اكتب مثل اليوم ( مثل اعجبك حتى لو كان بيت شعر)

[المهذب جدا]

الصاحب اللي صحبته بس يومين
مغير يقضي بك لزومه وينساك
يكره اذا شافك على المنصب الزين
والا اذا شافك على الجرف درباك
تفعله الجميل وهو يجازيك بالشـين
طول الدهر وهو يحسب خطاياك
عز الله انه مايعرف القوانين
طبع اللئيم اللي اذا اكرمته آذاك​

 

[المهذب جدا]

يامتعب الأقدام رايح علـى ويـن
مع جرة جاها العجـاج ودفنهـا​

ارجع وعد اخطاك وحده وثنتيـن
واكبح جماح النفس وامسك رسنها​

ولاتسبر الدنيا ترا وضعها شيـن
ماعاد ابه دنيـا صحيـح بدنهـا​

ليا صاروا العقال مثل المجانيـن
واصبح ردي العرف يامر وينهـا​

انا خذيت من التجـارب براهيـن
أراهن الأيـام واكسـب رهنهـا​

ومنها عرفت الفرق بين الفريقين
سبحان من صاغ العقول ووزنهـا​

رفقة ردي المعرفه بعتهـا ديـن
على زبـون ضمهـا واحتضنهـا​

بغى يجيني بالثمن قلـت بعديـن
امسك فلوسك لين ننشـدك عنهـا​

مابعتك الا سلعة ياحمـر العيـن
أبيعهـا وأبيـع حتـى ثمنـهـا​

والله ما أبا الثمن فيها لو بقرشين
بس المهم إنـي تخلصـت منهـا​

 

[passenger]

كلن له الله لوتخليت عني كلن له الله لو تخليت عني محدٍ يموت ياصآحبي قبل يومه

 

[المهذب جدا]

قال الذي حده زمانه على الضيق
ويلاه من دنيا غشاني خطرها

تاخذني الدنيا على غير ماطيق
وضيم الليالي السود حالي دمرها

حلقبي الحرمان والهم تحليق
الى ارتفع نجمي يطيح بحرها

عندي تساوى الوقت مافيه تفريق
وايام عمري قام يسقط زهرها

مدري تعاسة حظ والا توافيق
واضحك وانا روحي تموت بقهرها​

 

[المهذب جدا]

صاحبي هانت عليك المحبه
=لاوحسايف عقب هاك المواثيق​

جمر الغضا في وسط قلبي تشبه
=نارٍ حطبها يابسات المعاليق​

كاسٍ مليته بالوفا لاتكبه
=خلّه يبلل بالوصل يابس الريق​

صبّه بقلبي ثم ملّه وصبّه
=وان كان ودك غرق القلب تغريق​

دام الهوى راسي وراسك يهبه
=خذ سجّةٍ ترى زمانك توافيق​

ترى حلاة العمر مع من تحبه
= شخص تريد من جميع المخاليق​

 

[المهذب جدا]

لمت الزمان ولايم الوقت غلطان **** حوادث الايام من فعل اهلها​

 

[المهذب جدا]

الله مـعـك يـا بـلادي ..
حنا الوفـا مـن طبعنـا .. وعادتنـا طيـب وكـرم
حكامنا من شعبنـا .. هـذا اخـو وهـذا ابـن عـم
حنا جسد فيه القائد روح .. حنا بلد للخير نبني صروح
الله مـعـك يـا بـلادي ..​

 

[المهذب جدا]

لولا الهرم والفقر والثالث الموت
يا لآدمي بالكون يا عظم شانك
سخرت لك ذرات الهوى تفهم الصوت
وخليتها اطوع من تحرك بنانك
جماد تكلمها وهي وسط تابوت
تأخذ وتعطي ما صدر من بيانك
وعزمت من فوق القمر تبني بيوت
من يقهرك لو هو طويل زمانك
لولا الثلاث وشان من قدر القوت
نفذت كل اللي يقوله لسانك​

 

