هديه للتجار بعد اقرار قانون الخصخصه...مشروع ناجح

[المهم^الكويت]

نبارك اولا للكويت اقرار قانون الخصخصه وهذي هديه مني لتجار الكويت اتمنى ان يتبناها تاجر ويعمل بها...

المشروع عباره عن تحويل مراكز الشباب الى مكان يجذب عدد كبير من هذه الشريحه عن طريق اقامه بعض المباني والخدمات...

يوجد هناك 8 مراكز شباب بالكويت...نأخذ على سبيل المثال مركز شباب القادسيه...لا اعلم مساحته بالضبط لكنها كبيره وتكفي لاقامه المشروع...

ونأتي لذكر المباني والخدمات الواجب توافرها في هذه المراكز..


1_ عدد 4 ملاعب ثيّل صناعي + عدد من الملاعب الاخرى كره السله او الطائره.

2_نادي صحي.

3_صاله ترفيهيه((بولينق..تنس طاوله..بلياردو..اجهزه كمبيوتر).

3_صاله تخصص للمعارض النسائيه.

4_مول صغير من طابقين الطابق الارضي يحتوي على عدد من المطاعم والطابق الثاني عدد 4 صالات سينما صغيره.

5_مبنى ثقافي يحتوي على مكتبه وقاعات للمحاظرات و الندوات.

6_مبنى يحتوي على غرف تخصص كدواويين للشباب يتم استأجارها بنظام يومي لنقول 20 ديوانيه مثلا+4 غرف بلي ستيشن نظام بروجكتر..مع وضع شروط معينه((الاولويه لابناء المنطقه..ممنوع التدخين..شرط للعمر...الخ))

7_مواقف سيارات نظام طوابق..

المشكله الي راح تواجه المشروع هي الازدحام حيث ان المراكز تقع بين البيوت وقد تحل المشكله عن طريق مواقف الطوابق...


والي بياخذ هالمشروع خل يعطيني ملاعب الحشيش الصناعي أأجرها منه

 

[abo shahad]

المشروووع هذا مايبوونه مايسويي لو تعطيهكم بــــ بلاش ماخذوووه
يبوون شي دسم

 

[لايمكن السكوت]

تفكيرك على قدك وقدي عشان ماتزعل
هذولا تفكيرهم بالعالى

 

[بوفهد 2010]

^


لقد خسرت اكثر مما كسبت ..!​

 

[الأناضول]

مشروعكم ايوكل خبز عندهم طبعا عندي وعندك خير من الله

لكن أهم مايشبعوووووووون

 

[الظفيري]

والي بياخذ هالمشروع خل يعطيني ملاعب الحشيش الصناعي أأجرها منه

والله أنك طيب:وردة:

 

[المهم^الكويت]

يا جماعه على قدنه اصلا حتى لو عطوني الملاعب وقالولي سووهم يا دوب اركب عارضتين وشبك...

بس انا هني اتكلم عن 8 مراكز شباب يعني تقريبا 8 مولات مو شويه...والمهم عندي انهم يطورون هالمراكز عشان الشباب...