاج تنظيف خاص ..

حولت على الخامات المخلوطة .. شغل عدل و نظيف و حتى سعرها ارخص ..

بالنسبة للخياط .. خياط المقص الذهبي ...
 

الكاشونة

عضو ذهبي
اذا تبي الكشخة عندك محل الأمراء في الصالحية وخصوصا الخامات الأيطالية بعض الماركات

يعطونك الزراير منقوش عليهم اسم الماركة ..

بس هاه .. السالفة يبيلها تنق فلوس وايد ..

والا عندك مثل ماقالوا الربع ابو الحسن وتقي طبعا ويقولون الرفاعي بالمباركية بضاعته جيدة

و اسعاره زينة لكني الصراحة ماجربته ..

و الخياط طبعا الرفاعي بالبلوكات ..

تحياتي ,,
 

k7elan

عضو بلاتيني
شباب ..
مافي خامات ..
كويسه ورخيصه :( >> احس اني داش غلط هههه


جد والله ..
بشتري خامات كويسه ..
لكن بنفس الوقت سعرها مقبول .. مو 20 بالمتر ..
اعنانتي كلها 100 دينار :)

نفس الحالة

انتظر يومين او ثلاثة لما تنزل الإعانة ,و فصل كم ثوب ابو 7 او 8 دنانير من الفروانية
 

محايد

عضو مميز
امر على الخياطين بالفروانية , اذا لقيت خامة طيبة اخذتها مو شرط من محل معين

هذا هو عين الصواب . وماعليك من المظاهر السخيفه . الانسان قيمته بفكره وليس بسيارته او دشداشته او نعاله . هنالك بعض الاشخاص سيارتهم اغلى من عقلهم . تحياتي
 
التعديل الأخير:

لا تعليق

عضو ذهبي
والله يا اخوي بالنسبة للشتوي

عندك الانقليزي ملك السوق و على فكرة كلهم يبيعون بأكثر من السعر لانه محصلين من يشتري ما توقف عليك

الانقليزي تحصل المتر الممتاز 11 و 12 دينار يعني الدشداشه من الاخر 33 او 36 دينار وممتازه جداً
بس اهم حركات يبيعك المتر سعر الدشداشه يقول ان الخامه كيت وكيت وحركات الولاعه الخيوط والنقش واذا ساده بلاوي فيها واهي تكلفتها اقل بعد بس تحصل على 6 و 5 للمتر الممتاز في بعض المحلات اللي عندهم ذمه ويبون زبون مثل البلوكات في محلات صاده تلقاها نفس اللي عند المحلات المعروفه بس فرق السعر :)

الصيني زين بس ما يدون

عندك بن نخي اللي بعبدالله السالم يبيع الصيني بكثره و الوان حلوه بسعر 3 دنانير المتر الدشداشه 9 مرتاح



على الذوق وحفظ الخامه :) مو على الاسم والسعر السالفه

ملبوس العافيه
 

Chartist

عضو مميز
الله ايخلي ( عبد الحميد الصعيدي) بياع خام ( حق دواوين ) ايمرك للدوانيه وتاخذ 10 دشاديش علي 30 دينار يعني المتر (دينار)  
اول شئ ايقولك المتر ب5 وتكاسره ل 3 دنانير واتشربه (استكانه جاي) ل دينارين
وتعطيه بعد زياده( جاي اخضر) ايصير المتر بدينار وبعدها اتروح لخياط ( الجمعيه ) وفصل
وعلي فكره الخام زين يقزر معاك والوان حلوه واهم شي جديد ويسترك ! ليش اقط 150 علي دشداشه (مجوي علي راسي) والا بعرفون انه هذي سعرها هالكثر تري ماراح اتغير اسمك او اسم ابوك هذا انت ! يا جماعه تري الدنيا زواله وهذي اصراف وبذير
الحمد لله الخير عندنا من الله لكن هذا مو ( بخل ) مجرد قناعه يا ناس
والي باط (جبدي )الي ايقط علي نفسه ملابس ماركات غاليه وسياره كشخه وهو امقصر مع اعياله وام اعياله ( تري صج ) واشكثرهم عندنا بالديره وهذا ( مرض مزمن بالكويت ) يصرف واخر الشهر يتسلف من ( امه او من خواته) وهذي مشكله ( ماااااااا فيه قنااااااااعه)

شكرا




 
 
أعلى