شعراء النبط

SAAD.SAAD

عضو ذهبي
من أجمل قصائد الشاعر الكبير / سعد بن جدلان الأكلبي

الا ياالله ياللي تحـت هيبـة سلطنتـك اسلمـت=لك المسلم يسبح لك بحمـدك ولـك الاسلامـي
احمدك واشكرك واثني عليك بما علـي انعمـت= تزودني وفا قدر العشيـر ووصـل الارحامـي
ولجك الفجر ياليل الذهول اللي علـي اضلمـت= بعرضك واقع الماضي بعيني عرض الافلامـي
ولهتك يالنديم اللي على صافي وفـاك اضرمـت= بصفحة ذكريات العام واللـي مـن ورا العامـي
بعد تقرير مشوار التجـارب نجحـك واجزمـت= بان السيف سيفي والعصـا والمحـزم احزامـي
عطتني عزلة اخلاصي معك نسيان مـن نادمـت= كتبتك وانطوت صحفي عليك و جفت اقلامـي
اباهـي لا ابالـي واتبيسـط كــل ماقـدمـت=اشـب النـار قـدام العـرب واشيـد اخيامـي
نهاري حر شمسه يستحي منهـا لسـان الشمـت=وليلي ترقب نجومـه ملامـة كـل مـن لامـي
على ضو الكلام اللي كشف عنا ستار الصمـت=عرفت اني تحت برق الامل في روض الاحلامي
احسب انك تيمم با اتجاهـي ويـن مـا يممـت= واثر ما انت بورايه في الطريق ولانـت قدامـي
مصيبه لاتدنت قيمتـك فـي عيـن مـن قيمـت= يشوفك بالسهل وانته تشوفـه بالسمـا السامـي
كثر ماحن قلبي للونيـس وكثـر مـا درهمـت=فجر صدري حنيني واتعـب الاقـدام درهامـي
عيون الصد وعيون التجافي حول مهما اكرمـت= تشـوف المجتهـد كسـلان والبنـاي هـدامـي
مدام ان جانبك شام لجنابي وانت عنـي شمـت=كثر خيـرك وانـا مانيـب لاجايـع ولاضامـي
اشوف انـه علـي واجـب ليا مريتكـم سلمـت= مرور اكرام تربطه الكرامـه عنـد الاكرامـي
على شان الخفوق اللي على عرشه قعدت وقمت=حجب عنك الدجى لين اشرقت لك بيض الايامي
ختام السالفه ياطيـب العشـره كرمـت ودمـت=هذا حقك علي وحق شرهاتـي علـى اوهامـي
مصير الوقت يشرح لك دروسه وان غفلت ونمت=يصحيك الزمان اللي يصحـي كـل مـن نامـي
تذكرني لامنها خابـت اوهامـك فمـن وهمـت= وشفت الفرق في حب الخشوم وحب الاقدامـي

 

كلي سياسة

عضو فعال
السلام عليكم
انا من مستمعي الشعر النبطي
لما فيه من مفردات وقيم واخلاق نبيله
وبالحقيقه ليش هناك شعراء معينين
لكن بالاجمال تلفتني القصيده بقيمتها ووزنها
تحياتي اخى الكريم
بالتوفيق
 

SAAD.SAAD

عضو ذهبي
بسم الله الرحمن الرحيم


السلام عليكم ورحمة الله وبركاته


أســعــد الله جميـع أوقاتــكــم بكل خــيــر

الشاعر /
عبدالله بن نايف بن عون الرويـس العتيبي

01178089493.jpg


قامــة شعريــة كـبـيـرة وعـلـم مـن أعــلآم الشعر في الخليـج
لا أعتقـد بأن هـنـاك من يجهل عبدالله بن نايف ....
من باب الإعـجـآب بهذا العملاق أحببت أن أضع قصيده من قصائده




يــامـــل .. قـلبـن ٍ يـسـج وفـيـه دولاجــه 00000 مـن هاجـس ٍ بـالـضـمـايـر قـام يـدرجـهـا


فـي مـعـزل عـن جـمـيـع الخلق وازعاجه 00000 ما أسمـع مـن الـناس لـو تـكثر لجالجهـا


ماغــيـر إهــوجس تـقـول مضيع حاجـه 00000 آخــذ واسـنــد عـلـى روحــي واهـرجــهــا


وادوج لــوكـان ما.. رجــلـي بــدواجــه 00000 ادلّــــه ... الـنــفـــس لـيـّــن الـلـه يـفـرجــهـا


يالله يـالــي بــيــدك الـضـيــق وافراجـه 00000 يـــا خـالــق الـخــلـق يـا قاضـي حوايجهـا


تــفـرج لـعـيـن الذي أغفـت بسوهاجـه 00000 تــجـهــز عــلــيــها الطــواري ليـّن تزعجهـا


نـوب سـهـرهـا شـّـديـّـد ونوب نهاجــه 00000 ومــــرنٍ تـــكــن الـدمـــوع ومـرن تزعجهـا


عـليـك يـاللــي بقـلبـي كــن وهــاجـه 00000 وهــاج نــار هــوى الـغـربـي يـسارجهـا


