الليلة هذي واضحة ليلة فراق **

بو شهاب

عضو مميز
eisvc27qbmaj.jpg

الليلة هذي واضحة ليلة فراق ** حاولت أعديها وعيت تعدي

ظروف ما تنطاق ولا راح تنطاق** صد القدر ماهو بصدك وصدي

تعال خذني بين أياديك مشتاق** قبل انتفارق حط يدك بيدي

بجلس معك ساعة حبايب وعشاق ** من بعدها كيفك ولو صرت ضدي

فيني خليط اشواق بأشواق باشواق ** واصل معك من كثرة الشوق حدي

ودي المك واحضنك حضنة اعناق**ياشيب عيني كل ما قلت ودي

في خاطري وش خاطري خاطري ضاق ** الكون كله ضاق ماهو بقدي

حتى الدموع الي استحت كبر وأخلاق** تساقطت من فوق خدك وخدي

لوحة شعر تبكي على بيض الأوراق ** بيحت فيها من ردى الحظ سدي

ليلة جفا وافراق ما مثله افراق ** حاولت أعديها وعيت تعدي



,
,
,
,
,
,
,
,
,
,
,
,
,
,

وهذا أهداء لكم مقطع بصوت شاعرها


,
,
,
,
,
,
,
,
,
,
,
,
,
,

وقصيدة أجمل

محتاج لك حيل والله يقطـع الحاجـه** حدتني وجيت اداري دمعـة عيونـي

باين علي التعـب والضيـق وانتاجـه** منهار لونـي متغيّـر ماهـو بلونـي

لقيتك .. اللي يصـد معقـد حجاجـه ** وانت اقرب الناس والغالي ومضنوني

لكن على الله بديه الضيـق وافراجـه** والا انت الله معك خابت بك ضنونـي

بلاش منك ومـن موقفـك واحراجـه ** رح واتبع اللي خذوا منـي وخلونـي

من صد عني تـرى مانيـب محتاجـه ** من دونه اعيش دامه عاش من دونـي

وان قـدر الله مـع الايـام نتـواجـه ** تمـر مثلـك مثـل ناسـن يمرونـي

في عيوني تصير ماتسـوا ولا حاجـه ** من عقب ماكنت تسوا الناس في عيوني

بصووت فريج الهرشاني

 

Aragon

عضو ذهبي
"حاولت أعدّيها و عيّت تعدّي"

جبتها عالجرح .. :إستحسان:

رغم أن القصيدة الثانية ليست الأقرب إلى قلبي من قصائده إلا أنني أعتبرها أسطورية و استثنائية..

مو أي واحد يقدر يكتبها ;)

صح لسانك و لسان شاعرها لاهنت..

لذوقك :وردة:
 

بو شهاب

عضو مميز
"حاولت أعدّيها و عيّت تعدّي"

جبتها عالجرح .. :إستحسان:

رغم أن القصيدة الثانية ليست الأقرب إلى قلبي من قصائده إلا أنني أعتبرها أسطورية و استثنائية..

مو أي واحد يقدر يكتبها ;)

صح لسانك و لسان شاعرها لاهنت..

لذوقك :وردة:

صدقني نفس البيت جاب العيد فيني ,, صح بدنك ,, شاعرها ثامر شبيب أتوقع انه مظلوم أعلاميا وشعره جزل ومعانيها تتدخل القلب بلاحسيب وبلا رقيب!!:باكي:
 