[المهذب جدا]

ما يستريح القلب لا صار مشغـول ​

ولا تنعذل نفس علـى فقـد أهلهـا ​

ولا يشتكي راس عن الجسم مفصول ​

ويمنـا تفاخـت مايركـب بدلهـا ​

واللابه اللي بينها الهـرج منقـول ​

تفسد وبين النـاس يفسـد عملهـا ​

واذني من الهراج ما تسمع القول​

ولا عمر نقال النمايم ختلها​

دنياي اقيسها على العرض والطول​

اخاف اصدف ميلتن من جهلها​

 

[المهذب جدا]

الله من هم بروحي سهجها ... بخافي ضميري في كنين الحشـا لاج​

أحـر مـن نـارٍ توقد وهجها ...منـها خطـر روحـي علـى سلك ديبـاج​

وعينٍ عسى المولا يعجل فرجها ... يـفوح نـاظـرها كـما عين هـداج​

استرسلت للدمع من مارهجها .غيـظٍ يـكـظ عبـارهـا مثـل الأمـــواج​

كم واحدٍ لـه غايةٍ ماهرجها ... يكنـهـــا لـو هـو للأدنـيــن مـحـتــــاج​

يخاف من عوجاً طوالٍ عوجها هرجت قفا يـركض بـها كـل هــراج​

يقضب عليك المخطيه من حججها ..حلوٍ نباه وقلبه أسود من الصـاج​

الله خلق دنيا وساعٍ فججها ...وعـن مـايريـب القـلــب لك كم منهـاج​

والرجل وإن شطت لياليك سجها ... عسـى تـواليها تبشر بــالأفـراج​

 

[المهذب جدا]

يقول من عدى على راس عالي,,, رجم طويل يدهله كل جرناس ​

في راس مرجوم عسير المنالي ,,, يشتاق له مندك بالقلب هوجاس ​

قعدت في راسه وحيد لحالي,,, والقلب في لجات الافكار غطاس ​

وقعدت اعد ابامها والليالي,,, دنيا تقلب ما عرفنا لها قياس ​

دنيا تفرق بين غالي وغالي,,, لو شفت منها ربح ترجع للافلاس ​

اقطعك دنيا ما لها أول وتالي,,, لو اضحكت تبكى وتوريك الاتعاس ​

يا ابجاد شب النار وادنى الدلالي,,, واكسر لنا يا ابجاد ما يقعد الراس ​

فنجال يغدي ما تصور ببالي,,, وروابع تضرب بها اخماس وأسداس ​

لعل قصر ما يجيبه اظلالي,,, ينهد من عالي مبانيه للساس ​

لى صار ما هو مدهل للرجالي,,, وملجأ لمن هو يشكى الظيم والباس ​

لا خاب ظنى بالرفيج الموالي,,, مالك مشاريه على باقي الناس ​

وإن ناشنى من بعض الادنين صالي,,, ماني عن الزلات مخبر وبلاس ​

كالعنبر الغالي بالأسواق غالي,,, ولا درهم الفضية على صفر ونحاس ​

اجزية بالصده جنوب وشمالي,,, واتلي هوى قلبي اليا هب نسناس ​

المستريح اللي من العقل خالي,,, ما هو ولجات الهواجيس غطاس ​

ما هو بمثلى مشكلاته اجلالي,,, عجزت اسجلهى بحبر وقرطاس ​

حملي ثقيل وشلت حملي لحالي,,ونصبر على ضيم الليالى والاتعاس ​

وارسي كما ترسي عوالي الجبالي,,, ما ينهزع حيد عليه القدم داس​

 

[المهذب جدا]

يا صاحبي ماني براعي مهاداة
اما ارضني والا اجفني واستخيري
ولا تعال وما طلبناك عطناه
ولا تروح وجعل دربك سفيري
على ماني بمن يطرد سراب بمضماه
شاف السراب ويحسبنه غديري ​

 

[BRiGHT_Q8]