أبـو ثـمــان تـشــاد الـلولـو لـعــاجــه 00000 كـــن الــبــرد يــوم يـضـحـك فــي مـفالجهـا


يا روح روحـي وجرح القلب واعلاجه 00000 الــطـف بـحــال عــلـيــك الـــهــم سـاهجهـا


قـلبـي يـناجيك بسلوب الهوى ناجـه 00000 يــشـكـي لك الـحــال داخــلهـــا وخـارجهـا


أمـا الـتـفـت لـي وتم الوصـل بمواجـه 00000 والا بــــلا عـشــرتـن هـآذي نــتــايـجــهـا


 

Plato

عضو فعال

لا أحب قصائد الغزل ، اهديكم قطعة من الشعر الحقيقي ،، إذا قالوا شعر ،،
سلطان الهاجري

واهنـي الصخـره اللـي مايحرقهـا سـمـوم

الزمـان اللـي يهـد الـعـزم مــا هـدهـا



الزمـان الـلـي تـحـدا قويـيـن الـعـزوم

ليـن مشـاهـا عـلـى ود مـاهـو ودهــا





والمجامل بعـض الأحيـان مـا يقضـي لـزوم

لابـو النفـس الضعيـفـه ولابــو جـدهـا





ميـر تجبرنـا العوايـد وتجبـرنـا السـلـوم

نكتـم الأســرار يالـيـن تـاصـل حـدهـا





الـردي لا طـاح جعلـه يطـيـح ولا يـقـوم

بـاح سـده والنشامـا مــا بــاحت سـدهـا





كل ماكبـرت وضاقـت علـى عيـال الرخـوم

نحتـزم لأكـبـر مصيـبـه ونـاطـا خـدهـا





جعل قسمي عنـد ربـي مـن خيـار القسـوم

واحــد يعـطـي العـطـايـا ولا يـرتـدهـا





ياعيـال آدم وحــوا تـراهـا مــا تــدوم

دورة الأيــــام لابــدهــا لابــدهــا





ياوليـد الـبـط وشـلـون ماتـقـدر تـعـوم

وانـت ابـوك يعـوم جـزر البحـور ومدهـا





وانـت ياحلـم حلمتـه مهـو مثـل الحـلـوم

ياضحيـة مـزح الأحــلام مــدري جـدهـا





ادري ان فالنـاس معطـى وفالنـاس محـروم

ايــه يابـيـض الـنـوايـا ويامـسـودهـا





وياضميـري لا يهمـك مـن الدنيـا هـمـوم

الصعيـبـه حلـهـا والبسـيـطـه عـدهــا





جات في سد الشـوارب وفـي سـد الخشـوم

كبـر الضيفـه وعـش الضـيـوف وغـدهـا





والمـراجـل ماتـوفـى بضافـيـة الـهـدوم

كـود بسيـوف يـشـوق النـواظـر حـدهـا





والـردي لـو درس المرجلـه فـي كـل يـوم

المراجـل عـنـد اهلـهـا يـذعـذع نـدهـا






يعتبـر قسمـه مثـل قسـم زاهيـة الـرقـوم

يـوم تكحـل رمشـهـا والـقـرون تكـدهـا





ماكسبـت الا رضـا اهـل النمايـم والعـلـوم

يارسـول الحكـي هــات العـلـوم وودهــا





الصفـوف اثنيـن هـذا دفــاع وذا هـجـوم

وانت اظنـك لانـت معهـا ولا انـت بضدهـا





شرهـة الطيـب تـعـداك للـغـوج الـعـزوم

وانـت صلفـات المشاريـه ماانـت بقـدهـا





وانـت فـي سـود الأظلـه تريـح ومخـدوم

وان ذبحـك الجـوع كـد التكـاسـي كـدهـا
 

SAAD.SAAD

عضو ذهبي
شكرا على مرورك اخوي Plato ومشاركتك الشاعر سلطان الهاجري من فحول شعراء النبط له بصمه واضحه .
 
