ناصر عبد المحسن المري يردد قائلا’’ مانيب من ياتي ولايدرى به ’’

الحالة
مغلق و غير مفتوح للمزيد من الردود.

شاهي حلو

عضو ذهبي
الف الف مبرووك ناصر المري

نتقدم بالتهنئه للمرشح ناصر المري
لحصوله علي رقم مشرف جدا رقم قلة قاعدته
وهذا دليل علي قبوله من كافة اطياف الدائره الخامسه
ورقمه الذي تعدي حاجز 10000 صوت لا يستهاب فيه
وهذي اول تجربه والجايات احسن من الرايحات
وفالك كل الخير المحيط الهادي
 
تبي الصراحة :

ناصر المري كسر جميع التوقعات .

كنتُ أتوقع أن يحصل على نصف هذا الرقم ( 5 آلاف صوت على الأكثر ) لقلة قاعدته الانتخابية ( قبيلة آخر مره الكرام ) .

ولكن كيف حصل عليها ؟!:)
 

شاهي حلو

عضو ذهبي
تبي الصراحة :

ناصر المري كسر جميع التوقعات .

كنتُ أتوقع أن يحصل على نصف هذا الرقم ( 5 آلاف صوت على الأكثر ) لقلة قاعدته الانتخابية ( قبيلة آخر مره الكرام ) .

ولكن كيف حصل عليها ؟!:)


تتصور كان يشتري !!!!
 

الرأي الاخر

عضو ذهبي
حسب مراقبتي لنشاطه..

اعتقد المري كفاءه وافضل 100 مره ..

من مرشحين اخرين نجحوا في هذه الدائرة..

حسافة عليه و ان شاء الله في الانتخابات القادمة يكون صوت الحضر و البدو و الشيعة...

لان طرحه غير عنصري و غير قبلي...
 

Locke

عضو فعال
تتصور كان يشتري !!!!


ما أعتقد ، بس وجوده في كذا منصب كبير في مجالس إدارات شركات كبيرة ( نور ، الصناعات ، الفنادق ، مؤسسة الخطوط الجوية الكويتية ) ممكن ساعده إما بتوظيف أو ترقيات والله أعلم ، الله يهداك بعد مال ومنصب الله يزيدك ، شناقصك بعد وإلا المجلس إللي الحين ناقصك
 

العازمي1

عضو فعال
والله هذا لو نجح يحول الكويت الى سويسرا ما عليه حظ اوفر وفاله التوفيق المرات الجايه
 

الساخر

عضو فعال
ياشباب
ناصر المري فعلا رقم صعب
ذكرني بمنتخب كوريا بكاس العالم٢٠٠٢ :D:D:Dيعني اجبر الاخري علي احترامه
ولا ينطلق من ٢٠٠٠ صوت ويجيب هالرقم !!!!!
هذا يدل علي ان الخامسه مازال فيها امل وفيها عقول تفكر بمصلحه لكويت
وان الرجل كفاءه اتمني ممن يعرفه يقول له ان يكمل المسيره الا الانتخابات القادمه ٢٠١٢
مبروك وانشالله الانتخابات القادمه نشوفه
 

TALIANY

عضو فعال
يستاهل المري والله جاب رقم مشرف
رقم ربعه ضيف عليهم كل الوعله ضيف عليهم تبديل ضيف عليهم اصوات خارجيه
بصراحه ناصر المري اتوقعله النجاح لو انه داخل قائمه
 

بـدر

عضو فعال
يستاهل المري والله جاب رقم مشرف
رقم ربعه ضيف عليهم كل الوعله ضيف عليهم تبديل ضيف عليهم اصوات خارجيه
بصراحه ناصر المري اتوقعله النجاح لو انه داخل قائمه


اقسم بالله ما صدقت يا حاقد .. كل الوعله وقفوا معه؟؟؟

هني انا اقسم وبكل راحه بال ياللي تقسم ان سعدون مايشتري

صحيح انك منافق مع احترامي .. وانتزع القناع اللي على وجهك
 
التعديل الأخير:

TALIANY

عضو فعال
اقسم بالله ما صدقت يا حاقد .. كل الوعله وقفوا معه؟؟؟

هني انا اقسم وبكل راحه بال ياللي تقسم ان سعدون مايشتري

صحيح انك منافق مع احترامي .. وانتزع القناع اللي على وجهك

يعني الوعله ماعطو المري؟
والشيبان الي جوه المقر قبل الانتخابات ال مطلق
وقالوله لك الصوت سنقل
انا لو ابحث عن ثرثره كان ذكرتها قبل الانتخابات
بس عقلي اكبر من عقلك خذلك ورده يمكن ترفه عليك :وردة:
واكررها قسما بالله سعدون مايشتري :إستحسان:
 

مشاااااري

عضو مميز
ناصر المري يستاهل الوصول الى المجلس

ناصر المري عطوه الاصوات كل القبايل

وانا عنزي وعطيته واصريت اني اخلي اهلي يصوتون عشانه وغيري كثير الدائره الخامسه تبي رجال مثل ناصر

وناصر يتحدى اي شخص يتهمه انه يشتري اصوات لانه مادخل المجلس الا من اجل الكويت وشعبها رجل يخاف الله


وانا والله اني كنت متوقع انه يوصل لكن ان شالله بالمجلس الجاي ناصر عضو واتمنى من ناصر يبقي على ماهو عليه ولا يتركنا ويبدا من الان ليعرفه اهل الدائره كلهم
 

بـدر

عضو فعال
ماقلتلك انك انت الثرثار واللي تدورها..لكن ما تلقاها...

