كلمة حق للي يتكلم بدون معرفة
نبيل السلامة كان من أكفأ مهندسي وزارة المواصلات
وأداءه رائع كوزير لأصعب وزارتين (الكهربا والمواصلات)
عيب أن يتم الطعن بكفاءة شخص لمجرد إنه يصير لنائب
شقالولكم ؟؟ ترا نبيل ما انحط بالواسطه
ولما دخل الوزاره ما ترسها أهله
لأن باختصار أهو وأهله أحسن وأكفأ من إنهم ينفرضون...
بالنسبه لموضوع الجنسيه المزدوجه بصراحه كلنا نحييه على فتح هالموضوع
حتى لو ما كمل جميله وفضح النواب اللي عندهم جناسي مزدوجه
والعيار اللي ما يصيب يدوش
بدليل إن علي الرشد حاليا مكروه و"مُحارب" من جميع أصحاب الجناسي المزدوجه و"المؤيدين" لهم
بصراحة آنا انضميت للمنتدى وما كنت آتخيل إن أسلوب الطرح جذي صاير
للأسف الناس لما يتعارض أحد مع آرائهم يطعنون ويسبون ويتهجمون حتى على أهله وممكن يوصلونها للأعراض بعد
وللأسف إنا نشوف ألفاظ كلنا نرفض تنقال حتى لأعدائنا
للأسف إن الإخوان اللي يسبون ما يحسبون حساب شي اسمه "احترام الذات" و "قبول الآخر"...
إي أخوي العزيز . بن سلامة قدم استقالته
إذا عندك شك تقدر ترد لملفات وزارة المواصلات
أو اسأل كل الوكلا المساعدين والمدرا وحتى المراقبين ورؤساء الأقسام
وأسميلك ناس بعد:
عبد المحسن المزيدي ، راشد الميع ، حميد القطان ، منصور البدر ، سماح بو البنات ، علي الزبن ، حميد أشكناني ، عادل دشتي ، هند المسعود...
أخوي الشاهين ليش المعلومات الغلط إذا كنت مو متأكد
الراشد والدته من عايلة الرفاعي
ماني فاهم ليش هالطرح الغير موضوعي
ساعه يقولون حط ولد خالته وزير
وساعه البدر خاله
بن سلامه ولد خالة علي الراشد وأخو زوجتة
وبن سلامه استقال من وزارة المواصلات وأهو مرشح لوكالة الوزارة
أخوي يرجى إنك تسأل عن بن سلامة قبل لا تحكم عليه
مو قادر أفهم ليش الناس يعايرون علي إن ولد خالته صار وزير
ترا بن سلامة معروف أكثر من علي الراشد
مساكين يا أهل الكويت صار كل تعيين لازم تدورون وراه...
ولحد يقول إني عضو يديد وداخل أسويله دعايه
ترا آنا دخلت وسجلت علشان أعلق على وزراء النفط والكهربا
بس بصراحه آلمني إني أشوف ناس يتجنون على شخص راقي مثل علي الراشد لمجرد إن توجهه يختلف عنهم
مشكلتنا بالكويت إنا نجرم اللي يخالفنا بالراي
ونطعن الناس اللي يخالفونا بأعراضهم
ودينهم
ناخذ منزلة رب العباد...
أذونا الجماعه بكلمة حكومي .. جنه له علاقة بحكومه عدوه ما جنها حكومة الكويت وحكومة شيوخنا
وعلاقته أساسها نزع فتيل تأزيم أعضاء هايفين
يبا الله يوفجك يا بو فيصل وربي إنك تستاهل الفوز واللي ينتقدونك نعرف أجندتهم عدل
ساعه يقولون طبقي .. والرد صج اللي مو واثقين من نفسهم يضحكون
ترا القادسيه منطقه بسيطه...
أداء فوق الجيد حتى الآن
أتوقع هذا وزير ممكن ينقاله "تكنوقراط" ، تم اختياره لوزارتين مهمتين مع مؤسسات تابعة (الكويتية ، الموانئ ، الطيؤان المدني ) وحملهم ثقيل ، بس ماشالله عليه للحين قادر يدير الأمور بطريقة متوازنه وبمهنية عالية ، المهم بالوزير إنه غير محسوب على أي تيار وتاريخه المهني خال من...