مشاركتي للشاعر الكبير لافي حمو الغيداني الحربي


يامكثرين الهرج لااسمع ولااجيب = تريحوا من فضلكم واسمحوا لي
تريحوا لاتلحقون المشاهيب = على الردى ماني شفوق عجولي
بالعقل والصبر ادب النفس تاديب = والا لها مده تصول وتجولي
خلج ترازم في سياج المحاديب = مافيهن اللي بالعقال معقولي
اشد وطية زور من شمخ النيب = اليا ضاع مفعو ل الحيل والحلولي
انا لاقلت ارتب القول ترتيب = حتى يجي كي على فك قولي
اليا ارسلت لافكار القريحه مناديب = ترايعن من عقب ماهن جفولي
لكن مالي من وراها مكاسيب = لو كان عشاق القشر صفقوا لي
مامستفيد الا العدو والاجانيب = ولاني مطيع مقرقعين الطبولي
خليتها تعطي فجوج مجاديب جرب = اتجود في رسنها مهبولي
والله لااجنب دام لي درب تجنيب = من شرهة حشام الرفاقه خجولي
لو انها بين النحر والتلابيب = من الحيا وجهي مهوب مغسولي
طبع لنا نشب عليه ونشيب = وطبيعةٍ لعلها ماتزولي
على الجماعه للجماعه مواجيب = الا جهلوا قدر الرفيق الهتولي
ماني على ربعي قريب محاضيب = ادناة مايخليني اسرج خيولي
ان جات من طيب شقاها على الطيب = لو انها اعوج من رقبة الذلولي
وان جات من مسكين منطق واساليب = حطيتها بين الثرى والنعولي
لاحركت شعره ولاطلعت شيب = ولاضيقت صدري ولاطق جولي
وان كان في صبري على ميلهم عيب = العيب تفتيش الصرر والحثولي
لاقمت تذكر في رفيقك عذاريب = وتبين عيوبه لذولي وذولي
صبرك على ربعك علاج وتطابيب = يقصر حبال السالفه لاتطولي
حتى مايلقا في طرفها مقاضيب = كراه خير وللمشاكل ميولي
واليا بليت بتايه شره وصعيب = يقول انا العراف وانت الجهولي
قل الله الله ياحصان الاطاليب = يالفاهم العالم عطيب الفعولي
هذا الكلام اللي مافي صحته ريب = لانيب لاحولك ولانتاب حولي
حصان وبن حصان طيب مجاذيب = وبالمعرفه رجل محلي ودولي
خله يروح يخطي الدرب ويصيب = يقول مابالناس عرضي وطولي
والفرق ماهو باللحى والاشانيب = الفرق بين الناس فرق العقولي
كم واحد تحسن به الظن ويخيب = السن يضحك والفواد معلولي
واللي غدت به كلمة مالها غيب = ماهو من اطيب ربعي اللي غود لي
يالله عساها صيحة في قفا ذيب = وقلع النيا بيني وبينه يحولي
الرجل مايغصب على الطيب تغصيب = اليا صار ماهو دل ضمن الدلولي
ومن عادة اللي طيبه يحضر ويغيب = لاطالت الرفقة زهوق ملولي
واليا بلنك غبر الايام بصحيب = في مستوى طيبه صعود ونزولي
اعرف ترى الدنيا دروس وتجاريب = والكامل الله والنقا للرسولي
لاتصير مشذاب يقص العراقيب = خله وراع الاوله وش يقولي
اخذت حكمه من كلام اللواعيب = للطيب ناس وللعذارى فحولي
 

SAAD.SAAD

عضو ذهبي
شكرا اخي الحريه لافي الغيداني شاعر رائع وله من الرديات مع الشاعر الهاب الحربي : وللغيداني بيت ..
ياوجود القلـب ياشوفتـه عقـب البطـا = وجد من عذب ولدها بسجن ( ابو غريب)

حطه الله تحت رحمـة سكـارا والقطـا = الجنود اللي على صدورهم رمز الصليـب

 

SAAD.SAAD

عضو ذهبي
الشاعر الكبير محمد خلف الخس : او البستان كما اسماه الملك عبدالعزيز طيب الله ثراه




. لولاك يالورع الصغير الفروعي

========== ماجيت لك من نجع أهلى متعني



. ياصغـّـير الانهاد طيرت شوعي

========== دايم ورجلى يمكم ماتوني



. لي هرجتك لو هي قليلة قنوعي


========== لو كان هرجك يسلب العقل مني




. حبك تخلخل في مثاني ضلوعي

========== حتي بنوم الليل ماغبت عني






. وإن غبت عني يامليح الطبوعي

========== قامن دواليب الغرام يحدني




. فزيت ثم قامت تماطر دموعي


========== مثل الخرز من رشهن يمطرني






. وأقنب كما ذيبٍ عوى عقب جوعي

========== واليا عوى معه الضلوع يعوني





. لاقام يقنب في طويل الفروعي

============ لاشاف مخلوقٍ ولا شاف جني




. أرضٍ خلا مابه من الناس دوعي

=========== إلا الفجوج الخاليات يهوني





. الذيب يقنب ماحصل له متوعي

============ وأنا بلاى اللي بحبه محني




. راعي جديلٍ فوق ردفه شروعي

=========== ذيل أشقرٍ شاف السبايا تعني




. لاشافني زعلان ماعاد يوعي

============ ذولي مقابيلٍ وذولي يجني




. يقول أنا لك شايمٍ من ربوعي

============= واقول مافاد الحكي والتمني




. ماأنت متهى لى لو أحب كوعي

============ دونك حجاجيرٍ تحن وتوني




. إلا يجيبك من يجيب الرجوعي

============ مخلي الفياض الممحله يخضرني





. أو يأمر الله من يقود الجموعي

=========== عبدالعزيز الفيصلي يمتكني





شعـــــر : محمد خلف الخـس


.
 

SAAD.SAAD

عضو ذهبي


قصيده وهي لشاعر الاسير الشهيد : محمد المطيري

واتمنى انها تحوز على اعجاب الجميع ...



