اجـمــل مـنـطقــه سـكـنـيـه فـي الـكـويــت

العرضحالجي

عضو فعال
كل مناطق الكويت لها جوها وكل منطقه لها عبقها عندها أهلها


أقول لو تخف الزحمه من الشوارع لأصبحت الكويت منطقه واحده ينعم بسحرها أهل الديره صغيرهم قبل كبيرهم :إستحسان:




:وردة: :وردة: :وردة:
 

ســـ ــ ـند

عضو مميز
[SIZE=5 قال:
يلاا شاركوننــا ارائكـــم ب اجمل مناطق سكنيه واختارو منطقه وتكلمو عنهــــا بأنتظاركم [/SIZE]

هي الجهرا...:قلب:

واحس الروح تتشكل فضا عصفور

خذته اخر عزوم بالجناحين الصغار وطار

تلفت ...لا الجهات اللي حوته تعبره للنور

ولا هذا المدى ارقى من شعورٍ سكنه وثار

هي الجهرا ورق متقرفط بشاعر يدور يدور

هي احساسه فرحه ودمعتينٍ بالحنايا كبار

هي اكثر من ذرع خفاقه المتكابر المغرور

هي ابسط شي واصعب ماكتبه الشاعرالمدرار

هي الهدو الشدو مادري ابتسامة واحد ممرور

هي اقصى مامدا صبح يتنفس او شذا الاسفار

هي عيون الذي مروا بوجه الموغل الديجور

هي اخر فجر طاح بذاكرتهم وانتبذهم غار

هي اوراق الخريف من الحياه بوجهها المسرور

هي جفون الغلابه والحطب في مستهل أذار

هي الجهرا النماء و يمكن الجهرا اليباس البور

اذا مرت خيالي كنها نبته بصدر جدار

هي الأول من التذكار

وأول ماعرفت اسرار

وأول مالحظت بعين امي

دمعتين صغار

هي الدمع الفرح

او ضحكة الدمع

وصخب لصغار

انا من لونته بيوتها

بالعشق والأيثار

انا من ثبت عيونه

ومسمرها على الأشجار

لأجل لامر زول لواحد

قد هدّه المسيار

اغمضهن على زوله

وأصير الأرض والبيبان

والزوار

..وارد ..اهذي

هي الجهرا الحقيقه او بكاي و دمعة المحظور

هي أخر تـربة في كل ماأشعر أو حـزن اسحار

هي الطين الأثل حزن الشمال وسلهمة مقهور

هي اصحابي الغياب وجفن جدي الصامت الثرثار

هـــــيّ البلور

في وسط الفيافي

والفضا محصور

بقبتها السماويه

بوسط الدور

بخافق ام هيجنها البكاء

وغنته مكسور

بشفة بنت تومض

من وراء النافذه

عشق وأمل وحضور

أدور ادور

انا الثابت بطين احزانها

المستشري الممطور

انا اللي اغلب اصحابي

مضوا منها ..لها

فيصل

سعد

منصور

مضوا مارتلوا

صوت الفراق

بسجدتين الحزن

والمأثور

اجى بيبانهم

أوقف

والاحظ صبغها

المقشور

وأتنفس هوا الجهرا

وأدور أدور

أدور أدور

وأمد اصابعي احسب اسامي وانكسر وأفور

أرتبهم بصدري وجه وجه ودار تتبع دار

واسولفهم عليهم وسط صدري كل واحد دور

اناديهم غلا مدري محبه مدري استغفار

وأرد ادور

في هاجس شوارعها

القديمه

أرمي الأعذار

أراقب

من خلال الذاكره

من يقطفون كنار

ومن عاثوا ببرد النار

وضوح وكبوا الليل بقناديل الأماني

لأخر استمرار

وارد اهذي

هي اكبر من مساحات البكاء السادر المنثور

وأضيق من شعور يمس قلبٍ قد ملته أسرار

هي الامطار دمعات السما او ثوبي المزرور

عليّ وكنت اقول ان الحزن في اغلبه اشجار


بدر صفوق الجهراوي


لله درك شكراً لك بالنيابة عن كل جهراوي








 

وطني-مستقل

عضو فعال
الجهراء رائعه
بأهلها بناسها بطبيعتها
ولكن للأسف منهارة ومنسية خدماتياً .
 

DK-21

عضو بلاتيني
احلى منطقه بالكويت وحديثه وماتحس انك بالكويت جنك بحي امريكي هي العقيـلـه .. طريقة الدزاين والناس الي فيها كلهم انجليز وشيييي راقي .. بصراحه احلى منطقه حتى احلى من قرطبه والشاميه :)
 

داوي88

عضو مميز
الاحمدي

شكــرا على مرورك
والكويت من شمالها [الجهـراء] الى جنوبهـا[الاحمدي] حلـــــوه
وفعلا الجهراء فيهـا اماكن كثير حلوه القصر الاحمــر +سليل الجهراء منتجع سليل والي يعجبني فيها ان اهلها لو بعد 50 سنه مايتخلون عن عاداتهم وتقاليدهم وهذا شي طيب شكرا لك اخوي
كل مناطقنا حلوووه بس مافيه مثل الاحمدي ام الدنيا
 

مواطن غلبان

عضو مميز
منطقتي الحبيبه

(( الــــــــــــــــيرمــــــــــــوك ))
 

مواطن حر 7

عضو فعال
انا اقول منطقه الفردوس ولن اجد اجمل منها في الكويت
:):):):):):)
 

القرير

عضو فعال
الله ياحبي لها معشوقتي
الررررررررقه
مع إني الحين ساكن صباح الناصر لكن مافي بديل عن الرقه
أحلى أياااام العمر
عمار ياكويت
 

rightword

المعرف السابق: شموخ بدويه
العارضيه
تذكرنى بطفولتى
 

GUNNER 4EVER

عضو مميز
قرطبة ........... منطقتنا طبعا :)
 
أعلى