ناصر المعروف
عضو مميز
عبدالله: ها فوزي.. شرايك باللي قاعد يصير في البلد؟
فوزي: ماكو إلا العافية.. كل شي زين.. بس إنتوا العلة فيكم ما عندكم إلا التحلطم.. شتبون بعد، الحكومة متكفلة فيكم من ولادتكم لين موتكم.
عبدالله: إي صح.. الحكومة متكفلة فينا.. لكن تعال ترا الحكومة تعطينا من فلوسنا.. النفط نفطنا مو نفط الحكومة أو الشيوخ.. بعدين إللي قاعد تصرفه الحكومة على الدول الثانية إحنا أولى فيه.
فوزي: هذي سياسة خارجية ما تفهمونها.. بعد حتى علاقتنا مع الدول تبون تتدخلون فيها؟ يوزوا عاد.
عبدالله: أي سياسة خارجية أي بطيخ.. اليوم يا فوزي شخص واحد إنت تعرفه زين حتى كلامه مكسر هو إللي قاعد يهندس علاقتنا بإيران ويعزلنا عن السعودية.. لا ويقولك بعد هذا الشخص قاعد يرتب زيارات للمسؤولين الكبار حق طهران.. وترا للعلم بس، المعازيب الأمريكان متضايجين شوي والسعوديين طقت جبودهم من ربعنا.
فوزي: أي تعال قوللي.. هذا منين له فلوس؟
عبدالله: تسألني أنا؟ عندك كل المعلومات.
فوزي: سألت سألت، قالوا أنه تاجر شاطر وأنه الكلام إللي ينقال عنه مو صحيح.
عبدالله: مو صحيح؟ إلا صحيح ونص.. إنت تدري يا فوزي لا تقص على روحك.. حتى سوالفنا هذي توصله.. نعم يعرف كل شي يدور هني عندك إنت بالذات. حتى في ناس تقول، كلام دواوين يعني، أن ربعه إللي مجندينه حاطين جهاز يسمعون كل شي يدور في مكاتب الكبار.. شوف خل جماعتك يفتشون مكتبك علشان تتأكد إن ما فيه أجهزة تسجل سوالفك كلها منت خسران شي.
فوزي: بس بس.. سوالفك تضيق الخلق.. سولف لنا عن شي يونس.
عبدالله: شسولف عنه.. تعرف إنت أنا ماني من ربع السوالف إللي تونسك.. أعرف شنو تبي بس عندي ماكو شي يونس.. تبيني أجذب عليك مثل باجي ربعك؟ ولا تبيني أحفظ نكت وأقعد أقولك إياها.. فوزي ترا الأمور صعبة.. وضع الشركة مو زين فيها مؤامرات ودسائس ولعب وإنت والله ما تدري عن شي.. كل شي يمر جدامك.
فوزي: شتقصد؟
عبدالله: أقصد إن ربعك وإللي حواليك في “الشركة”، حتى أقرب الناس لك، تراهم يجذبون عليك وينسقون بينهم بين بعض وقاعدين يلعبون بالحلال لعب.. حتى ذاك إللي كلامه مكسر تراه “ضبط” ربعك وصارت لهم شراكة معاه في التجارة.. يعني شراهم يا حجي خلص منهم.
فوزي: زين وين “العضو المنتدب” ليش ما يسوي شي؟
عبدالله: العضو المنتدب؟ الله يهداك يا فوزي؟ إنت تعرفه وإنت إللي حطيته وسويته وينطبق عليه المثل إللي يقول دردبيس ما يعرف جمعة من خميس وقاعد يغرف من فلوس الشركة غراف. لا وإللي يضيق الخلق صج إنه… لكن تدري يا فوزي خلاص ماني مكمل كلامي وسوالفي معاك، العضو المنتدب حاط له جواسيس في كل مكان حتى في مكتبك ينقلون له كل شي يصير وينقال عندك، وبصراحة مالي خلق مشاكل معاه.
فوزي: لا لا ما عليك منه كمل.
عبدالله: ماني مكمل العضو المنتدب صار أقوى منك ويشق ويخيط.. حتى ولدك قاعدين يشلخونه نتفوه تنتف وإنت ساكت.. الشق عود يا فوزي.
وللحوار بقية..