قال الوداع وقلت دربك تساهيل ... قلبٍ خذيته يا أريش العين رده

ودعتها ودموع عيني هماليل ... ومنديلها عيت أيديني تهده

قالت اذكرني بالليال المقابيل ... ذكرى تذكرك الهوى والموده

ذكرى يسولفها جيل على جيل ... يقولها ودمعه ،، يسيل لخده

وقامت تناظر لي عيونٍ مضاليل ... سيفٍ على قلب المولع تحده

وسود الجدايل كنها داجي الليل ... متسرسله من فوق صدره وقده

راعي ثمانٍ مرهفات كما الهيل ... خشفٍ يشارك بأوسط القلب وده

غديت أنا عقبه بدنيا المهابيل ... وسط البحر ضايع بجزره ومده

في نومتي ،، في صحوتي بالتعاليل ... في فرحتي في دمعتي المستجده

اذكر انا طيفه وذيك المواصيل ... يوم الحبيب صاملٍ في مرده

واذكر أنا يومه ،، يشر بمنديل ... وباب الفرح من بيننا ما يسده

في ذكرها هليت دمعي كما سيل ... من موق عيني سايل للمخده

فزيت أنا من مرقدي فاتر الحيل ... وطلبت ربي لا يطول بصده

من دونها ما اعيش لو قيل ما قيل ... يومن قلبي ،، بين اليوم سده



الشاعر الأسير : محمد المطيري

 

Q8 FOR EVER

عضو فعال
الشاعر سعد علوش بهذه القصيده


أن كنت أنا أخطي شي طبيعي لان أنا مانـي نبـي
محدن عصمه الله من الاخطـاء .. كـون الانبيـا

فعلا أنا أخطي بس ضـوّي ماتشـب الاّ أحطبـي
أطمح ولولا الليل .. محدن شـاف فايـدة الضيـا

أمشي ولو أموت وأنا أمشـي .. ولاكـن ماحبـي
ولا أعشق الصوره . ولا الكربون . ولا أعشق غيا

كل ماتعثّر ؟ قلت في نفسـي وأنـا أمـس شنبـي
ياكـم علـى الدنيـا فقيـر .. ويحسدونـه أثريـا
أبغا أتوحّد وأنت أخذ مزهبـك وأتـرك مزهبـي
كنّا أخويا ومن بعـد مازلّليـت ؟ ماحـن بخويـا

أبعصم رجيلـي عـن دروب السخافـه ياصبـي
لانّي حياوي والدروب السود .. مافيهـا ..حيـا

تعـال وادعنـي وداع الارض للـحـر الابــي
أنا بعللّـي .. وأن دعيتـك ؟ فالعفـو ... للأنقيـا

ماني منادي بسمك . اللّـي .. ماتسمـوااه أجنبـي
فن قلتلك .. يا ؟ .. أعرف أنّي حاشمك لاقلت ..يا

يـا؟؟.. والله وبـالله وبعـد الله وبـي وبسبـبـي
صارت شياطين الحروف المستهيمـه ..؟ . أتقيـا

فن شفتني متعب هجوسي في رسم راس الضبـي؟
ماهو علاشان أكسب أعجابات .. ريمان .. وهيـا

لالا . أنـا مخلـوق مبـدع . مايحـب ومايبـي
ألاّ يقول ؟ أن الاذكيا؟ سبّـة . رسـوب الاغبيـا

من الذكاء؟ أنّـك تسـويّ نفسـك أحيانـن غبـي
بس الغباء؟ أنّك تذيكالـك .. علـى نـاس أذكيـا
 

ليله ويوم

عضو بلاتيني
الشاعر الرائع المبدع عبدالله بن زويبن الحربي



يا مـل قلـبٍ هواجيسـه يسجنـه

هن ودهن كل روضٍ زين يرعنـه

يوم انتهاء كل ما بالخرج والشنـة

شيخٍ صدى صوت نجره كل ما دنه

يرخص خروفه ولا يبخل على بنـه

تريحن وأمرحـن يومنهـن جنـه

راحن بقلبي ولا أدري وين ودنـه

سجيت معهن على فلـمٍ يعرضنـه

ابليس لولاه كـل النـاس بالجنـة

يا شين بعض الأوادم لو ضحك سنه

واللي ليا غبت غوجه للطرد عنـه

هجرت كل الـدروب اللـي يمرنـه

ولو ما أقتدي في كتاب الله والسنة
 

صوتي

عضو ذهبي
خسيـتـي لعنـبـو جــدك ؛ خسـيـتـي والـغـلـط يـنـعـاب
خسيتي واقلبي وجهك ؛ ولا كلمه ؛ولاجابـه

خسيـتـي والـزمــي حـــدك ؛ تـراهــا ضـاعــت الاداب
انا لاطاشت جنوني ؛ يعرف الجاهـل ادابـه

وش المـغـزا مــن الكلـمـه بــلا داعــي بــلا الاسـبـاب
وهرج الكذب والتجريح ؛ قوليلي وش اسبابه

انـا الشـرهـه عـلـي انــي فتـحـت لخافـقـي كــم بــاب
ولكن مثل ماجيتي !!! ترا كبر الجمـل بابـه

خـذي نفسـك مـعـك بــرا ؛ ثــم انقلـعـي بــدون إيــاب
فمان الله ؛ والا اقول :: فمان ابليس واصحابه

تحسبيـنـي عـلـى فـرقـاك ابـنــدم واغـــرق الاهـــداب
انا مبسوط يوم اني ؛؛ طردت الشوم وغرابه

