أمـــــــجــــــــــــاد الـــــــــظــــــفــــــــــير

[فيصل الظفيري]

ما دام كـلٍ يفـتـخـر بالطـول أنا ماني قصير =نـعـمٍ باجــــواد العرب وأنا بعد / هم أجــــودي ​

ماني ردي واللي بعث للعالم محمد نذيــــــــر =ولاهـــــوب عيبٍ لاذكرت أفعال ربعي وسندي ​

شب القصايد واشعل الساحة كما البرق المنير =دامه فخر حنـــا الفخر اسمع قصيدي ومقصدي ​

لي لابـــةٍ ما تشحذ الامجاد من نـذل وحـقـيـر =لابة تعلـــى اسمها فـــوق الثريـــا والجـــــدي ​

اسطورة ومجـــد انبنا تاريخ وامجاد الظفير =أسال وانا ماجاوبك اسمــع جواب المعتـــــدي ​

يقول لك شيٍ مضى شـيـب بـه الطفل الصغير =يوم ( اللقا ) فيه العمر كم واحــــدٍ ساقه فدي ​

كم راس شيخٍ منحني من ضربة السيف الشطير =وكم من هنوفٍ خـدها من الدمع رويان وندي ​

واسال عن أمر الحثربي ان كان لك قلبٍ ضرير =والله لولا الله وثم شيوخنا كـــــــان يغــــــدي ​

الله يقبل حجة دغيمـــــه جزاهــــــا الله بخيــــر =قالت ( بويتــــي ) بالعهد غايب دغيم يا ولدي ​

قال ازبن بويت العجوز وصف راسك لا يحير =حنا بعون الله فـــداك وصاح مـــــاجد يا بعدي ​

واسال عن اللي بطنيته قد مات من شان البعير= قصيرته يوم انتخت يا ( عقوب ) تكفى يا سندي ​

وابيك تسال من ذبح ضنـــــوة فواده للقصير =ويقول اذبح ضنوتي دامه كسانــــي باسودي ​

اليا سمعت اسم شعطان الموت بعروقك يسير =تقرا الشهاده وتستخر وان عشت تذبحلك فدي ​

سبعة جموعٍ كوّنت بـركـان شـــــرٍ مستطير =الورع فينا لازعـــل كفه لسيفـــــه يهتدي ​

خيال القروى لانتخا ابن سويط باليوم العسير =لاثار بركان الغضب سرنا ولاحـــــدٍ يقعــــدي ​

حنـــا هل الفعل الكبير اكبر كثير من الكبير =حنا هل الفعل الذي عدواننا فيــه تحـــــدي ​

{ والله لنهب عشقتي وازبن بها يم الظفير =ازبن معطرت النمش } يا شين قالوها حـــدي ​

فينا شيوخٍ لانتخت الـطـير ما يقدر يطير =وان جاك اخو سلمى غدا ليلك سواده سرمدي ​

ضنوت حسن فعلٍ حسن راس الكرم شر وشرير =واليا حضر كلٍ سكت صــارت بساطٍ احـمـدي ​

وان جاك اخو طفله غدا من يسلم طعونه كسير =من شان ابن سدره طنا ثم قال موتي بمرقدي ​

سوالفٍ أكـثر كثير من الحكي واكثر كثير =متفرقه ياقوتهـــا والماسهــــا وزبرجـــــدي ​

حنا المنايا سهومنا تفرق عشيرٍ عن عشير =وحنــا الولد فينا على كسب النواميس يعدي ​

وحنا نقلط ضيفنا على الصحن ماله خشيـــــر =وحنا غزينا باهلنا وكلٍ يصــــــوت يجهــدي ​

منهو يسوي سواتنا بالدور الأول والأخيــــر =وش عاد لو فينا ردي مابه عــرب مابه ردي ​

نمشي على نهج النبي واللي بنهجه مستنير =واسلامنا هو ديننا وبكتاب ربي نقتــــــدي ​

قلته وانا اللي من نسل[عايذ]على شــرٍ وخير =اللي عزيزٍ جارها والقول جاك موكــدي ​

وان كان صار المسألة تفخر وأنا أسكت مايصير =نـعـمٍ باجواد العرب وانا بعد / هم اجـــودي ​

( الشاعر ماجد بن محمد العايذي )​

هي القصيده تعتبر النشيد الوطني للظفير ​

وكل واحد يكتب قصيدة قبيلتو​

وسلامتكم .. :وردة:​

 

[فاضل]

ونعم بقبيلة الظفير الكريمة

 

[تفائلوا]

ونـــعــــم بــكل أنــســان يــســتــحـق كـــلـــمـــة نـــعــــم​

 

[الكويت تجمعنا]

واللة والنعم بالظفير

​

 

[عذب السجايا]

ونعم بشعطان ....................

 

[فيصل الظفيري]

ما عليكم زود يالشنب انت وياه ..

ونعم بكل القبايل والعوايل ..

ولا فيه احد زود عن الثاني ..​