سؤال وجواب عندي مشكلة بالصوت .. ويندوز اكس بي .. عطوني حل ..

الموسوي

عضو مخضرم
السلام عليكم

عندي مشكلة بالصوت .. كل ما أدش على اعدادات الصوت واضبط ماكو فايدة ..

اذا في أحد يفيدنا فالكمبيوتر عندي ما أقدر اسمع فيه شي .

ظبطونا .. ( ضبطونا عشان ما يقولون بدليّة ) .

تحياتي

 
أهليـــن سيدنا ....صباح الخير


الصوت نهائيا مايشتغل ولا صوت منخفض ...!؟


اذا الصوت منخفض جرب تضبط اعدادات الصوت ترفعها للأعلى ...!


واذا كان جهازك آيسر فهذي مشكلة مزمنة مشكلة الصوت غالبية اجهزة ايسر


نحط لها برامج داعمه للصوت ...!


أما اذا كان مايشتغل الصوت نهائيا ... فا من وجهة نظري المتواضعه


جهازك اما يحتاج للفورمات لأن فايروس ضرب الصوت ...!


أو بحاجة لإستعادة النظام ...من خلال... ابدا ... كافة البرامج ... البرامج الملحقة...



ادوات النظام ... استعادة النظام ... وحط تاريخ لجهازك يوم كان يلعلع صوته ......!



أو من خلال ايقونة الصوت اللي تحت ظاهر في شريط العرض اضغط عليها وارفع الصوت ..!




أقول قولي هذا وأستغفر الله لي ولكم فأستغفروه انه هو الغفور الرحيم ...!!











 

الموسوي

عضو مخضرم
صباح النور والسرور ..

والله يا اخوي الصوت من خذيت الجهاز واهو ما يشتغل .

والجهاز pc تجميع .. والمفروض ان مواصفاته عالية بس الله يسامح الي كان السبب .

المهم سويت الي قلت لي عليه بس هم ما صار .

المشكلة عندي لمن ادش على اعدادات الصوت وكل ما جربت طريقة ما يشتغل .

وانت تدري اخوك اعليمي بهالسوالف فحتى صور ما اعرف احط عشان اشرح لكم .
 

واحد من هالناس

عضو بلاتيني
شوف يالحبيب انت ما علمتنا بالضبط وين المشكلة
يعني هل كان الصوت يشتغل معك قبل واللحين لا
والا انت مفرمت الجهاز والصوت ما اشتغل معك والا لا
لازم تعلمنا على هالامور علشان نعرف شنو المشكلة بالضبط
لان يمكن اللحين فيه 2000 حل تبي تجربهم حل ورى الثاني ؟ علمنا المشكلة ويمكن تنحصر الحلول إلى حل واحد بس
 

واحد من هالناس

عضو بلاتيني
ثاني شيء شنو كرت الصوت اللي عندك وهل متأكد انه تعرف والا لا
اذا مو متأكد انه متعرف والا لا لانه اغلب مشاكل الصوت تأتي من تعريفه
فيه موقع فرنسي تركب برنامجه وتدش عليه يعطيك كل التعاريف الموجودة اللي بجهازك واللي مو موجود يلونها لك بلون مختلف تدش عليه وتحمل التعريف وتركبه

http://www.touslesdrivers.com/index.php?v_page=30&v_forum=0

هذا الموقع دش عليه وركب برنامجه اول شيء وعقب ما تركب البرنامج ماله دش على نفس الرابط مرة ثانية وراح يبحثلك بتعاريف جهازك ويشوفلك شنو الناقص
 
أعلى