الرابط
التعليق:
----------
مافي تعليق
بس بصراحة الموضوع يضحّك ويونّس
بوعمر إستخف وقام يبدّع بمقالاته عقب سالفة الخمس آلاف
هههههههههه
وبانتظار بقية الحوار (أو الخوار)
فوزي: ماكو إلا العافية.. كل شي زين.. بس إنتوا العلة فيكم ما عندكم إلا التحلطم.. شتبون بعد، الحكومة متكفلة فيكم من ولادتكم لين موتكم.
عبدالله: إي صح.. الحكومة متكفلة فينا.. لكن تعال ترا الحكومة تعطينا من فلوسنا.. النفط نفطنا مو نفط الحكومة أو الشيوخ.. بعدين إللي قاعد تصرفه الحكومة على الدول الثانية إحنا أولى فيه.
فوزي: هذي سياسة خارجية ما تفهمونها.. بعد حتى علاقتنا مع الدول تبون تتدخلون فيها؟ يوزوا عاد.
عبدالله: أي سياسة خارجية أي بطيخ.. اليوم يا فوزي شخص واحد إنت تعرفه زين حتى كلامه مكسر هو إللي قاعد يهندس علاقتنا بإيران ويعزلنا عن السعودية.. لا ويقولك بعد هذا الشخص قاعد يرتب زيارات للمسؤولين الكبار حق طهران.. وترا للعلم بس، المعازيب الأمريكان متضايجين شوي والسعوديين طقت جبودهم من ربعنا.
فوزي: أي تعال قوللي.. هذا منين له فلوس؟
عبدالله: تسألني أنا؟ عندك كل المعلومات.
فوزي: سألت سألت، قالوا أنه تاجر شاطر وأنه الكلام إللي ينقال عنه مو صحيح.
عبدالله: مو صحيح؟ إلا صحيح ونص.. إنت تدري يا فوزي لا تقص على روحك.. حتى سوالفنا هذي توصله.. نعم يعرف كل شي يدور هني عندك إنت بالذات. حتى في ناس تقول، كلام دواوين يعني، أن ربعه إللي مجندينه حاطين جهاز يسمعون كل شي يدور في مكاتب الكبار.. شوف خل جماعتك يفتشون مكتبك علشان تتأكد إن ما فيه أجهزة تسجل سوالفك كلها منت خسران شي.
فوزي: بس بس.. سوالفك تضيق الخلق.. سولف لنا عن شي يونس.
عبدالله: شسولف عنه.. تعرف إنت أنا ماني من ربع السوالف إللي تونسك.. أعرف شنو تبي بس عندي ماكو شي يونس.. تبيني أجذب عليك مثل باجي ربعك؟ ولا تبيني أحفظ نكت وأقعد أقولك إياها.. فوزي ترا الأمور صعبة.. وضع الشركة مو زين فيها مؤامرات ودسائس ولعب وإنت والله ما تدري عن شي.. كل شي يمر جدامك.
فوزي: شتقصد؟
عبدالله: أقصد إن ربعك وإللي حواليك في “الشركة”، حتى أقرب الناس لك، تراهم يجذبون عليك وينسقون بينهم بين بعض وقاعدين يلعبون بالحلال لعب.. حتى ذاك إللي كلامه مكسر تراه “ضبط” ربعك وصارت لهم شراكة معاه في التجارة.. يعني شراهم يا حجي خلص منهم.
فوزي: زين وين “العضو المنتدب” ليش ما يسوي شي؟
عبدالله: العضو المنتدب؟ الله يهداك يا فوزي؟ إنت تعرفه وإنت إللي حطيته وسويته وينطبق عليه المثل إللي يقول دردبيس ما يعرف جمعة من خميس وقاعد يغرف من فلوس الشركة غراف. لا وإللي يضيق الخلق صج إنه… لكن تدري يا فوزي خلاص ماني مكمل كلامي وسوالفي معاك، العضو المنتدب حاط له جواسيس في كل مكان حتى في مكتبك ينقلون له كل شي يصير وينقال عندك، وبصراحة مالي خلق مشاكل معاه.
فوزي: لا لا ما عليك منه كمل.
عبدالله: ماني مكمل العضو المنتدب صار أقوى منك ويشق ويخيط.. حتى ولدك قاعدين يشلخونه نتفوه تنتف وإنت ساكت.. الشق عود يا فوزي.
وللحوار بقية..
الرابط
التعليق:
----------
مافي تعليق
بس بصراحة الموضوع يضحّك ويونّس
بوعمر إستخف وقام يبدّع بمقالاته عقب سالفة الخمس آلاف
هههههههههه
وبانتظار بقية الحوار (أو الخوار)