سؤال وجواب لابتوب Lenovo .... تنصحوني فيه؟

[ناصر المعروف]

أفكر هاليومين إني أشتري
جهاز لابتوب جديد

بصراحة الجهاز اللي في بالي
هو جهاز (Lenovo)

واللي كان يُطلق عليه بالسابق (IBM ThinkPad)

لان كان في عندي جهاز اي بي أم من زمان
وكان فظيع وقوي
ومازال لحد الآن شغال وبنفس الكفاءة

pentium II 266 Mhz + 320 MB RAM


سؤالي:

هل في احد منكم عنده جهاز (Lenovo) حديث؟
وهل الجهاز محترم وقوي والا (بو طقة) ؟



جهازي الحالي هو توشيبا (سفينة الصحراء)

بس فلوسي زايدة وأبي اشتري جهاز ثاني


وبالمناسبة:

عندي حساسية من أجهزة (Dell & compaq) لأني إشتغلت عليهم
وأحس إنهم أجهزة كحيانة!


بالمناسبة أيضا:

السعر مو مشكلة عندي

يعني بالعربي

الميزانية عندي مفتوحة عالبحري
بس أبي شيء جيد



شكرا :وردة:

 

[واحد من هالناس]

تبي نصيحة أخوك ... اشتر جهاز الرامات + كرت الشاشة + سرعة الجهاز = كلهم تكون عالية علشان ترتاح نفسيا ومو مهم أي شركة لأن اللي يقولك يخرب بسرعة تلقى استعماله للكمبيوتر بشكل خاطئ يسبب له كل هذا .. ونقطة أخيرة في بعض الاجهزة تستطيع استبدال الرامات وكرت الشاشة < اذا لقيت هالنوعية من الاجهزة خذها ولا تشاور احد .. لأنه ممكن في يوم من الايام تنزل قطع رامات اعلى او قطع كرت شاشة اعلى من الموجود بالسوق ... واخيراً اخوي وهو أهم شيء انصحك فيه .. في نوعية اجهزة يقولك X64 وفيه اكس اثنين وثلاثين او ما يسمى بأكس ست وثمانين

نصيحتي اخذ اكس 64 .. لأنه يشغل جميع الرامات وتكون طاقة الجهاز مفتوحة للاستعمال مو نفس اكس 32 .. اللي الرامات توقف على 3.25 وكرت الشاشة يوقف على حد معين

هذي نصايحي اذا بتشتري اي جهاز .. بالنسبة لخبرتي البسيطة في الكمبيوتر

 

[liberalism]

مدام فلوسك زايدة انا اقولك اخذ MAC

على الاقل تضمن انك ما تفرمته لي 4 سنين

لصعوبة اختراقه .. و MAC ما عليه كلام جهاز جدا قوي :إستحسان:

---

أو اخذ توشيبا بمواصفات اعلى من اللي عندك ..

بس بالنسبة للجهاز اللي ذكرته Lenovo على حسب معلوماتي هو ال low version

من ال IBM القديم و ماعتقد ان بنفس كفاءة القديم

 

[k7elan]

قبل لا اشتري اللابتوب الحالي

مريت مع اخوي على صفة اجهزة لينوفو بيوريكا , تمهلت بالمشي و قال لي اخوي امش بسرعه من التعاسة اللي مر فيها مع لينوفو

هذا و اخوي عارف باللابتوبات ما يمر شهر بدون لا يبدل لابتوبه

لذلك انصحك لا تاخذه


انصحك بال HP
فمن اخذته ما اعترضت لي اي مشكلة
لكن تأكد من الماركة فبعض انواع ال HP يشتغل فقط على vista , و ما تقدر تحوله الى XP

 

[تشريب]

حبيبي ومن الىخر كل اجهزة بيتنا ماركة ايسر

وما عانينا منها اى مشاكل نهائيا

اخيرا اخوى شرا جهاز قبل شهر من يوريكا ايضا ايسر وهو لاب توب من اخف الاجهزه وزنا وبطاريته تعطيك 8 ساعات .. وزنه وتصميمه ولونه شبيه بالاب توب الخفيف اللى تنتجه شركة ابل .

وقيمته بحدود 190 دينار يعنى هم السعر ممتاز وماله داعى تفسفس فلوسك و الباجى احتفظ فيه او تصدق فيه حق المحتاجين وذوى السبيل والمؤلفه قلوبهم