انــا مــا اعـاشـر الخـايـن ولا اسـمـع هـرجـة الـكـذاب
ومثلك قيمته عنـدي تحـت الزيـرو حسابـه

هــذاك الـلـي تحبيـنـه ؛ حـقـيـر و خـكــري ولـعــاب
عاجبك ان قذلته شقراء ويميّل بالشعـر كابـه

صحـيـح انــه حقـيـر و زيــن وشكـلـه للنـسـاء جــذاب
تشّبه بأخته فلانـه ؛؛ ومنهـا الـدم متشابـه

وانـا مانيـب حــرف الـجـر ؛؛ تجريـنـه عـلـى الاعــراب
انا حرف(ن) جزم نفسه ؛ ومثلي يصعب اعرابه

تشـوم النفـس عــن زيـنـك عـقـب مـاطـاح فيـهـا ذبــاب
وانا حر(ن) ولد حر ؛؛ تركت الزين وذبابـه

انـا يابنـت مــن ربــع(ن) لـهـم فــوق الفـخـر مـحـراب
انا من روق ياخبله ؛ وربعي الهيله ( عتابه )

نسـيـا ماكـلـى (عمـهـوج) وكــم روس بـــدون ارقـــاب
رزقك الله بحكم اللي حفظ عمهوج في جرابـه

انــا شـيـخ(ن) ولــد شـيـخ ؛ بـذكـره تنـعـم الانـســاب
اليا قام العرب كلاً ؛؛ يراجع دفتـر انسابـه

ولـد شيـخ(ن) وسـط ربـعـه لــه بـيـن الـرجـال حـسـاب
اليا ضاقت به الارياء ؛ يهز الارض مشعابـه

محنكـنـي عـلـى الطيـبـه مــن يـومـي صغـيـر وشــاب
اجل وش رايك بطفل(ن) دلال القهوه العابـه

تــرى بــدري عـلـى مثـلـك تعـيـب وساسـهـا مـعـيـاب
ياليت اللي يعيبني ؛؛ يحـاول يستـر ثيابـه

انــا لاجتـنـي الـزلـه ؛ مــن الجـاهـل وهـــو كـــذاب
تركت القافله تمشي ؛؛ وراهـا تنبـح كلابـه

وانــا ليـامـن كـشـف ان الـخـوي اصـبــح لـسـانه داب
نزعت السم من عرقه وكسرت بمخلبي نابـه

خــلاص الـيـوم يافـلانـه ؛ كرهـتـك والقـلـوب غـــراب
وترى كل طير(ن) بكبد السماء يشبع مخلابـه

خـسـاره مثـلـك بقـلـبـي تـضـمـه غـرفــة الاحـبــاب
وخساره غلطة العاشق ؛ يحطك اول احبابـه

بعـد هـذا تبيـن ارجــع لاجــل عيـنـك نصـيـر اصـحـاب
خسيتي واقلبي وجهك ؛ ولا كلمه ؛ ولاجابـه
للشاعر: محمد العضياني العتيبي _ والله اعلم
 