بو شهاب

عضو مميز
ونكمل سلسلة الابداعات للشاعر ثامر شبيب








الابداع لايتوقف مع ثامر

http://www.youtube.com/watch?v=6tSCu70LxnU&feature=related


انا لاقلت لي شلونك وانـا ضايـق اقـول بخيـر


مدامك سائـلٍ عنـي اكيـد ان ضيقتـي راحـت


انامن كثر ماحبـك اشوفــ فـي عيونـي غيـر


تضيق النفس من غيرك ولامـن شفتـك ارتاحـت


احبك كثر .. ماتطـري فبالـي وتشغـل التفكيـر


كثـر .. ماشيلـك بعينـي ونـاسٍ منهـا طاحـت


احبك كثر .. ما ادمح خطـاك ان خانـك التعبيـر


كثر .. ماخانت الرفقـه بكتـم اسرارهـا وباحـت


احبك كثـر .. صقـارٍ تولـع فـي محبـة طيـر


كثـر .. مادلـة الطيّـب بريحـة هيلهـا فاحـت


احبك كثر .. ماحس بشعـور انـي عليـك اغيـر


كثر .. مازيح هالغيره عن افكـاري ولا انزاحـت


احبك كثر .. مالك داخلـي حـب وغـلا وتقديـر


كثر .. ماغبت عن عيني ودموع امفارقك ساحـت


تصدق !! من عرفتك صرت احبك .. واكره التغيير


وانا اللي كنت اعشق كـل نجمـه بالسمـا لاحـت


تأكد كـل ماتسأل عـن احوالـي اكـون بخيـر


مدامك سائـلٍ عنـي اكيـد ان ضيقتـي راحـت

 

جهراوي

عضو بلاتيني
ثامر شبيبشاعر اسمع له منذ فتره وكل قصيده ازداد اعجابا تسلم يا ابوشهاب على النقل وتعيش
 

bye

عضو فعال
من زمان وانا حافظ قصيدة الليله هذي واضحه ليلة فراق
بس اول مره ادري انها لثامر شبيب صراحه
مشكور يابو شهاب على هالمعلومه
 
مات قلبي قبل يموت الورد وجروحه نديه :: في يديني جبت دم القلب للورد وسقيته

كنت أحسب اني اضحي..مادريت اني ضحيه :: كنت أحسب ان العطى يثمر بعين اللي عطيته

راحت احلام العمر.روحه كذا من غير جيه :: حتى زرعي اللي زرعته ماتوفقت وجنيته

ثامر شبيب الدقباسي ...

نقل جميل يابوشهاب :وردة:
 

@Noura@

عضو مخضرم
حتى الدموع الي استحت كبر وأخلاق
تساقطت من فوق خدك وخدي..!


تشبيه ولا أجمل

أحيانا أتساءل :
هل الرجل يحب أكثر أم المرأة ؟
يتهيأ لي الرجل بسرعة ينسى بمجردظهور حب جديد في حياته

:
:

كنت أحسب اني اضحي..مادريت اني ضحيه :: كنت أحسب ان العطى يثمر بعين اللي عطيته..!

:

تميزت في هذا الاختيار يا بو شهاب





 

بو شهاب

عضو مميز
من زمان وانا حافظ قصيدة الليله هذي واضحه ليلة فراق
بس اول مره ادري انها لثامر شبيب صراحه
مشكور يابو شهاب على هالمعلومه
بصراحة احب القصائد الى قلبي هالقصيدة,, ولا شكر على واجب
 

بو شهاب

عضو مميز
حتى الدموع الي استحت كبر وأخلاق

تساقطت من فوق خدك وخدي..!


تشبيه ولا أجمل

أحيانا أتساءل :
هل الرجل يحب أكثر أم المرأة ؟
يتهيأ لي الرجل بسرعة ينسى بمجردظهور حب جديد في حياته

:
:

كنت أحسب اني اضحي..مادريت اني ضحيه :: كنت أحسب ان العطى يثمر بعين اللي عطيته..!

:

تميزت في هذا الاختيار يا بو شهاب





التميز دائما بمرورج العطر أختي مزنة
 

Aragon

عضو ذهبي
انا لاقلت لي شلونك وانـا ضايـق اقـول بخيـر

مدامك سائـلٍ عنـي اكيـد ان ضيقتـي راحـت

هالقصيدة روووووووعة روووووعة

تصدق !! من عرفتك صرت احبك .. واكره التغيير
هالشطر ينفهم غلط ;)

البارون:

كنت أحسب اني اضحي..مادريت اني ضحيه :: كنت أحسب ان العطى يثمر بعين اللي عطيته

عز الله !!!
 
أعلى