Nobody listens until you say something wrong ​

​

لن يصغي إليك أحدا حتى تقول شيئا خاطئا
​

​

 

[المهذب جدا]

ياصاحبي الدنيا حكايات وعلوم ,,, قصص عجيبة تذهل اللي​

قراها ..
الدنيا لو تضحكـ معك دايم الدوم ,,, خلك فطين ولايهمك ​

رضاها ..
كم واحد تبنى له أمال وحلوم ,,, يفني وغيرهـ يهتني في​

بناها ..
ياما أفرحت قوم وأحزنت قوم ,,, وكم أعشقت عين وخانت ​

غلاها ..
ياصاحبي شفت أمس وشف حالنا اليوم ,,, دنيا تقلب يكفي الله ​

بلاها ..
اليوم لامنة بغت عيني النوم ,,, تنكدت روحي وعافت ​

كراهــا ..​

ماكل من علا بالأصوات مفهوم ,,, وماكل روح تلتقي في
مناهـا ..​

وماكل من يشكي معذب ومحروم ,,, وماكل من يضحك همومة ​

نساها ..
بحر الحياة إن صرت ماتعرف العوم ,,, يرميك في غبه بعيده ​

مداها ..​

من راح يستسلم من أحزان وهموم ,,, يموت حي وحاجتة ​

ماقضاها ..​

واجه هبوب الوقت بإيمان وعزوم ,,, لابد ماربك يهدي ​

هواها ..​

وأصبر إذا شمسك حجب نورها غيوم ,,, الغيم يتفرق ويشرق ​

سناها​

 

[فاطمة حسين العلي]

أسعد الله صباحك
موضوع الحقران يقطع المصران
هو قصة مثل قيل ويكون خليجي
هناك تشابه بالفكره
لكن هناك اختلاف بالطرح
أتمنى ما يزعلك الموضوع
اعتذرلك اخوي
أشكر تفهمك المرتقب ​

 

[المهذب جدا]