SAAD.SAAD

عضو ذهبي

شاعر المليون وحامل بيرق الشاعر المحبوب/ محمد بن فطيس المري

سولفوا تكفون لا عاد تسكتون ..
. . قبل لا أهوجس وياتيني بلاي


السكات يزود طعوني طعون ..
.. وتنكسر لا جا على راسي عصاي


سولفوا لو ما بغيتوا اتسولفون ..
.. قبل لا اقعد في الحزن رايح .. وجاي


واضحكوا لو بالعماله تضحكون ..
.. وجاملوني لو يضايقكم حكاي


لي وليفٍ راح جعله ما يهون ..
.. هو دواي وداي .. أو داي ودواي


راح لكن طيف زوله في العيون ..
. . مرةٍ قدامي ومرة وراي


وإن سكتوا جا وهو طيفه يمون ..
. . رحت أهوجس له وأبين له ولاي


مكسب عيوني من الفرقا مزووون ..
. . تمطر لطاريه .. والبرق ؟ أصدقاي


كل ما طروه لو هم يمزحون ..
.. احرموني من غداي ومن عشاي


أدري إنه ما تناسى الود كون ..
.. تسمع إذنه في قفاي اللسن عداي


وكانهم قالوا نسيته يكذبون ..
. . وإلا أنا فيه أمتلك نظرة وراي


كان حبه لي على خبري مصون ..
. . والله ان كني بقدري .. وبغلاي


ذي بقايا الحب وأطلال الجنون ..
. . والله أعلم في ضميره وش بقاي


غير طيعوني ولا عاد تسكتون ..
. . ولا والله إن أسمعكم بكاااي




 
إلفيه ابن عمار للشاعر محمد بن راشد ال عمار
الفٍ أ ولف من كـلام ِ نظيفـي
ودموع عيني فوق خدي ذريفـي
من لام في حب الحبيّب وليفـــي
ادقـاق رمش العين سيد الخونـدات
خوندات ياللي ما بعد عاشرنـه
قـلـّه تراهن في الهوى يذبحنــــــه
قلبي وقلبك من عروقه خذنــه
عزي لمن مثلي تعرض للآفـــات
=====
الباء بليت بحب خلي علــى ماش
ولاحصل لي منه ما يبرد الجــــاش
غديت أنا وإياه طاســه ومنقاش
بالوصف كني يالمعزي سلامــات
سلامات للذي هم يذكرونـــــه
يبي السلامة منه وهي المعونــــه
يقول طيب مير غارت عيونـــه
سبب ولدكم واحدن صابه ومــــات
=====
التاء تليت الزين والزين مقفــي
أمشي وحتفي ناقله فوق كتفــي
لاشفت مجدول وكتـــف ٍ وردفي
ماقوى التفت لو طوحولي بالاصــوات
أصوات وإن قالوا هبيل ٍ وسايح
طرد المقفي يالمشقى فضايــــح
قلت إيه مير أشواركم والنصايح
مثل المطر فوق السحال المكفــات
=====
الثاء ثمانه حب رمان طايـــف
أو قحويان ٍ في رياض ٍ عطايـف
متنقل ٍ بالزين سيد العفايــــــف
عمهوجة ٍ فيها من الحور شـارات
شارات فيها من ظبي الحمادي
هي لـذة الدنيـا وغاية مـــــرادي
من يوم قفا صاحبي من بلادي
عليه جاوبت الحمامة بالاصـوات
=====
الجيم جاني من عشيري كلامي
ولا لـفـيـنـا من يرد الــســـلام ِ
عليه زرع القلب هايف وظامـي
مالي جدا كود البكاء والتنهات
أنهت على ما فاتني في زمانـي
يـوم الحـبـيّـب زارني فـي مكاني
وراي ماخذت القضاء يوم جاني
توي دريت البيض فيهن غـرّات
=====
الحاء حليّه في الوطن ما لقيتـه
عذلت قلبي عنه ولا قويته
وهو لو يذكـر يم مسكه نصيتـه
أنصاه لو دونه بحـور ومسافات
مسافات لوهي في بحورالظلامي
أووسط بتـّيل ٍ حداه الولامي
وإذاحصل شف وبلوغ المــرامي
صبرت لو طبيت بحر الظلامات
=====
الخاء خليلي صار عندي قـــريبي
جعلي نصيب ٍ له وهو من نصيبي
ودي نواجه نور عيني حبيبــــــي
مار الوحيد لهيد ما فيه نوهــات
نوهات نوهات ٍ غـدت من غثا البال
طول النهار مسِـّيم عمّال بطـّال
وأنا أترجى كل حول ٍ إلى حــال
دنياك هذي ياريش العين نشبات


=====
الدال دامي ما مسكت الذوايــب
لـوقيـل طيب قـلت ما نيب طايب
دنـّوا أستاد القبر وأدنوا النصايب
ودنـّو دواة الحبر نكتب سجـلات
سجلات أريد أكتب بها لي وصيّه
عمري غدى ياوجد أهيّـلي عليّه
قولو لصافي اللون ياقف عليـــّه
أغـديه يرجع وايتحّسف بما فـات
=====
الذال ذا لي عـنه مـدة ليــــالي
لوقـيل طـيب قـلت أنا أبخص بحالي
والله مايطري علي شف بالـي
إلا أنت يا راعي الثمان الرهيفـات
رهيفات فـيها للمشقى طرابـه
مجمول مدلول ٍ ولا به طنابــــه
هني من يـدخـل معه في ثيابــه
وأسـّج أنا ويـّاه في العمر سجـّـات
=====
الراء ردوف صويحبي ثقـّـلـنـه
ونهود للثوب الحمر شلـّعـنه
ومثومن ٍ ماأحلى بياضه ودنـّه
من فوق جسم ٍ فيه من عرق الأرطات
أرطات غرمول ٍ ذرته الـذواري
والله لولا ني على الـترف أداري
لأضوي عليها مثل ذيب الغـداري
جايع وفي ا لـغـابه عياله مجيعات
=====
الزاء زماني شفت منه الهوايـل
لاعاد حظي فـي الغنادير مـايل
الزين لـــو نترك قصير ٍ وطايل
لاشك وين العقل هيهات هيهات
هيهات لوفي العـقـل يا ديـب لبّه
ما كان يتبع واحد ما يحبـه
ليصار قـولي لــه خـريـطٍ بدبـّـه
وش لك بشوفه يالعيون المشقـات
=====
السين سـقـنـامن الدراهم وعـيّـا
واللي نبي من صاحبي مـا تهيّا
يـقـول والله لـو تـحـب الثريــّــا
خذني على السنة تشوف الطرابات
طرابات ينسنك جميع الــدروبي
اغـديك في باقي حياتك تتــوبي
واودع مقرك بين جلدي وثوبي
وتشوف فرق البيض فيهن لـذات
=====
الشين شاب الرأس ياعذب الأ نياب
واللي بطاري توبة ٍ كان قدتاب
لي حاجةٍ يازين بـس إفـتـح الباب
يرحمني اللي عالـم ٍ بالخـفـيّات
يرحمني إني فيك يازين مفتـون
من حبك أسهر والخلايق ينامون
الهيتني عن مذهـب اللي يصلون
ما عاد أميّـز لو قـرآن التحيات
=====
الصاد صيدي يوم ألاوي غريمي
شفق ٍ علي الحبّه ولمس البريمي
مهوب صيدي قلةٍ في الحريــمي
لا شك كل ٍ له مع الناس مشهــات
مشهاتي أنته ياظبيّ الفريــدي
حب العرب ينقص وحبك يزيـــدي
لا شفت زولك ذاك هو يوم عيدي
وتصبح بساتين الضماير مريفـات
=====
الضاد ضد ٍ حال بيني وبينـه
يـقـول هـذا واحـد ٍلا تـبـيـنــه
جعل الوجع يشقيه في صبيّ عينه
يسهر ولا يمرح من الليل ساعات
ساعات جعله ما يشوف الجــدارا
ولايعرف الليل هو والنهــــــــارا
وعساه يوم البعث يحشر حمــارا
ويحمّـلونه حمل الأسراف سيئــات


