سؤال وجواب مقبل على الزواج تجاربكم نصائحكم

[tvt]

سلام عليكم

شباب انا مقبل على الزواج وابي منكم كل تجربه ونصيحة وشكراُ

 

[درع الجزيرة]

الف الف مبروك
والله يرزقك الذريه الصالحه

وعليك اخوي بالكلام الحلو والتعامل الطيب مع زوجتك وبإذن ستمتلك قلبها
​

 

[BoOmarQ8]

المشاكل الزوجية حلها بين الزوجة و الزوج ... كل ما دخلوا ناس زيادة من الأهل كل ما كبرت المشكلة ... إلا إذا حسيت أن المشكلة صعبة و مافي حل مُرضي ... أستشر من تثق برأيه و بخبرته ... و يُفضّل يكون رجل

اتّفق على كل شي من قبل الزواج ... لا تحط ببالك شيء تلقائياً ... عندك شروط اشرطها ... و طبعاً شروطك تكون على حسب محيطكم و بيئتكم

و لا تقصّر بحق أسرتك و أرحامك ... خصوصاً أمك و أبوك

و أخيراً أنصحك تشتري لك كتاب عن العلاقة الزوجية و حقوقك و واجباتك كزوج

 

[كلمة الحق تنقال]

ياحبيبي منتدى للمتزوجين هم الي ينصحونك مو احنا

 

[كاسك يا وطن]

ياحبيبي منتدى للمتزوجين هم الي ينصحونك مو احنا

عادي يا اخوي .. ما خاب من استشار ..

بخصوص صاحبنا اللي يبي يتزوج ..
اول شي اقول له مبروك .. وعسى الله يرزقك بالذريه الصالحه اللي تريحك بالدنيا .. والاخره ..

بخصوص نصيحتي ..
اول ايام الزواج ..
اذا المره قالت لك شي يمين .. روح يسار ..
واذا قالت لك يسار .. روح يمين ..

​

 

[CBA]

لا تعودها وتسولف وايد معاها اول ايام لانك بعدين بتمل وماراح تسولف معاها

عشان لا تسويلك كاني وماني وتقولك تغيرت علي ولا تطلعها وايد عودها على

طبايعك من أول فتره عشان بعدين لا تعاتبك وتقولك اي قالوها الزواج بس أول

شهر والله يوفقك :وردة:

 

[طلال]

نومها بطراااق وقعدها بطرااااق

لا اتغشمر معاك

شوف اخوي الزواج جميل جدا تجد من يشاركك همومك وافراحك ومشاكلك

وتحس انك مسؤول عن اسره وتبدي تثقل

اهم شي مشاكلكم لا تطلع بره البيت لا اهلك ولا اهلها يتدخلون

وحاول في الفتره الاولى ان تتقبل منها اي شيء يعني لا تتنرفز على اي شي

لانكم بالبداية اطباعكم تختلف عن بعض شوي ...والله يعينك على الطلبات اللي لا لها أول ولا اخر

عموما الله يوفقك انشالله بحياتك الزوجيه ...​

​

 

[Q8-2009]

صار عندي فضول ودشيت الموضوع


لوووووووووووووول الصراحه ردود الشباب موووووووووووووووصج


الله يرزقك ابنت الحلال اللي تقدرك وتقدرها

 

[KUWAITAWYY]

الله يوفقك في حياتك القادمه .. والجديده .. بنفس الوقت ...

والله يعينك ..

 

[عليا]

اذبح لها القطوة من اول يوووم

 

[دسمان]

نصيحة لا تتزوج في ظل القوانين المتعسفة لو تزوجت مرتك بتصير مثل شركة زين اذا ما دفعت الفواتير بتقطك بالسجن وتسويلك منع سفر و و و و و
وللاستزادة شوف الموقع اللي بتوقيعي وفكر الف مرة قبل لا تتزوج

 

[غادة الكاميليا]

أولا الله يوفج ما بينكم ويجمع بينكم على خير والله الله بالمره ترا على قولة الأوليين( الخيل من ركابها والمره من رجالها) والحياة الزوجيه تعتمد بالدرجة الأولى على قائد السفينة وربانها والي اهو الزوج نصيحتي لك:
خل الرسول صلي الله عليه وسلم قدوتك تأسى بطريقة تعامله مع زوجاته وأهل بيته والبيت الي قايم على الدين صدقني تمشي الحياة فيه على أروع مايكون
أهديك كتاب تحفة العروس لابن القيم الجوزيه
ومباركين عرس الاثنين:وردة:
تحياتي​

 

[Edrak]

المتبحر

تكفى ابي اسمع نصيحتك انت بالذات

 

[سليل الجود]