يا مـل عيـنٍ فـي محاجيرهـا شـوك​

والقلـب بـه عـن لـذة النـوم تكـاك​

لا دك فـي قلبـي مـن الهـم داكـوك​

جاوبـت طربـان الحمايـم على الراكــ​

عزي لحالـك يـا عزيـز وانـا ابـوك​

كـان الزمـان اللـي وطانـي توطـاك​

امشـي وكنـي يـا عزيـز بتـابـوك​

في حبس جبـارٍ تحـت حكـم الاتـراك​

علـى عشيـرٍ دونـه البـاب مصكـوك​

مـا غيـر امــره واتـعـداه مـنـاك​

بابٍ وراه حـروس مـا هـو بمفكـوك​

ومبـرزٍ دونــه مكـايـن وشـبـاك​

وبقيت انا في حضـرة الوقـت مملـوك​

دولـة زمـانٍ بيـن جــاك وتـعـداك​

افهـم وصاتـي ياعزيـز وانـا بـوك​

دامـك صغيـر وغايـة العلـم يقـراك​

تـراه مـا ينفعـك خالـك ولا خــوك​

لا صار مـا تقضـي لزومـك بيمنـاك​

وربعك الى بـان الخلـل فيـك عافـوك​

اقرب قريبٍ لـك مـن النـاس يشنـاك​

ان كثر مالـك صدقـوا لـك وطاعـوك​

وان قـل مـا بيديـك شانـت سجايـاك​

لو تطلب الما عندهم كـان مـا اسقـوك​

ابعـد مـزارك عـن وطنهـم ومربـاك​

ان جـاد حظـك صدقـوا لـك وزاروك​

وان بار كـلٍ مـا يبـي غيـر فرقـاك​

والى اعترض لك من صروف النيا صوك​

كـلٍ تبـرا منـك مـا هــو بـويـاك​

وهراجـة المجلـس الـى جيـت وروك​

منـازل تـطـرب نظـيـرك بدنـيـاك​

والـى قضـوا منـك اللـوازم وخلـوك​

تفرقوا وانـت احتمـل كـل مـا جـاك​

كنـك سـراج البيـت للنـور شـبـوك​

والى قضى الوارد حـدا الربـع طفـاك​

والا كمـا ليمونـة الحمـض مـصـوك​

والى قضى منـه الطعـم فرغـوا لـذاك​

واللي يجي من رفقتـه ريـب وشكـوك​

احـذر عنـه ليـاك تصـدق بمسـراك​

والى جفوك اهـل الوطـن واستخفـوك​

قلّـع غريسـك منـه واهـدم ركايـاك​

تراك لو تنجع علـى الرجـل صعلـوك​

احسن من اللـي تلتجـي لـه وياطـاك​

عطهم وضيايفهـم الـى منهـم جـوك​

وغلّـق ضميـرك لا تعلـم بقصـيـاك​

وخدمتـك شيـخٍ كنـك العبـد مملـوك​

يامـرك فيمـا يشتهـي وانـت ينهـاك​

اعـرف تـراك مبرقـعٍ منـه مشبـوك​

حدّرك فـي حبـل المهالـك ولا ارقـاك​

واصحـا لخـلان الرخـا لـو تغالـوك​

اعرف ترى اطيبهم الى احتجت يجفـاك​

كنك خـوي مقيـط دهـووك واغـووك​

وحقك عطـاك رشـاك واقفـى وخـلاك​

واحذر عن العيله ترى الحـق مـدروك​

مثـل العمـل يـدرك مـا منـه فكـاك​

وان كان عدوانك على الضيـق حـدوك​

اخصـم طلابتهـم بعجـفـاك وقــداك​

وان كانهـم لمشـرّف الحـق ماشـوك​

ناظـر مطاليـع الفـرج قبـل مـبـداك​

وان طوعوا شيطان الانفـس وهانـوك​

فاصبر على البلـوى ودفنـت رزايـاك​

زرهـم تـراك الـى توانـيـت زاروك​

امـا بديـت بصاحـب السـو يـبـداك​

مادامهـم ماطاوعـوا لـك وعـرفـوك​

اضرب على الكايد الى عمسـت اريـاك​

لو هذبـوك مـن المصايـب وضـدوك​

مـا يذبحونـك قبـل تدنـي منـايـاك​

واحلم عن الجاهل ترى الحلـم مبـروك​

وقم للضعيف اللي مـن الضيـم ينخـاك​

وادمح خطا جيـران بيتـك الـى اوذوك​

ترى القصيـر وحرمـة الجـار بحمـاك​

عطهـم رواتـب حقهـم لـو تناسـوك​

فـي كـل مـا يصلـح لدينـك ودنيـاك​

وقم للضيوف الى عنوا لـك وضافـوك​

اغلـى كرامتهـم حجاجـك وبـشـراك​

واعرف ترى ما لك من الضيف مشروك​

لـولاه يطلـب حاجتـه فيـك مـاجـاك​

وقم للرجـال ان ريعـوا لـك وحبـوك​

واحشم خويـك واكرمـه عنـد ملفـاك​

والى اعتبـرت بسيـرة النـاس كفـوك​

مـا كثـر مـن شـي تعبتـه وعنـاك​

ولا تبـات بـهـم دنـيـاك مضـنـوك​

ما طاب لـك مـادام لـك وافتهـم ذاك​

لو يطلبون اخفايك النـاس مـا اخفـوك​

والرجل مثل النجـم فـي كـل الافـلاك​

وصـلاة ربـي عـد الاوراق والشـوك​

مـا نـاض بـراق ومـا هـل سفـاك​

على الذي مـا فيـه ريـب ولا شكـوك​

محـمـد مــادك بالقـلـب دكـــاك​

 

[غير البشر]

من راح من كيفه وكيفه يوديه
خله على كيفه وكيفه يجيبه

اللي يصد وهاقي اني بناديه
اقطع لساني لو لساني يحكيبه

كانه مريض ويحسب اني بداويه
الموت ارحمله فلاني طبيبه
​

 