=====
الطاء طويت الياس والسد باحـي
وما عاد لي شفٍ بظبّي الضواحي
ياعـلـها هـفـّت خفـوق الجناحي
اللي سبوقه فوق رجله مطــوّات
مطوّات وطار في يوم هـبــــّــه
راعيه لو رز اللواء ما ينبـــّــــــــه
طيرٍ قضيبٍ و الحباري غدت بـه
يبي العشاء من بين فخـذٍ وثـنـدات
=====
الظاء ظمانه لا تعـاشرلك إثنيـن
لازم تخلىّ عشرتـك يامسيكيـن
ما خبر يجمع في المرابط حصانين
يجي لها هز ٍ ودز ٍ وصقـلات
صقلات يصقلها إلى أ دنوا طعامـه
يجي لها مع المعيشه بحامه
إسمع كلامي يالهـبـيـل الـفـدامــه
إلى جمعت الحصن فالحصن خطـرات
=====
العين عـمـّن ينقـل الهـرج حذرا ك
تراك كـنـك ناقـل ٍداك بــرداك
وإلى سمع له هرجة ٍ مـن حكاياك
يحطها كبر القصـور المبنـّات
مبنـّاة مبنـّاة كبر خشم الغرابـــه
ويكدّر المشروب عقب الطرابـه
وهـو يشابه بومة ٍ في خرابــــه
لا ناقل الهرجـه ولا كفو هرجات
=====
الغين غاب العـقـل بأول شبابـــي
وأدميت من تلعات الأرقاب نابي
واليوم شاب الرأس والكيف طابي
ماني على الفايت كثير الحسوفات
حسوفات لاتحزن على اللي مضى منك
أيضاً ولاتفرح على اللي يجي منك
ماأدراك وش موجب سبب صدته عنك
ناهيك والي العرش رب السموات
=====
الفاء فـؤاد ك لا تـولـيـّه حـسـّاد
واحذر يجي لك مع هل الشر مقعـاد
إهرج وكنك عن جميع العـرب صادّ
ثم إعتبر بالذيب يضوي بغرات
يضوي بغـراتٍ وهم ما دروا بــه
واللي يوقف في المحاري هقوا به
كم واحدٍ وقـّف ولا قضي نوبــه
يهـوي إلى شاف اللحم كنه حــدات
=====
القاف قل للي يريــــد النواميس
اللي يبي طرق الهوى يرخي الكيس
وإلا بذلت النفس والكيس وإبليس
يطيح ناس ٍيدّعـون الديانــات
طاحوا وصاروا للخلا يق علاجــه
يلقى بهم راعي الهوى قضي حاجـه
وإلا نثرت الحب جـتـك الدجاجــه
حاضت وباضت لو تبي عشر بيضات
=====
الكاف كنّ السدّ في كل الأحـوال
واحفظ لسانك لايقولون ذا قـال
حتى تجي عند العرب خوش رجـال
لا جيت مجلسهم نواظرك صقـرات
صقرات لا تجلس مـع اللي يشاكيك
هو داء دواك وتحسب إنـه يداويك
ياديب كان الله على الرشد هاديـك
إكتم كلامك بالضلوع المحنــّـات
=====
اللام ليت العمر ينكس لحلـــّــه
قيمة ثلا ثين السنة هي محلـّـه
الرجل قبل الشيب يا حلو دلـــّـه
ولا لاح فيه الشيب ما فيـه لذات
مافـيـه لـذات ٍ ولا يرغـبـونـــه
لو حط له ردن ٍ وكحل عيونــــــــــه
أهل الهوى عقب الغلا ينكرونــه
لوهو مصافيهم على فايتٍ فــات
=====
الميم ما غـيري من الناس جـرّب
ولاهو بمثلي في حياته تطـرّب
لاويت صافي اللون فوق المضـرّب
كن العدو عني عيونه مداوات
مداوات جعله ما يجي لك عـبــاره
واللي بصد ٍ عنك وش لك بكاره
الحذر مايـاطـا بوسط الخبــاره
لازم يجي فيها عقارب وحيـــات
=====
النون نام الحظ ولا فيه حيلـــه
عيا يباريني وأنا أزريت أشيلــــه
من يوم فارقني عريض الجديلـه
قام ايتكسر في حشا الصدر عبـرات
عبرات ضيـّقـن حـنـايا ضلوعـي
عليك يا خلي حسين الطبـــــوعِي
والـلـه ما جفت محاجر دموعــي
دايم عيوني في مهاواك سهـرات
=====
الهاء هواي السابعة يالفطينــي
والثامنة ياللي تعرف الرطينـي
مخفية ٍ ما ودي لضدي يبينـــــي
والتاسعة تحصاه بأعداد الأميــات
أميات مات القلب من كثر همّـي
وأشكي عليك الحال يا ولد عمي
أنته عضيدي وأنت لحمي ودمي
ترضاه يجفاني ولاني بمجفــات
=====
الواو ويل أهل الهوى من هواهـم
كان الذي قد سم حالي وطاهـم
كم ليلة ٍ يصبح غـبـيـبٍ عـشاهـم
إلا لقيمات ٍ مع الحلق مـــــّرات
مّرات لين أقضي من الترف شفـي
وأوسده عضدي وزندي وكفي
وأكشف عن اللي بين ٍ وأمتخفـّي
ثم ٍيجي للزاد والشرب لــذات
=====
لملف حبه صلف ومراقده كلـف
لو هو يتمم مطلبي كان أقول ألــف
حيثه صديق ٍمن قديم ٍعلى عـرف
وإلا فغيره لو يبي عشر بيـزات
بيزات ما أفـّـلها لغـيـره بلا شي
من جنس رأس الظبي ما أبي عراشي
إلا لمن ما يه عـلى ماه مــاشي
هذاك من يمه فـلوسي رخيـّـات
rose.gif
rose.gif
rose.gif



