ابي جدول لشهر العسل همتكم با اعضاء

طلال

عضو ذهبي
الله يبارك فيك اخوي طلال وما قصرت :)
انزين حجز النت للفنادق ولا للتذاكر واذا تسمح تبين لي شلون التنقلات الداخلية
واي فنادق احجز
واسف على الاطالة :وردة:

حجز الفنادق مع التذاكر كل بالنت طبعا الزين بفنادق اوروبا انهم ما يقصون من الفيزا الا قبل

السكن بيوم او يومين على ما اذكر يعني اذا غيرت رايك عادي ...

التنقلات الداخليه كلها بالقطارات بس الى مدريد بالطياره لانها بعيده من ميلان ...

على فكره مدريد مو حلوه كلها مباني وشغل تسوق .. اما الطبيعه والرومانسيه :D

زلمسي قارمش لوقانو ...

عموما انا قريت بالنت عن مدينه هولنديه كلها ورد صورها فوق الخيال يقولون قريبه من ميونيخ

عطني فرصه لي باجر انشالله اضبطلك رحله واحطلك اسامي ومواقع الفنادق اللي تحجز منها

وانت طقطقها بمخك وشوف راي الشباب ...
 

جمال الدين

عضو بلاتيني
حجز الفنادق مع التذاكر كل بالنت طبعا الزين بفنادق اوروبا انهم ما يقصون من الفيزا الا قبل


السكن بيوم او يومين على ما اذكر يعني اذا غيرت رايك عادي ...

التنقلات الداخليه كلها بالقطارات بس الى مدريد بالطياره لانها بعيده من ميلان ...

على فكره مدريد مو حلوه كلها مباني وشغل تسوق .. اما الطبيعه والرومانسيه :D

زلمسي قارمش لوقانو ...

عموما انا قريت بالنت عن مدينه هولنديه كلها ورد صورها فوق الخيال يقولون قريبه من ميونيخ

عطني فرصه لي باجر انشالله اضبطلك رحله واحطلك اسامي ومواقع الفنادق اللي تحجز منها


وانت طقطقها بمخك وشوف راي الشباب ...
ما تقصرون والله انت والاخوان :)
ضبطوني خل اتشيحط جدام المدام:eek::p
 

بوحذيفه

عضو ذهبي
شوف طال عمرك ....

انصحك ..

ميونخ 3 ليالي
وليلتين قارمش للاسترخاء والاستمتاع بجمال الريف الالماني ..

ثم ...

تدق سلف بسيارتك المؤجره من افيس اللي استلمتها من مطار ميونخ واللي فيها نفقيشن ( انتبه نفقيشن )

لما تدق سلف ..
تتوجه الي زل ام سي بالنمسا ...(جنة الله في الارض )

وتستمتع بجمال الرحله .. ( مو جمال الدين :p)

المسافه من ميونخ لزل ام سي تقريبا 180 كيلو متر


تريح بز ام سي مالا يقل عن 5 ليالي ...

لما توصل هناك اقولك وين تروح ...

بعدين ...

هم بسيارتك ...

ترد لميونخ علشان تسلم السياره وتاخذ الطياره ...

وتطير لفرنسا ...

او اذا تبي تاخذ القطار ..

القطار متعب

3ساعات من ميونخ الي شتوتقارد ...

و3 ساعات من شتوتقارد الي باريس ...

اي نعم باريس الجميله ...

وتقعد هناك مالا يقل عن اسبوع ....

وتخلي ردتك للديره من باريس ...


ولمزيد من التفاصيل انا حاضر ...

اهم شي تييب لي صوغه من سالسبورج (منطقه قريبه من زل ام سي ..ساعه بالسياره )

عندهم خوش كاكاو ..

:وردة:

انصحك بمنتدي المسافرون العرب ....
 

سليل الجود

عضو مخضرم
الف مبروك

بما انكم معاريس عسى الله يهنّيكم

انزل ميونخ وأأجر لك جيب عاد اللى يعجبك

كل شى موجود

وحط اغراضك واركبوا الموتر

واخذوا اوربا طول بعرض والجى بى ار اس جدامك

لا تقييد برحلات طيران ولا التزام بمواعيد اقلاع

الديره اللى تعجبك اقعد فيها جم يوم

واللى ما تعجبك مرور الكرام

وطرقهم السريعه تخليك تستمع بالخضره والماء

والمناظر الطبيعيه الخلابه والانهار وجمال الطبيعه

والطلى تاخذه من تحت امه ب30 يورو << خاصيه للعزّاب :D

ومتى ما حسيت انك اكتفيت

اقرب مطار واحجز وقط الموتر عليهم وانت اللى راد الديره

الشاهد بتكون رحله لا تنسى

تمنياتى لك بقضاء شهر عسل رائع مع حرمكم المصون
 

JeNaN

عضو بلاتيني
نصيحة


زلمسي حدها 3 ايام ..صحيح طبيعتها اتعقد بس مافيها انشطة اكثيرة اللهم الزحلاقيات والكافيهات..




وللأجواء الرومانسية يفضل تحجز في فندق "grand hotel"يطل عالبحيرة..







101941.jpg



تحياتي لك:وردة:
 

أحمداني

عضو بلاتيني
نظره عامه عن سير الرحلة قبل أن نستكمل باقي أجزاء الأماكن السياحيه..عزيزي جمال راح تشوف أن بعض المدن تبعد عن الأخرى بحوالي 4 أو 5 ساعات

فتلك ليست مشكلة خاصه أنك راح تستمتع بطبيعه الخلابة في النسما وسويسرا على حداً سواء..وطبعاً أنتوا شخصين يعني " سهالات " ما راح تحسون بذاك التعب




87066770.png





من ميونخ إلي زيلامسي ساعتين وربع والمسافه تقدر 180 كيلو متر





93100322.png





من زيلامسي إلي زيورخ خمس ساعات والمسافه تقدر بـ 490 كيلو متر




68305696.png





من زيورخ إلي أنترلاكن ساعه ونص والمسافه تقدر بـ 120 كيلو متر




95747047.png






من أنترلاكن إلي جنيف 5 ساعات والمسافه تقدر بـ 510 كيلو متر





61740557.png





من جنيف إلي باريس 5 ساعات وتستطيع أن تذهب عبر الطيران الداخلي





*طبعاً هذا المخطط مو النهائي يعني تستطيع أن تبدل وتغير على راحتك فالهدف الأساسي من الرحلة هو الأستمتاع قدر المستطاع
 

ريما القمر

عضو مخضرم
والله يا زملائي الكرام :)
ابي جدول وابي نصايح في نفس الوقت :)
اجاوب عن بعض الاسئلة واضيف بعض الاسئلة :)
اما بالنسبة للمناطق نعم اريد الذهاب للعواصم ولا مانع من ان اتجول في المدن الاخرى
اما بالنسبة
للايام حوالي ال3 اسابيع
التنقل افضل في السفر (التاكسي ومترو الانفاق ) فلا احب ان التزم بالسيارة
بالنسبة للفنادق اريد ان اعرف اسعار الليالي في فنادق ال4 نجوم والشقق الفندقية حيث سمعت انه الخمس نجوم مبالغ فيه بزيادة
بالنسبة للمدن الصاخبة او الهادئة
انا اريد اماكن اثرية (متاحف ) واحب ان اكون بقرب البحر
اما بالنسبة للمدام فهو تريد التسوق
اريد مدن تجمع بين الشيئين :)
بالنسبة لاسئلتي
اريد رايكم هل اذهب الى دولة منهم في مدن مختلفة واقضي كل السفرة
ام اذهب لاثنتان ام ازور ال3 دول :)


جمال تذكر إنك إنت شهر عسل

ثلاث دول وجدول مزدحم بالرحلات ومتعب وأي خطأ يسبب لك بهذله مع المدام ترا مو شي .. :)


ولو تقلّص الأيام وتبحبحها بالفنادق و يكون عندك سيولة أكثر بالمصرف ..

يكون أفضل ..


.


نصيحتي للمعاريس ..

باريس خمس أيام ..

بفندق كونكورد لافاييت..

أو هليتون لادوفانس وهو فندقي المفضل لكنه بعيد عن الشانز ..

يورو ديزني ليلتين ..

فندق هوليدي إن أنصحك فيه بشدة ..


وبعدها روح النمسا أو ألمانيا مثل ما اقترحوا عليك الزملاء .. :)





.


 

قديم

عضو مخضرم
انا اول شى اقولك على البركة مقدما

واذا رحت فرنسا

عندك والت دزنى

ما اتصور ان في احلى مكان بفرنسا دام انك رايح شهر عسل

والفندق اللى بوالت دزنى اسمه نيو بورت

واتمنى لك التوفيق

ونشوفك هناك :)
 

طلال

عضو ذهبي
بالنسبه لمواقع حجز الطيران عندك القطريه ممتازه بس مطارهم الله يعينك لو تشوفه ...:)

والاتحاد الاماراتيه افضل شي لانها تطب بمطار الامارات

موقع حجز الفنادق

http://www.booking.com/

موقع ممتاز يحطلك السعر بالعمله اللي انت تبيها وباللغه العربيه مع وجود خريطه توضحلك

وين السنتر والمسافه بين فندقك وبين السنتر مع صور للغرف والفندق من الخارج ..

على فكره الموقع فيه خط ساخن اذا واجهتك اي مشكله تقدر تكلمهم ...

أول شي حدد مدة السفره وبعدها تذاكر الطيران من والى ...

وبعدها حدد الدول اللي تبيها وأنا والاخوان نضعلك الرحلات اللي تستمتع فيها انشالله ...

بالنسبه للقطارات فكل دوله فيها سنترال اللي فيها القطارات نفس المطار يعني

من هناك تحجز بسهوله من خلال الاجهزة الموجوده ...

بالنسبه لزلمسي يوجد بها 31 رحله يعني مو اقل من 5 ايام تقعد فيها ...

وهذا موقع يفيدك عن الرحلات

http://www.travelzad.com/vb/t6171.html

 

جمال الدين

عضو بلاتيني
شوف طال عمرك ....


انصحك ..

ميونخ 3 ليالي
وليلتين قارمش للاسترخاء والاستمتاع بجمال الريف الالماني ..

ثم ...

تدق سلف بسيارتك المؤجره من افيس اللي استلمتها من مطار ميونخ واللي فيها نفقيشن ( انتبه نفقيشن )

لما تدق سلف ..
تتوجه الي زل ام سي بالنمسا ...(جنة الله في الارض )

وتستمتع بجمال الرحله .. ( مو جمال الدين :p)

المسافه من ميونخ لزل ام سي تقريبا 180 كيلو متر


تريح بز ام سي مالا يقل عن 5 ليالي ...

لما توصل هناك اقولك وين تروح ...

بعدين ...

هم بسيارتك ...

ترد لميونخ علشان تسلم السياره وتاخذ الطياره ...

وتطير لفرنسا ...

او اذا تبي تاخذ القطار ..

القطار متعب

3ساعات من ميونخ الي شتوتقارد ...

و3 ساعات من شتوتقارد الي باريس ...

اي نعم باريس الجميله ...

وتقعد هناك مالا يقل عن اسبوع ....

وتخلي ردتك للديره من باريس ...


ولمزيد من التفاصيل انا حاضر ...

اهم شي تييب لي صوغه من سالسبورج (منطقه قريبه من زل ام سي ..ساعه بالسياره )

عندهم خوش كاكاو ..

:وردة:


انصحك بمنتدي المسافرون العرب ....
يا بو حذيفة يا زميلي العزيز :)
كل الشكر على معلوماتك القيمة ويا ريت اماكن السكن في ميونخ
وين تنصحني اقعد وايضا ساسبورغ وين اقعد
ابي جدول كامل اعتبر روحك صاحب المكتب وانا الزبون :وردة:
 

جمال الدين

عضو بلاتيني
الف مبروك


بما انكم معاريس عسى الله يهنّيكم

انزل ميونخ وأأجر لك جيب عاد اللى يعجبك

كل شى موجود

وحط اغراضك واركبوا الموتر

واخذوا اوربا طول بعرض والجى بى ار اس جدامك

لا تقييد برحلات طيران ولا التزام بمواعيد اقلاع

الديره اللى تعجبك اقعد فيها جم يوم

واللى ما تعجبك مرور الكرام

وطرقهم السريعه تخليك تستمع بالخضره والماء

والمناظر الطبيعيه الخلابه والانهار وجمال الطبيعه

والطلى تاخذه من تحت امه ب30 يورو << خاصيه للعزّاب :D

ومتى ما حسيت انك اكتفيت

اقرب مطار واحجز وقط الموتر عليهم وانت اللى راد الديره

الشاهد بتكون رحله لا تنسى


تمنياتى لك بقضاء شهر عسل رائع مع حرمكم المصون
الزميل العزيز سليل الجود يا هلا ومرحبا فيك في جمال الدين ايروز :)
لا مابي اسوق سيارة بالسفر افضل ان اكون اوربي بجد وحقيقي :وردة:
ما تقصر عزيز وغالي :)
 

جمال الدين

عضو بلاتيني
نصيحة


زلمسي حدها 3 ايام ..صحيح طبيعتها اتعقد بس مافيها انشطة اكثيرة اللهم الزحلاقيات والكافيهات..




وللأجواء الرومانسية يفضل تحجز في فندق "grand hotel"يطل عالبحيرة..







101941.jpg



تحياتي لك:وردة:
شكرا اختي الكريمة جنان على التواجد والاضافة :)
حقيقة افضل ان تكون اغلب الاقامة في الاماكن القريبة من السوق :)
 

جمال الدين

عضو بلاتيني
نظره عامه عن سير الرحلة قبل أن نستكمل باقي أجزاء الأماكن السياحيه..عزيزي جمال راح تشوف أن بعض المدن تبعد عن الأخرى بحوالي 4 أو 5 ساعات

فتلك ليست مشكلة خاصه أنك راح تستمتع بطبيعه الخلابة في النسما وسويسرا على حداً سواء..وطبعاً أنتوا شخصين يعني " سهالات " ما راح تحسون بذاك التعب




87066770.png





من ميونخ إلي زيلامسي ساعتين وربع والمسافه تقدر 180 كيلو متر





93100322.png





من زيلامسي إلي زيورخ خمس ساعات والمسافه تقدر بـ 490 كيلو متر




68305696.png





من زيورخ إلي أنترلاكن ساعه ونص والمسافه تقدر بـ 120 كيلو متر




95747047.png






من أنترلاكن إلي جنيف 5 ساعات والمسافه تقدر بـ 510 كيلو متر





61740557.png





من جنيف إلي باريس 5 ساعات وتستطيع أن تذهب عبر الطيران الداخلي





*طبعاً هذا المخطط مو النهائي يعني تستطيع أن تبدل وتغير على راحتك فالهدف الأساسي من الرحلة هو الأستمتاع قدر المستطاع
اخي الكريم احمداني
اول شي كل الشكر لك لمجهودك مع خويك جمال الدين :وردة:
اسئلتي هل التنقلات كلها بالقطارات
المسافة 5 ساعات تكون كثيرة ومتعبة
وهل المناطق التي ذكرتها في الرحلة انزل فيها كلها واقيم ام محطات عبور فقط
 

جمال الدين

عضو بلاتيني
جمال تذكر إنك إنت شهر عسل

ثلاث دول وجدول مزدحم بالرحلات ومتعب وأي خطأ يسبب لك بهذله مع المدام ترا مو شي .. :)


ولو تقلّص الأيام وتبحبحها بالفنادق و يكون عندك سيولة أكثر بالمصرف ..​

يكون أفضل ..​


.​


نصيحتي للمعاريس ..​

باريس خمس أيام ..​

بفندق كونكورد لافاييت..​

أو هليتون لادوفانس وهو فندقي المفضل لكنه بعيد عن الشانز ..​

يورو ديزني ليلتين ..​

فندق هوليدي إن أنصحك فيه بشدة ..​


وبعدها روح النمسا أو ألمانيا مثل ما اقترحوا عليك الزملاء .. :)





.​
هلا اخت ريما القمر
الحقيقة كلامج في محله كثرت التنقلات صعبة
لكن كلام الاخوان الاعزاء وخصوصا انهم مجربين اعتقد يرونه سهل ولذلك ينصحوني باخذ السيارة او القطار والتنقل :)
راح ادش على الموقع واشوف الفنادق :وردة:
 

جمال الدين

عضو بلاتيني
انا اول شى اقولك على البركة مقدما

واذا رحت فرنسا

عندك والت دزنى

ما اتصور ان في احلى مكان بفرنسا دام انك رايح شهر عسل

والفندق اللى بوالت دزنى اسمه نيو بورت

واتمنى لك التوفيق

ونشوفك هناك :)

الله يبارك فيك اخوي قديم :وردة:
انا رحت ديزني لاند في سنة 96 بس ما اعتقد القعدة هناك تاخذ اكثر من يومين
اذكر احنا قعدنا هناك ليلتين او 3
 

جمال الدين

عضو بلاتيني
بالنسبه لمواقع حجز الطيران عندك القطريه ممتازه بس مطارهم الله يعينك لو تشوفه ...:)


والاتحاد الاماراتيه افضل شي لانها تطب بمطار الامارات

موقع حجز الفنادق


موقع ممتاز يحطلك السعر بالعمله اللي انت تبيها وباللغه العربيه مع وجود خريطه توضحلك

وين السنتر والمسافه بين فندقك وبين السنتر مع صور للغرف والفندق من الخارج ..

على فكره الموقع فيه خط ساخن اذا واجهتك اي مشكله تقدر تكلمهم ...

أول شي حدد مدة السفره وبعدها تذاكر الطيران من والى ...

وبعدها حدد الدول اللي تبيها وأنا والاخوان نضعلك الرحلات اللي تستمتع فيها انشالله ...

بالنسبه للقطارات فكل دوله فيها سنترال اللي فيها القطارات نفس المطار يعني

من هناك تحجز بسهوله من خلال الاجهزة الموجوده ...

بالنسبه لزلمسي يوجد بها 31 رحله يعني مو اقل من 5 ايام تقعد فيها ...

وهذا موقع يفيدك عن الرحلات

مشكور اخوي طلال والحين اجرب ادش المواقع اللي حطيتها واشوف :):وردة:
 

أحمداني

عضو بلاتيني
وهل المناطق التي ذكرتها في الرحلة انزل فيها كلها واقيم ام محطات عبور فقط

عزيزي تلك المدن الهدف منها الإقامه فيها وتكون بشكل التالي:

ميوننخ 4 أيام..زيلامسي 3 أيام..زيورخ 3 أيام..أنترلاكن 4 أيام..جنيف يومين..باريس 4 أيام

وصدقني هذا جدول ممتاز خاصه أذا كنت تريد زيارة ثلاث دول ( المانيا,النمسا,سويسرا )

تفضل هذا أفضل موقع أتعامل معه في حجز الفنادق وتذاكر الطيران " الداخلي http://www.expedia.com/

لكن أولاً خل نتفق على المدن ومن ثم نتباحث في شؤون الفنادق والطيران
 

جمال الدين

عضو بلاتيني
اخوي احمداني
تقسيمك جميل جدا
بس التنقل الطويل ما يخرب على الرحلة
اقصد كثير من الاماكن في الجدول وايضا كثير من رحلات تلك الاماكن تاخذ 5 ساعات طريق
انا حقيقة عاجبني خط الرحلة والمدن واتمنى من التفصيل فيهم حتى تتبلور الصورة النهائية
 

bo-5aled

عضو بلاتيني
فعلا كما قال الاخوان عليك بالمانيا والنمسا .. واترك عنك لندن وباريس وهالسوالف .. :وردة:
 

أحمداني

عضو بلاتيني
اخوي احمداني
تقسيمك جميل جدا
بس التنقل الطويل ما يخرب على الرحلة
اقصد كثير من الاماكن في الجدول وايضا كثير من رحلات تلك الاماكن تاخذ 5 ساعات طريق
انا حقيقة عاجبني خط الرحلة والمدن واتمنى من التفصيل فيهم حتى تتبلور الصورة النهائية


بالصيف إلي فات رحت ميونخ..زيلامسي..جارمش..فيينا..في أسبوعين تقريباً وكنت كل ما أقعد أربع أيام أو أكثر في منطقه ما يضيق خلقي

كوني لم أكتشف شي جديد..والتقرير موجود هنا بالشبكة السياحية وتستطيع من خلاله رؤية ميونخ والمناطق المقترحه الأخرى

فما أتصور أنك راح تحس بالتعب والإرهاق
 
أعلى