حملة,,, تكفى زوجي إلبس بجامه‏ :)

[الجيكر]

لاحووول
حتى بلبسنا مناشبينا بعد
شتبووووووووون
أأيه ألبس مكسر وفانيله عندج اعتراض
شدعوه عاد انتوا ملكات الاناقه بالبيت ؟؟
ولا كل يوم ولابسين بجامه ماركه ؟؟
كل وحده لاشالت كريم الاساس تحت عيونها سواد جنه واحد خامها بوكس على عينها !!
لاااا ومستحملينكم وصابرين وباااالعين موس وساكتين .
بعد قمتوا تدخلون في ملابسنا وسراويلنا وفنايلنا
وشبقــى بعد ؟؟؟؟
والله شي
هين يابرايتو
اللحين جايج البيت اكفخج ​

 

[حمد]

خوش حملة

بس اللي يبي بيجامات يتعب على ماركس وسبنسر او دبنهامز , لان البيجامات بو قطة بسرعه تنفتق وخذ مهزلة :إستنكار:

اتذكر منظر شفته في مطار القاهرة واحنا راكبين طيارة الجزائر , اللي معانا كلهم لابسين الدشداشة - البيجامة المقلمة , عندنا بيجامة وعندهم لبس شعبي

 

[Ricardo KAKA]

اول شي الفانيلا والمكسر

اهو الزي الوطني الثاني بعد الدشداشه

مثل الانديه في زي اساسي وزي احتياطي

ثاني شي انا صراحه بس اشووووف الفانيلااا اذكر ايام الاوووو يا مال

وشكراااا للي تبي تغير الزي الثاني للشاب الكويتي

لان اتنازل عن تراثي لو اعطيتموني الذهب والالماس

 

[BRiGHT_Q8]

الاخت برايت

كل الشكر للموضوع المميز

وبالفعل في ناس ما تستحى من الجانبين سواء الرجال او الاناث

ويفترض ان يكون البس محتشم حتى داخل البيت

وانا الحمد الله الدشداشة معاى وين ما اروح

والشى الثاني للاسف قريت ردود من بعض الاخوان والاخوات بغير محلها واحس ان الموضوع انحرف

ويا جماعة ما اتصور ان الاخت برايت حطت الموضوع من التقليل من شأن الرجال علشان نشوف بعض الاخوات عقبوا بشكل مخالف عن خط سير الموضوع وكذلك بعض الشباب كانت تعليقاتهم التقليل من الاخوات

على العموم انا اسف يا برايت على تعقيبى على بعض الردود

بس ارد واكرر موضوع مميز واتمنى من جارى اللى كل يوم يطلع عند باب السكه ولابس المكسر والفانيلة ويشرب زقاير انه يقرى الموضوع ويستحى على ويه اشوية

ويبطل من الحركة هذى

وبانتظار الموضوع القادم

مشكووور على مرورك عمووو قديم

صح لسانك ,, ياليتهم يطبقون بس :وردة: ​

 

[BRiGHT_Q8]

حمله رائعه

صراحه منظر الواحد ابيض بابيض ومكسر يسد النفس :إستنكار:

شكرا على مرورك اخوي​

:وردة:

 

[قديم]

مشكووور على مرورك عمووو قديم ​

صح لسانك ,, ياليتهم يطبقون بس :وردة: ​

العفوو والله يا برايت

وبانتظار الموضوع القادم

 

[حلا]

موضوع طريف


يعطيك العافيه :وردة:​

 

[المختصر المفيد]

يقول ابن عباس رضي الله عنهما : و الله إنا نتزين لهن مثلما يتزين لنا .