[المهذب جدا]

إنفكت السبحه وضاع الخرز ضاع ,,, وبغيت ألمه ياسليمان وزريت​

صار الذهب قصدير والورد نعناع ,,, أنكرت ريحه مختلف يوم شميت​

الباب طايح والمسامير خلاع ,,, والحب فيه السوس والفار في البيت​

أمسيت أكيل الراي بالمد والصاع ,,, قست الأمور وعفتها ماتوريت ​

لا فاقد الحيله ولا قاصر الباع ,,, ويالله يامولاي فيك استغريت ​

الذيب رزقه في مبادية الارواع ,,, ونا برزقي في زماني تعنيت ​

ونا مربى من زماني ومطواع ,,, ربتني الايام حتى تربيت​

 

[المهذب جدا]

دنياك هذه كلها هز قاووق ,,, ما تعرف الصاحب من اللي معاديك
اكثر كلام الناس بالمكر والبوق ,, يهرج معك واليا تقفيت يرميك​

المال دايم صاحبة مرتفع فوق ,, والقل خايب لو ترفعت يرميك
عزي لمن دور لها عند مخلوق ,, إما بخل ولا منن يوم يعطيك​

أوصيك بالطيب إذا كان لك ذوق ,, أرمه وراك ولازم إنه يلاقيك
يا عبد هون كل مطرود ملحوق ,,لا تشتحن لك رب ما هو مخليك​

اللي جعل لك روح جاعلك مرزوق ,, كما تكفل بك من الخلق كافيك
يعطي وباب الرزق ما هو بمغلوق ,, واليا طلبته ونت محتاج يعطيك​

الرزق له حسبه وله وقت مطلوق ,, وان مت ظلا عند قبرك يناديك
والموت جايك لو تقع جوف صندوق ,, دع عنك مابك من حذر لا يعنيك​

لا تشتغل بالمال والمال ممحوق ,, ما مالك إلا ما تمده أياديك
إن كان مالك يافتى ضيق السوق ,, تراه عند الموت ما هو منجيك​

الجار والعاني لهم شرط وحقوق ,, والضيف واجب تكرمه يوم يأتيك
وإن كان تبغي تأخذ المدح مطبوق,, خلك مشمر دون ضيفك وعانيك​

صون الامانه واظهر الهرج بصدوق,, ولاتعاشر صاحب البوق يعديك
لاتصحب الخاين ولا تأمن النوق ,, وان لاح براق الحيا عذرت فيك​

والدرب لاتامن ولو كنت مرفوق,, إلا بحد في يمينك يباريك
أترك طريقة كل عاشق ومعشوق ترمي بروحك في الشرك ثم يرميك​

والكلب ما يتبعك لو تلبسه طوق,, وإلا خلاخيل الذهب ما يراعيك
وبالصبر تغلب صاحب العزم يا شوق ,, والعزم طيب مير حزات يرميك​

وافرح آليا منك عن الشر مدروق,, واحذر صديقك واحذر اللي يواليك
هذا كلام الصدق ما هو بمسروق ,, وابيات يا قلبي بناها يسليك​

من هاجس يطمي كما بحر صافوق ,, أحذر على القلب الشقي يوم يطريك
يارب تجعلني من النار معتوق ,, واجعل ختامي طيباً يوم ألاقيك ​

 

[المهذب جدا]

ابعد وقلبك نازح البعد يشفيه
وتلقى عن الدار البغيضه مقامي​

دار بدار وداعى الذل عاصيه
ولا تقبل الذ له نفوس الكرامي​

الذل موت حايمات ضواميه
ادخل على منزل فروض الصيامي​

عن مقعد بالذل عينك تراعيه
الموت عند الذل امان وسلامي​

يرضى المذله من تردت هقاويه
والذل يجفل منه قلب العصامي​

والعبد له رب عن الناس يغنيه
ولو لاه ماصاب الهدف كل رامي​