الحين كلنا ندري ان ال مطلق راحوله وعطوه الصوت

طيب ال مطلق يمثلون كل الوعله؟؟؟

ما يجون 20 % من الوعله يا فاهم
 

السردال

عضو فعال
يشهد الله

ان الحضر والشيعه عطوك لخبرتك وتواضع واخلاقك الطيبه والجايات تكثر و مبروك علي الرقم اللي جبته بذراعك ولا منت احد
 

TALIANY

عضو فعال
ماقلتلك انك انت الثرثار واللي تدورها..لكن ما تلقاها...

الحين كلنا ندري ان ال مطلق راحوله وعطوه الصوت

طيب ال مطلق يمثلون كل الوعله؟؟؟

ما يجون 20 % من الوعله يا فاهم

انته بديت انته اتحمل
ال مطلق مايجون 20 بالميه عز الله انك ماقلت الصج
ثاني شي ذكرت بأحد مواضيعي وقلت يالعجمان
راح يبين تحالفكم بتاريخ 11 /5 وكان مقصدي فيها
انتخابات جمعيه ام الهيمان وصدق الحدس وسقط مرشح
ال سالم
ف ال سالم وال مطلق كلهم صبو على المري وعز الله
انه المري يستاهل وينومس ربعه ويام كلها
جاب رقم من غير تحالف وربعه رقمهم بسيط
ووصل رساله تنخر عظم كل متحجر انه الكثره لاتعني
الغلبه
 

شاهي حلو

عضو ذهبي
يا شباب الانتخابات انتهت
ولا بقي الا السوالف الطيبه
سكروا ملف الانتخابات
والف الف مبروووك للفايزين
 

صاحب الحق

عضو فعال
كفو والله

والله يا اخوان اني انا عنزي من الرابعه وربي كنت اتابع نتيجه ناصر المري بالخامسه على احر من جمر والسبه ان الرجال ينومس ولا قصور في الباقي . والله اني كنت اطالع بعين نتيجة عنزة وربعي وبعين ثانيه نيجة المري . وقسما بالله ان هالرقم ما كنت متوقعه ابدا وهذا والله بالرقم هذا يعتبر ناجح وكفو عليه وعلى لابته وكل من عطاه . والحين انتم يا مره عندكم طير شلوى اللي تقدرون تقنصون به بالانتخابات الجايه بس اشتغلوا صح ودشو تحالف وخلوا ناصر لا يهدي بل يتواصل مع الجميع سنه وشيعه حضر وبدو واقول لكم يا مره ويا ناصر الف مبروك الكرسي المرة الجاية .
تكفون قولولي متى ما سوى عشاء ابي اجيه من الجهراء واسلم عليه والله اني ما اعرفه لكن شعر راسي وقف احتراما له ولقبيلته العريقه ولا قصور في جميع القبايل . لا تنسون علموني
 
والله يا اخوان اني انا عنزي من الرابعه وربي كنت اتابع نتيجه ناصر المري بالخامسه على احر من جمر والسبه ان الرجال ينومس ولا قصور في الباقي . والله اني كنت اطالع بعين نتيجة عنزة وربعي وبعين ثانيه نيجة المري . وقسما بالله ان هالرقم ما كنت متوقعه ابدا وهذا والله بالرقم هذا يعتبر ناجح وكفو عليه وعلى لابته وكل من عطاه . والحين انتم يا مره عندكم طير شلوى اللي تقدرون تقنصون به بالانتخابات الجايه بس اشتغلوا صح ودشو تحالف وخلوا ناصر لا يهدي بل يتواصل مع الجميع سنه وشيعه حضر وبدو واقول لكم يا مره ويا ناصر الف مبروك الكرسي المرة الجاية .
تكفون قولولي متى ما سوى عشاء ابي اجيه من الجهراء واسلم عليه والله اني ما اعرفه لكن شعر راسي وقف احتراما له ولقبيلته العريقه ولا قصور في جميع القبايل . لا تنسون علموني

راح يكون فيه اعلان بالجريده ، وراح تشرفنا بحضورك.....
 

SaaDaa7

عضو
الصراحه رقم يشرف

للأمانه

لو القى مثل طينه ناصر المري والجري ومسلم البراك وفيصل المسلم بالدائره

صدقوني محد راح يلتزم بمخرجات فرعيته وبيتزلم ويا هالريجيل

بس الي اتمناه من المرشح ناصر المري

انه مايوقف او يحبط من الخساره

اتمنى الاستمرار وزياره دواوين الدائره

وانشالله الانتخابات الجايه تكون له كلمه
 
الحالة
مغلق و غير مفتوح للمزيد من الردود.
أعلى