الاهتمام بالنظافة الشخصية و الهندام أمر أساسي للإنسان السوي

دشداشة النوم زينة و بجامات ماركس سبنسر يمدحونها

اهتموا بنفسكم على الأقل لكم قبل لا يكون لغيركم

أصلا المكسر ما يستر و الواحد منا ما يصلي فيه لأنه "يشف"

أنا اللي يغثني من قلب منظر سروال المكسر و هو نازل تحت الدشداشة المكسر حلاته ما يبين

 

[BRiGHT_Q8]

انا شخص احب اللبس البيجاما بالوان مختلفه

اما المكسر و الفانيله اعتقد عيب اذا كان في احد بالبيت غير الزوجه

اما اذا الزوجه بس حتى بلا هدوم مو مشكله

اييي والله عيــــــــب,,,


شكراً على مرورك أخوي :وردة:​

 

[ابو صقر]

مره لبس بيجامه ام قطعتين حسيت اني قاعد بمستشفي مريض !! وعلى طول

خلعتها وانطلقت للحياه من جديد . تحس انكك خفيف ظل البيجامه صار دمي ثقيل

لما لبستها .

 

[الدمنه]

الاخت الفاضله برايت

عندي لج 3 نقاط (فقط لا غير)

1- حمدي ربج على المكسر ( ترا النعمة زواله) لا .. الله يبلاج و تجابلين السوجري !!!!

2- المكسر تراث وطني و فخر الاجيال .. و لن يتخلى رجال الكويت عنه كما تخلوا نساء الكويت عن البخنق و الثوب الشفاف اللي فوق الهدوم ( الله يرحمج و يجعل مثواج الجنه يا يدتي).

3- قرأت الموضوع و اغلب المشاركات ... و رأيت فريق مؤيد للبجامه و فريق مستذبح للدفاع عن المكسر ............ انزين شلون يعني و (الوزار) ماله رب !!! محد ياب طاريه !!! ليييش


الشباب في خطر ياجدعان .... البنات حطو المكسر ببالهم الله يستر .... شيفكنا من الحنه !!!!


تقبلي تحياتي


ملاحظه:
انا من عشاق المكسر و الوزار ولكن عندما اكون بغرفتي فقط
ولكن جدام الاهل و خارج الغرفه فألبس دشداشه البيت.



ملاحظه رقم 2:

لو كنتي رجلا لعرفتي الفوائد اللا محدوده للوزار خصوصا بالحداق وقت الصيف ... علما بان المقام لا يتسع لذكر فوائده بهذه المشاركه.

 

[غادة الكاميليا]

وييييييييييييييع الوزار
ما ادري ليش كل ما اشوف واحد لابس الوزار تلوع جبدي وشعوريا أصد بنظري!! شنو هاللبس الخايس؟؟ خلاص يعني خلصت الابتكارات والملابس ما بقى الا هالزي؟؟!!
سؤال وجيه لأهل الوزره:
جم بالميه نسبة انه الوزار يطيح منك وانت لابسه جذيه فجأه ومن غير علم؟؟؟​

 

[BRiGHT_Q8]

مع الكشخه ليش مو معاها بالعكس شئ طيب​

وماودي اسولف لان هنا بالشبكه صديق عزيز علي​

اخاف يشوف ردي يستلمني بالدوانيه من اقعد حتى اقول تصبحون على خير ​

الرجل مو بلبسه ولا بكشخته ​

الزوج كيف يعامل الزوجه هل بود واحترام ام بزف ونفسيه​

هناك رجال تكشخ ولا كشخه عروس بليله الدخله​

لكن معامله الزوجه عنده ولا ببيزه​

وهناك رجال لا تكشخ ويعامل الزوجه بكل حب واحترام​

السؤال لج الحين ​

تبين زوجج يكشخ ويعاملج بنفسيه وكله معصب​

ولا تبين زوجج مايكشخ ويعاملج باحترام وورد وحب ​

هنا المفروض السؤال ؟؟؟​

يعني بالعربي تبين زوجج كيف يعاملج ؟؟؟​

أكيد الإحترام مطلوب أخوي

وهذا موضوع ثاني,, وما يمنع يكشخ ويعاملني معامله زينه

نورت موضوعي :وردة: ​

 

[BRiGHT_Q8]

بما اني البس دشداشه نوع بيجاما بس بعد موضوع برايت شريت هالبجامه

يلبألك خيووووووو :إستحسان: ​

 

[BRiGHT_Q8]

امانه امانه امانه وين المحل اللي يبيع هالبجامات برووح اشتري

بكل مكان موجودين أخوي

دبنهامز

نيكست

مارك أند سبينسر

B&H

حياك الله ​

 