مبروك وبالرفاء والبنين​

ونصيحتى لك من واقع تجربه سابقه ياولدى​

توكل على الله​

وبس​

المشاكل فيكم فيكم​

لا تحاول تعيش حياه افلاطونيه​

وماكو بيت خالى من المشاكل​

وخلك هيّن ليّن ​

وبالتوفيق​

 

[الظفيري]

المشاكل الزوجية حلها بين الزوجة و الزوج ... كل ما دخلوا ناس زيادة من الأهل كل ما كبرت المشكلة ... إلا إذا حسيت أن المشكلة صعبة و مافي حل مُرضي ... أستشر من تثق برأيه و بخبرته ... و يُفضّل يكون رجل

اتّفق على كل شي من قبل الزواج ... لا تحط ببالك شيء تلقائياً ... عندك شروط اشرطها ... و طبعاً شروطك تكون على حسب محيطكم و بيئتكم

و لا تقصّر بحق أسرتك و أرحامك ... خصوصاً أمك و أبوك

و أخيراً أنصحك تشتري لك كتاب عن العلاقة الزوجية و حقوقك و واجباتك كزوج

أتفق معاك 100%
وأزيدك من الشعر بيت.. أنا في مره زعلت مني المدام وقالت أنا بروح بيت أهلي.. رحت قفلت عليها الغرفه ست ساعات وطبعا أخذت منها التيلفون.. وبعدها ردينا حبايب:قلب:

 

[tvt]

شكرا للجميع

المتبحر

تكفى ابي اسمع نصيحتك انت بالذات

بانتظار المتبحر باحر من الجمر

 

[شاهي حلو]

اولا الف مبروك

ثانيا عليك بالدعاء تضع يدك علي ناصيتها وتقول اللهم انب اسئلك من خيرها وخير ما جبلتها عليه
والصلاه انت وهي ركعتين

ثالثا حاول ما تستعجل في بعض الامور ولو تاخرها يوم يومين ترا افضل حتي تتعود عليك
خل اول يومين سوالف ومزح وضحك وحاول دائما تمسح علي راسها وعلي يدها
وتهمس في اذنها كلمة ما توقعت احبك كل هالحب وامتدح صفاتها وجمالها

رابعا حاول اول سنه ماكو خدامه وسمعها اني احب اكل من ايدك


خامسا لا تنسي ان المراءه تجيها الدوره الشهريه اجلكم الله كل شهر عدة ايام
وخلالها تتغير نفسيتها فلا تلومها وتصبر علي محنتها


سادسا لا تجادل الزوجه نهائيا باي خلاف لان عواقبه وخيمه
اتركها تقول الي بخاطرها وكانك ما تسمع حط بهذي عجينه وهذي طينه
طبعا مو ضعف منك ولكن لاعطاء مجال تنفس عن ما في داخلها
وترا بتسمع كلام قاسي بعدها بتشوفها خجوله من نفسها
وهذي قمة الرجوله

سابعا ما فيها شي لو ساعدت وطبخت معها بيوم من الايام وغسلت معاها المواعين
راح تسعد قلبها

ثامنا خصص يوم بالاسبوع لطلعه خاصه لمطعم لمنتزه لبحر لشاليه مثلا من بعد العصر الي الليل


تاسعا خصص لها مبلغ شهري محدد ومعقول علي حسب الدخل
لامورها الخاصه من لبس وعطور وغيره


عاشرا والاهم حاول ان لا تذهب كثيرا للاعراس والاحتفالات


اتمني اني افدت ولو بشي قليل

 

[كرستاله]

مبروك الله يوفقك بحياتك الزوجيه
لازم تقولها من اول ليله تحترم امك واهلك وان احترامها لهم يعني احترامها لك راح تعرف ان مادام فيك خير لهلك اكيد فيك خيرلها وبنفس الوقت ماراح تختلق مشاكل
لازم بالفعل (موبالكلام)تفهمها ان الكلمه الاولى والاخيره لك مولها وانها لازم تاخذ رايك في كل كبيره وصغيره
لاتسكت على اول غلطه او موقف او اي شي مايعجبك من البدايه خلها تعرف شنو تحبه وماتحبه واتسويه مو قصدي اتهاوش وياها لاء ازعل زعل خفيف لاتكلمها بس مو مده طويله
لاتلبيلها كل طلباتها وادلعها حيل ترا تندم
انفع خاله صح خخخخخخخخخخخ

 

[سعود المحمد]

أضفر بذات الدين .... والف الف مبروك

 

[بدرالمطيور]

الزواج الناجح

يكون عندما تتوافر الثقة بين الزوج و الزوجه

و لكي تبنيان جدار ثقة متين و صلب

مواضيعكم و أفراحكم و مشاكلكم و خططكم

لا تفشونها لأحد و لا تخرج خارج غرفة النوم