وايد تعبت نفسك تصدق ؟
داش الموضوع عشان بس تكتب هالكلمتين ؟
لكن ماهي غريبة ، أكثر الرجال عندما تصدمهم الحقائق يحاولون تضييع السالفة !!!!!!!!!!
ولد النوخذة مدح اللي صبرت على خيانة زوجها لها مع الخادمة اللي تسفرت مسيجينة بسبب نطفة كفيلها !
وأنا سألته وأسألكم كلكم عن رايكم في الزوج اللي يصبر على خيانة زوجته له مع الساءق ويكتفي بتسفيره ؟
أما اسم الموضوع فهذي قضية خلصنا منها ونحن الآن في الصفحة 6 .
أشوف وشكم بخير يا طوال الشوارب وناقصين العدل والدين !!!!!!!!!!
يا طريق الحرآير ..
خلينّا نمشي حبة .. حبة ..
أحنا أول شي خلينّا نتحجى عن الشرع والدين ..
الله سبحانه وتعالى .. ما فرّق بين ذكر أو أنثى في العقآب .. وهـ الشي أحنا خآلصين منه .. وما عليه خلاف ..
...
خليني أقولج شغلة :
فيه .. قاعده فقهية معروفه بالتشريع الاسلامي أسمها " العرف " ..تمآم ..؟
" فكل ما أقرّه العرف وكل ما رفضه العرف يدخل ضمن سيآق القانون فيعد كالتشريع "
"فالمعروف عرفاً كالمشروط شرطاً "
أنتهى ..
أحنا في مجتمع شرقي .. اللي يعتبر أنه البنت أهيا عرض وشرف العآيلة كلها ..
الوآحد من أهلنا .. يبيع عمره .. عشآن شرفه صح ..؟ ومنو شرفه وعرضه ..؟ البنت ..
ومن هـ الأساس أتخذوا هـ القآعدة ..
..
الله عزوجل .. يوم شرّع القصاص بالزنا قدم الزانيه بتشريع العقوبه .. : ( الزانيه والزاني فاجلدوا كل واحد منها مئه جلده...)
وفي تشريع القصاص بحدّ السرقه قدّم الرجل وقال : ( والسارق والسارقه فاقطعوا ايديهما جزاء بما كسبا نكالا من الله )
ليش ربنا قدّم الزآنية .. بمجال الشرف والعرض (الزنا ) .؟
لأنه عقوبة لها .. ولـ أهلها لأنهم ما أحسنوا تربيتها .. وجزاءهم " العآر "
..
جوفي حكمة ربج ..
شيقول خير البشر في الحديث : ؟
"من كان له ثلاث بنات أو ثلاث أخوات أو بنتان أو أختان فأحسن صحبتهن واتقى الله فيهن دخل الجنة "
جفتي هـ الحديث ..؟ كآن مبدأ أخذه العرب .. وهـ المبدأ .. هو مفهوم المخآلفه والمقصود فيه :
أنه من فعل خلآف هذا الحديث له الحكم المضاد ..
يعني .. اللي ما يحسن تربية بنآته .. له النار .. عرفتيّ .؟
العرب .. من خشتهم من عقاب الله .. وكرههم لدخول النار أتخذوا مبدأ " الريّال شآيل عيبه "
لأنه .. أبوه وإخوآنه .. وأهله .. وعشيرته .. مرآح يتعيّرون فيه .. لأنه " ريّآل "
أما البنت .. مثل ما قلت لج قبل أشوي .. بتظل غلطتها يتعآير فيها كل أهلها ..
..
أنتي لمتي .. أخوي ولد النوخذة .. يوم قالج موقف .. اللي ردّت حق زوجها عقب خيآنته لها مع الخآدمة ..
أرد .. أكرر سؤالي .. شنو اللي خلّى هـ الريّآل " تدني " نفسه عـ الخآدمة ..؟
شنهي الأسبآب ..؟
طبعاً غلطته لا تغتفر .. لا شرعاً ولا عرفاً .. لكن قبل ما أنلومه .. خلينّا أنجوف .. شنهو الغلط ؟
..