[غير قابل للمساومة]

بالعكس اذا تبون الصراحه الزوج او اغلب الازواج يهتمون في منظرهم ولكن المرأة من تجيب اول مولود تكبر عشر سنوات فدام ولاتهتم في نفسها خلاص انا جبتله ولد شيبي بعد ويولومونا اذا فكرنا في الزواج من الثانيه

وشفيه المكسر مافيه شئ مع الفانيله او قميص ابيض بس ناقصنا حزام اسود ونصير ابطال في الكاراتيه شتبون بعد لابسين لكم لبس كاراتيه ​

 

[الدمنه]

وييييييييييييييع الوزار​

ما ادري ليش كل ما اشوف واحد لابس الوزار تلوع جبدي وشعوريا أصد بنظري!! شنو هاللبس الخايس؟؟ خلاص يعني خلصت الابتكارات والملابس ما بقى الا هالزي؟؟!!

اولا : الوزار اللي مو عاجبج هذا لبسوه يدج و يد يدج و يد يد يدج

ثانيا: الوزار عشق الرجال
ثالثا: شنو يلبس المحرم بأطهر بقعه بالارض "الحرم" !!!!
رابعا: رايج اختلف معاه ولكن بكل الاحوال احترمه​

و على منطقج اقولج خلصت الابتكارات و الملابس و ما بقى الا الدراعات ؟؟؟؟؟​

فكري و قصي الحق من نفسج ؟​

سؤال وجيه لأهل الوزره:

​

جم بالميه نسبة انه الوزار يطيح منك وانت لابسه جذيه فجأه ومن غير علم؟؟؟
​

بالنسبه لي النسبه صفر ( خبرة وزره)

و اكيد بالنسبه لج .. اكو نسبه معينه ببالج

فحسب هالنسبه اللي ببالج اقولج لا تعتمرين ولا تحجين ...... لا كل رجل محرم بالحرم لابس وزار !!!!!!!!





اي والله يعذربون بالوزار ... هذا اللي ناقص بعد
​

 

[kkk]

وييييييييييييييع الوزار

ما ادري ليش كل ما اشوف واحد لابس الوزار تلوع جبدي وشعوريا أصد بنظري!! شنو هاللبس الخايس؟؟ خلاص يعني خلصت الابتكارات والملابس ما بقى الا هالزي؟؟!!
سؤال وجيه لأهل الوزره:

جم بالميه نسبة انه الوزار يطيح منك وانت لابسه جذيه فجأه ومن غير علم؟؟؟​

احتجاج كامل
واعتراض كبير
على المشاركة ...وتعمد واضح جدا
وبعدين ..السؤال مو وجيه....​

 

[برقان73]

زوجي العزيز كما تريدني ألبس لك ! إلبس لي ...​

:قلب:حملة خلوه يلبس بجامة:قلب:​

نحن الزوجات نقول للأزواج وبدون زعل ...​

هذا اللبس ما يعجبنا !!​

​

فنيلة وسروال ولا دشداشه ملططه اكل ووصخه وأحيانا معها طاقية​

حس يا أخي ألبس بجامة مثل العالم​

صراحه ألبس البيجامات في البيت , و احيانا قليله أكون باللبس التقليدي الفانيله و المكسر
و انا معاك أن البجاما أرتب و أستر

لكن لفت إنتباهي قولك : يا أخي حس إلبس بيجاما مثل العالم !

هل جربتي و شريتي له بيجاما و رفض يلبسها مثلا ؟

يبا روحي السوق و إشتريله بيجامتين على ذوقك , و بعد ما يلبسهم أثني على مظهره و لوكه
الجديد ..و إلى ان يتعود و يتاقلم على ما تودين ان يكون عليه زوجك , فمسألة التغيير و إن كانت
صعبه في البدايه إلا أنها بيد الزوجه أيضا لا بيد الزوج وحده .

 

[BRiGHT_Q8]

شدعوة ........قلت المواضيع ........!؟

لا ما قلت ,,, يا كثرها

بس الموضوع مهم ,, ليش ما كتبت رايك ؟


يعني عاجبك هاللبس جدام الخدم والخوات ​