سؤال وجواب هل برنامج نورتون 2008 متوافق مع ويندوز 7

[ناصر المعروف]

عندي استفسار بخصوص الـ Compatibility لبرنامج النورتون إنترنت سيكيوريتي 2008

آنا استخدمه على جهازين (WindowsXP & Windows Vista)

وعندي جهاز يديد عليه (windows 7 Ultimate 64 bit) , وفيه أنتي فايروس (مكافي)

لكني أفكر إني أشيله وأركب بداله (Norton internet security 2008) لأني اتعامل مع النورتون

من أيام الغوص والسفر!


زرت سايت الميكروسوفت عشان اتأكد من الكومباتابيليتي (ويندوز 7 مع النورتون) ولقيت مكتوب عندهم إنه كومباتابل, اي متوافق

خذيت لي فرة عند سايت نورتون, لقيتهم يقولون لي: يا ناصر نورتون 2008 مو كومباتابل مع ويندوز 7


الحين آنا محتار (بالأحرى آنا عايش بصراع دامي بين العاطفة والواجب)



سؤالي هو:


هل في أحد منكم ركب نورتون 2008 على ويندوز 7 ؟

ممكن واحد يقول لي: يا ناصر جرب تركب البرنامج وشوف إذا يشتغل ومتوافقق مع ويندوز 7

وجوابي له هو:

بصراحة مالي خلق التجارب




طبعا النسخة اليديدة من النورتون (2010) متوافقة مع الويندوز 7

وهي راح تكون إختياري (النهائي) للشراء في حالة ما إذا كانت نسخة (2008) غير متوافقة



المهم

ومن غير إطاله بالموضوع

وباختصار شديد جدا

أحد عنده فكرة؟

أحد جرب هالشي؟

أفيدونا


وشكرا :وردة:

 

[واحد من هالناس]

نورتون 2010 نزلته على ويندوز 7 واشتغل زي الحلاوة
وفيه مميزات اكثر من سابقه
اما 2008 فلا أظنه يدعم ويندوز 7
وشغلة ثانية
windows 7 Ultimate 64 bit < هذي ما تدعم اغلب البرامج
فأغلب البرامج تشتغل زي الحلاوة على هيئة 32 رغم أني افضل الـ 64 لعدة اسباب منها السرعة في نقل البيانات واستخدام الرامات بشكل كامل

 

[ناصر المعروف]

أخوي واحد من الناس

سبب إختياري لنظام الـ 64 bit من الويندوز هو لأني استخدم نظام قاعدة بيانات أوراكل والميموري اللي عندي حجمة 8 غيغا بايت (الجهاز كان عليه 4 غيغا .. قطيتهم وركبت بدالهم 8 غيغا)

أغلب البرامج اللي أستخدمها هي 64 bit , ما عدا برنامجين (مو مهمين) 32 bit , وحتى هذولة يشتغلون (wow64) من غير اي مشاكل

بالنسبة للنورتون 2010 , آنا ما جربته لكني جربت من قبل نسخة 2009 التجريبية (تريال) قبل سنة تقريبا ولا حظت إنه أخف على الجهاز من نسخة 2008 اللي استخدمها حاليا

الظاهر ماكو الا إني اشتري النسخة الجديدة من النورتون 2010 دام إنها مصممة اصلا للويندوز 7


شكرا

 

[كـــويــــت]

اخوي بالنسبه حق وندوز 7 فالنورتن Norton internet security 2010
متوافق مع النسخه

تقدر اتنزلهم عندك على الوندوز وتجربهم
وعلى فكره هالنسخه اخف من نسخة 2009​

وهاذا رابط Norton AntiVirus 2010
http://www.megaupload.com/?d=9RPAB180
وهاذا رابط Norton Internet Security 2010
http://ifile.it/dl​

وترا نسخه تجريبيه لمدة 60 يوم ومعاها ال Trial Reset لاعادة الفترة التجريبية لمدة 60 يوم عند الانتهاء
وبالتوفيق ان شاء الله​

 

[ناصر المعروف]

أخ كويت

مشكور ياخوي للرابط بس المشكلة إني ما اثق بالكراكات دايما

ساعات ممكن انزل برنامج من النت مع الكراك فقط للتجربة, واذا عجبني ساعتها أشتريه
إذا كنت محتاج له ضروري.

لكن بالنسبة للانتي فايروس, ما أحب أستخدم نسخة مكركة أو مضروبة

ليش؟

لأن البرنامج هذا اصلا ابي استخدمه للحماية, وما اقدر اثق فيه لو ما كان اصلي

وشغلة ثانية ايضا

أنا ادفع شي وشويات لشراء جهاز عالي المواصفات, مو معقولة راح أستخسر صرف كم فلس على برنامج حماية لهالجهاز, خصوصا وإن سعر برنامج النورتون مو غالي وما يخفس الميزانيةو إضافة للإشتراك السنوي والتجديد للسبسكريبشن.

ألف شكر لك يا أخي الكريم :وردة:

 

[كـــويــــت]

ترا النسخه هاذي تجريبيه من الشركه لمدة شهرين مافيها كراك اخوي​

 

[ناصر المعروف]

مشكور اخوي كويت

أمس مريت مكتبة جرير وشريت Norton internet security 2010 مع إشتراك سنة لمستخدم واحد, بسعر 8 دنانير

بالفعل هالنسخة أخف على السيستيم من نسخة 2008 اللي موجودة على الجهازين الثانيين اللي عندي (حتى أفضل من نسخة نورتون 2009)