 

SAAD.SAAD

عضو ذهبي
يامشعان المطيري ذكرتني في هذي الأغنيه من اجمل الاغاني التي سمعتها في الثمانينات
 

Goethe

عضو مخضرم


* لايمر الشعر دون قصائد هذا الكبير ..

فهد عافت

ياعلي لاالشعر عبـدي ولا هـو سيـدي
صاحبي له من جنوني ولي مـن منطقـه
مايخون الطيش والملـح ياكـود الـردي
له علي ان ماسبقني على الطيب اسبقـه
والله اني من عرفته وانا ابشـر بسعـدي
كل حزنٍ يفتـح ابـواب حسـنٍ مغلقـه
والله انـي ماذخـرت لمعانيـه جـهـدي
ذمنـي ولا مدحنـي مـن يقـول سرقـه
اعشق من الشعر كله عيونـي ورمـدي
واعشق من الكل بعضي اذا الصمت انطقه
واعشق من الليل الاظلم وأشوف السرمدي
قـدر قـرمٍ بيـض الله وجهـه بصنقـه
واعشق من الصبح الأكسل نسيم وفي يدي
دفترٍ يهـدي العصافيـر لحظـه مورقـه
وأعشق من الصحبه أم البساط الأحمـدي
لاتهيّت وأعشق من العسـل طلبـة ذقـه
وأعشق من الوقت وقتي لابوي ولاولـدي
وأعشق من الناس كلٍ على قـد اعرقـه
ياعلي والشعر عبـدي وعبـدي سيـدي
أعمق الشعر أبسط الشعر وأبسطه أعمقه
في الحنايا خيـل ترمـح وخيـال يحـدي
وفي المرايا ألف بحـر يتلعثـم بأزرقـه
ياكثر ما اذكر من الناس لاصرت وحـدي
من نسونـي ونسونـي بكـذبٍ مصدقـه
كل وعد لي مع اللـي يخونـون وعـدي
يالبناخي بعض طيب أقهره باللـي خلقـه
لـو تهيـا للطريـا سـويـا مـاغـدي
مزبن الذهيـب ممـراح خاينـت الثقـه
يقنب النسيان الأمعـط بروحـي ويعـدي
كل ليلـه فـي فياضـي والا الله يرزقـه
السهر ، ماهو بهـذا السهـر لايابعـدي
السهر شفنـي تعرفـه وشفنـي تزهقـه
كل جفنٍ من جفوني غدى بيـت أجـودي
لاتقظب فيـه عبـدٍ مـن الليـل أعتقـه
ليت لي قدره على الثـار تكفـا ياسنـدي
من حبيبٍ طشـر القلـب مليـون ورقـه
مارماني خطرتـن لجـل يرضينـي ودي
نيشـن الفرقـا هنيّـا تمركـا بنـدقـه
وانتهى مستسهل سهيل يستجدي الجـدي
مابقى غيـر اليبـاس بعيـون مغورقـه
كم تكحل عاذلي وانعمـى مـن مـرودي
يـوم قـال العيـن بالعيـن مالله وفقـه
قلـت والله دام قفـى وظليـت وحــدي
لاتركه في داخل القلـب محـدن بشنقـه
ياعلي كلي نهايـات مـن ويـن ابتـدي
ياعلي كله بدايـات مـن ويـن اعشقـه
له عيون ولي ضلالي بهـا ليـن أهتـدي
ولي عيون وله علي البكا ليـن اغرقـه

فهد عافت

:وردة:
 

SAAD.SAAD

عضو ذهبي
شكرا يالجنازه على مرورك واتمنا تزودنا في قصائد المرحوم طلال الرشيد التي لم تنشر
 
أعلى