خليني أقولج شغلة ..
محسوبتج نـور .. أتزوجت يوم تخرجت من الثانوية سيييدة .. كآن عمري 17 وأشوي ..
17 ترى حدّه يآهل .. وفجأة .. لقيت نفسي متزوّجة .. ومن شخص أكبر مني بـ 10 سنوآت .. فرق السما عن القآع ..
أهوا ريّآل نآضج .. وفآهم ووآعي .. وآنا توّي حتى ما أخترت تخصصي في الجآمعة ..
اللي حصل .. أنه الريّآل شكله .. " لعن السآعة السودة اللي أخذها فيني " لوول ..
مـحد قآله يآخذ يآهل يستآهل ..
..
طــفرته بمعنى الكلمة .. لا تسأليني ليش ..؟ المسألة كآنت عــنآد .. لاأكثر ولا أقل ..
آنا أفضل الوآحد يآخذ معللة ولا مدللة لوول .. المهم ..
تدرين نتيجة عنآدي ..ودلعي .. وحركآت اليهال .. شنو كآنت ..؟
قآم إيحآجي وحدة بالمسنجر .. عقب قآم إيحآجيها بالتلفون .. و و و ...
آنا دريت .. وما قلت له ولا شي :
بجوف شـ بيوصل له ..؟
..
فكرت بـ شغلة وحدة حزّتها .. أنه هـ الريآل حقي آنا وبس .. ولو تميت على سوآلف اليهال هذي .. بيروح مني .. وممكن أنه بلحظة .. إيصير ملك غيري ..
وبنآت إبليس .. اللهم لا حسد .. منتشرين بشكل فضييع ..
..
أقص عليج لو قلت لج .. ينيت .. لو قلت لج : عآدي عندي ..
آنا من يوم الله خلقني فيني أشوية ينون وزآد ينوني ..
...
عموماً ..
قلبت 180 درجة . ودورّت شاللي وصله لهـ الحآلة ..؟
وأهوا كآن ملاحظ .. هـ التغيّر .. وعقب فترة طوييلة .. ما أقص عليج وأقولج .. فترة قصيرة .. وبعد مــعآناة ..
ردّ ولد الناس مثل ما كان ..
تدرين ..؟
للحينه ما درى أني دريت .. ولا حتى أي مخلوق كآن درى .. لأنه مثل ما قلت لج : الريّال ما إيسوي الغلط .. وأهوا عنده كل شي موجود ..
ولو أني قلت له أني آنا دريت .. بـ يطلع برى البيت .. وإيسوّي الغلط .. ويمكن يطخّ عن الغلط .. بس بدون قنآعة .. وهـ الشي آنا ما كنت أبيه يسير ..
..
.. النتيجة ..
عندي عبدالرحمن ألحين .. يسوى الدنيا وما فيها .. وبالعكس .. يمكن كآنت خيرة لي آنا أنه أعيش بموقف جي ..
أجذب عليج لو أقولج : السآلفة رآحت عن بآلي .. ولا أقولج : للحين وآثقة فيه 100 % ..
الشي الوحييد .. اللي آنا وآثقة منه .. كثر مرآح أعطيه .. بيعطيني .. وكثر ما قدّرته بيقدّرني .. وكثر ما زرعت بحصد ..
..
أحيآناً هـ الموآقف أتصحينّا .. وأتخلينّا أنطآلع الدنيا صـح ..
..
مُختصر اللي قلته : آنا مع أخوي النوخذة .. باللي قاله ..
لأنه لو كل وحدة فكرت .. أنه زوجها ملكها أهيا وبس .. مرآح أتخليه وأتهدّه لـ بنآت إبليس .. ولو طلبت الطلاق .. ورآحت بيت أهلها .. عطته الفرصة أنه يتمآدى ..
وأنه أهيا بنظر بنت إبليس .. الخسرآنة .. لأنها تنآزلت وبكل سهولة .. عن شي أهوا بالأساس لها ..
..
وآيد قرقت آنا .. الله المستعان ..
..
:وردة: