تروح لوزاره الكهرباء(الفرع التابع لمنطقتك) وتقولهم بزيد قوه الكهرباء
ويعطونك القراءه ..ورقه تراجع فيها وزارة الكهرباء والماء الرئيسيه
اذا عندك واسطه هناك( ما راح تدفع شيء من اللى متاخر عليك)..
واذا ما عندك الله يعينك تدفع المتاخر كهرباء وماء.. ةاذا دفعت تقدر تنقل الماي بعد
ما تدفع في حال التركيب او رسوم قليله يمكن 5 او اقل" مو متذكر بالضبط"
يجون يحفرون قدام البيت ويركبون لك الكيبل الجديد.. والله يعينك جيرانك لازم يقطعون الكهرباء عنهم
لمده ساعتين تقريبا
النصيحه ما دمت بتغير الكيبل( يستحسن تحطه خارجي)" مطري"
وتشوف لك مهندس مضبوط يضبط لك الديبي مال الكهرباء" النحاسات"
واذا ما تعرف انا اطرشك لواحد بالفحيحيل لبناني اهو اللى مسوي لي الديبي الرئيسي من سنه 2000 ومسوي لكذا واحد من الربع شغله نظيف
كل معلوماتي السابقه من سنه 2000 يمكن تغير فيها شي