سؤال وجواب استفسار عن مرافق مريض

[Librax]

سلام عليكم

عندي استفسار هل مرافق المريض يتم اخذ من اجازاته السنوية في حال انه رافق مريض بالخارج للعلاج

وشكرا

 

[adilalroh]

لا توخذ من الاجازه السنويه( الدوريه)
تاخذها اجازه مرافقه مريض( استثنائيه)
لاكنك ستطبق المده في نهايه الخدمه.. يقصونها منك ولازم تداومهاااا

 

[Modest]

تخصم من رصيد اجازاتك ...

 

[Librax]

يعطيك العافية كل واحد رده عكس الثاني ... شنو الصحيح

 

[تفائلوا]

تخصم من رصيد اجازاتك ...

لاتخصم من رصيد الأجازات​

 

[Librax]

من يعطينا العلم الأكيد !!

 

[adilalroh]

من يعطينا العلم الأكيد !!

جاك العلم
-------------------------

 

[Modest]

تخصم من رصيد اجازاتك لغاية ما ينتهي الرصيد وتكمل مرافق مريض لمدة 6 شهور وبعدها لازم ترجع الكويت وتباشر عملك ..

باجر داوم واسل الشئون الادارية ..

 

[عطوا سدحان فرصه]

لاتخصم من الرصيد

وتعتبر اجازة استثنائية مدفوعة الأجر كدعم من حكومة دولة الكويت لمن يرافق المريض المبعوث على حساب دولة الكويت

وتعتبر الاجازة سارية للمرافق طالما المريض مازال مرسلا للعلاج بالخارج على حساب الحكومه حتى تاريخ رجوعه للكويت وانتفاء فترة العلاج!

 

[Librax]

تخصم من رصيد اجازاتك لغاية ما ينتهي الرصيد وتكمل مرافق مريض لمدة 6 شهور وبعدها لازم ترجع الكويت وتباشر عملك ..

باجر داوم واسل الشئون الادارية ..

لاتخصم من الرصيد

وتعتبر اجازة استثنائية مدفوعة الأجر كدعم من حكومة دولة الكويت لمن يرافق المريض المبعوث على حساب دولة الكويت

وتعتبر الاجازة سارية للمرافق طالما المريض مازال مرسلا للعلاج بالخارج على حساب الحكومه حتى تاريخ رجوعه للكويت وانتفاء فترة العلاج!

هذا الي خلاني اسئل بالشبكة لان كل ما اسئل اجد احد هل اجابتين

شسالفة يا شباب مافي قانون واضحة بخصوص هل مسئلة !!

 

[شارلوك هولمز]

انا كنت مرافق مريض

و كنت اعتقد انهم يخصمون من رصيدي اجازاتي

فلعبت برصيدي قبل لا اسافر

وقلت تونس بالرصيد قبل لا يطير على الفاضي لان بطول في السفر

المهم رديت ما خصموا يوم واحد من رصيد اجازاتي الي بقت

ومرافق المريض له اجازه استثنائيه من الدوله لغايه سته اشهر

بعدها يخصم من رصيد اجازتك
​

 

[Modest]

مواطن خمس نجوم ..

متى كنت مرافق مريض بالضبط ..؟

انا خلاص سنة عندنا احد الزملاء طلع مرافق مريض وخصموا من رصيده ..

القانون اعتقد صارله سنة او اقل ان يخصم من رصيدك وتكمل لغاية 6 شهور سواء عندك رصيد او لا ..

بس بالاول يبدأ الخصم من الرصيد ...

 

[Librax]

بضبط اخوي اعتقد القانون صار له سنتين والشباب حسب خبرتهم السابقة

بس لحدن الأن مافي شي مؤكد ولا واضح

 

[شارلوك هولمز]

هالحجي يا الطيبين

2007

وعذرونا اذا صار تسلل بعد هالسنه

ترى غلطه حكم ما هو غلطه حكيم ​

 

[Modest]

انا متاكد لولا كلام الزملاء ..

باجر اعطيك الخبر الاكيد باجر ان شاء الله ..

 

[سعود المحمد]

اترك هالحجى كله تؤخذ من رصيد اجازاته وان يبقى خارج الدوله بموجب مرافق مريض يعطى مده استثنائيه بعد انتهاء مرافق المريض ويزود بصوره للجواز وبختم دخوله للبلاد

 

[Librax]

اترك هالحجى كله تؤخذ من رصيد اجازاته وان يبقى خارج الدوله بموجب مرافق مريض يعطى مده استثنائيه بعد انتهاء مرافق المريض ويزود بصوره للجواز وبختم دخوله للبلاد

مافهمت كلامك اخوي يعني ياخذون من رصيد اجازاته الدورية اولا لحد ما تخلص ولا شلون

وبعدين ليش زعلان

 

[سعود المحمد]

مافهمت كلامك اخوي يعني ياخذون من رصيد اجازاته الدورية اولا لحد ما تخلص ولا شلون

وبعدين ليش زعلان

اى يبا وعقب مايخلص من رصيدك يعطونك اجازه منهم
ومعصب لان كل واحد من الاخوه يفتى لخلق الله ويورطهم
ترااا مولازم الواحد يفهم بكل شى او شرايك

 

[Librax]

انا متاكد لولا كلام الزملاء ..

باجر اعطيك الخبر الاكيد باجر ان شاء الله ..

الله يعطيك العافية كافي متابعتك للموضوع

 

[Modest]

اخوي صاحب الموضوع ..

يخصمون من رصيد اجازاتك لغاية ما تنتهي وبعدها يكمل واقصى حد له 6 شهور من تاريخ مرافقة المريض سواء عنده رصيد او ما عنده او حتى لو عنده وخلص ..