مسخرة مستشفى الجهراء

الحالة
مغلق و غير مفتوح للمزيد من الردود.

ستالايت

عضو بلاتيني
داخل مستشفى الجهراء التدخين بعد الإفطار على "ودنوا"، وعند دخولك المستشفى يستقبلك موظفو الاستعلامات بـ"سجايركم" التي تسبب الغيوم في الغرفة الزجاجية، وفي الممرات الزوار يدخنون دون حسيب ولا رقيب، وأبشركم بعد شرطة المستشفى "طايحيله سجاير" بعد، كل هذا يحصل وإدارة المستشفى إما خارج منطقة التغطية او "نايمة بالعسل"!
 

شـاعري

عضو مميز
الله يجزاك بالخير على هالملاحظة

انا كان لي قريب قبل فترة بنفس المستشفى وكان معاه مرافق ومره من المرات بالليل نايم قعد من ريحة التدخين طلع برى الغرفه ولا واحد بالجناح بنص الليل يدخن ومأذي المسلمين والمرضى

قاله ياخوي ما لقيت الا هني تدخن ؟ قال شسوي مقفلين الجناح !!!

وقاحة ولا لا مبالاة ولا شنو بالضبط !!! ناس ما تستحي ولا عندها احترام

والامن المصريين المساكين وربي مو قادرين يسوون شي ابد ولو يقولون كلمه ينطقون ولا في رادع

شنو الحل ؟؟؟؟ يااخوان اللي تشاهدون الموضوع نبي فكره او حل منكم

واضم صوتي لصوتك


جزاك الله الف الف خير على هالملاحظه
 

YMDYee

عضو مميز
معقوله بس مستشفى الجهراء؟

اتوقع كل مكان بالعالم مو بس بالكويت او بمستشفى الجهراء بعد الفطور يازين الزقاره

والمرضى اغلبهم بعد يدخنون

ما أيد الغلط بس هذا الواقع وكلها جم يوم ولا تضايقون المدخنين ما ارضى عليهم وندعيلهم الله يعينهم
 

ستالايت

عضو بلاتيني
الله يجزاك بالخير على هالملاحظة

انا كان لي قريب قبل فترة بنفس المستشفى وكان معاه مرافق ومره من المرات بالليل نايم قعد من ريحة التدخين طلع برى الغرفه ولا واحد بالجناح بنص الليل يدخن ومأذي المسلمين والمرضى

قاله ياخوي ما لقيت الا هني تدخن ؟ قال شسوي مقفلين الجناح !!!

وقاحة ولا لا مبالاة ولا شنو بالضبط !!! ناس ما تستحي ولا عندها احترام

والامن المصريين المساكين وربي مو قادرين يسوون شي ابد ولو يقولون كلمه ينطقون ولا في رادع

شنو الحل ؟؟؟؟ يااخوان اللي تشاهدون الموضوع نبي فكره او حل منكم

واضم صوتي لصوتك


جزاك الله الف الف خير على هالملاحظه

لازم نطبق نظام السعودية حملات ضد اي جهة يوجد فيها فساد مهما كانت الجهة

تحياتي لك
 
السﻻم عليكم يا اخواني لفت نظري موضوعكم عن مستشفى الجهرا ﻻني في بداية رمضان كنت ازور وحده من قريباتي قطها سوء الحظ للسكن في منطقة سعد العبدالله .
صدقوني انه وحده من الحريم راده لهم سريرهم الي ايحطون فيه الطفل تدرون ليش ؟
ﻻنه كان مع طفلهم في السرير ازهيوي اي صرصور اتصدقون معقول هشي ايصير في مستشفى في ديره تحترم نفسها انا لله وانا اليه راجعون .
وبصراحه شخصيا انصدمة يوم شفته شنو هذا وين اعضاء اﻻمه مالوت الجهرا والله حرام تعيدون انتخاب واحد منهم وانتو تتعالجون بهلمكان وسامحوني لو طولت او عكيت
 
مشكلة الجهراء ادارية
الأطباء والممرضين وجميع الطاقم الطبي يعملون بجهد وللأمانة خدماتهم تحسنت وممتازه لكن المشكلة بالموظفين
يجب ان يكون هناك ادارة اكادمية وتعمل وفق خطوط مدروسة
هذا الكلام ليس مدح بل واقع ملموس بحكم مراجعاتي المستمرة للمستشفى واخرها اجراء عملية جراحية
الوضع اختلف منذ ان تولى الروضان الصحه رغم الفترة القصيرة الا انه هو والنائب السابق القويعان خففو على الكويتيين وعلى الأطباء بفتحهم العيادات المسائية للكويتيين
الأطباء بشر والجهراء بها اكثر من 400 الف نسمة ولكم ان تتخيلو
 

ستالايت

عضو بلاتيني
السﻻم عليكم يا اخواني لفت نظري موضوعكم عن مستشفى الجهرا ﻻني في بداية رمضان كنت ازور وحده من قريباتي قطها سوء الحظ للسكن في منطقة سعد العبدالله .

صدقوني انه وحده من الحريم راده لهم سريرهم الي ايحطون فيه الطفل تدرون ليش ؟
ﻻنه كان مع طفلهم في السرير ازهيوي اي صرصور اتصدقون معقول هشي ايصير في مستشفى في ديره تحترم نفسها انا لله وانا اليه راجعون .
وبصراحه شخصيا انصدمة يوم شفته شنو هذا وين اعضاء اﻻمه مالوت الجهرا والله حرام تعيدون انتخاب واحد منهم وانتو تتعالجون بهلمكان وسامحوني لو طولت او عكيت
المفروض يكون في تحقيق عاجل على الموضوع
والمفروض تطير روس ( يعني كراسي لا تفهموني غلط ) بعد معرفة المسؤولين عن مصيبة ازهيوي
لا حول ولا قوة الا بالله
بلغت الاستهانة بارواح الاطفال الابرياء

تحباتي لك
 

ستالايت

عضو بلاتيني
مشكلة الجهراء ادارية
الأطباء والممرضين وجميع الطاقم الطبي يعملون بجهد وللأمانة خدماتهم تحسنت وممتازه لكن المشكلة بالموظفين
يجب ان يكون هناك ادارة اكادمية وتعمل وفق خطوط مدروسة
هذا الكلام ليس مدح بل واقع ملموس بحكم مراجعاتي المستمرة للمستشفى واخرها اجراء عملية جراحية
الوضع اختلف منذ ان تولى الروضان الصحه رغم الفترة القصيرة الا انه هو والنائب السابق القويعان خففو على الكويتيين وعلى الأطباء بفتحهم العيادات المسائية للكويتيين
الأطباء بشر والجهراء بها اكثر من 400 الف نسمة ولكم ان تتخيلو


الى متى هذي السلبية ؟؟
الى متى والكويت في انحدار في كل الميادين ... الا القطاع الخاص اللي من ازدهار الى ازدهار
اقصد القطاع الخاص القلة اللي مصالحهم تسوى الشعب كله( مو اللي عنده جم سهم بالبورصة )
انحدار المستوى الصحي الحكومي = ازدهار القطاع الصحي الخاص حتى لو ردي
للاسف هذي هي المعادلة الصحيحة

تحياتي لك
 

ابو سعود

عضو ذهبي
يعنى فرضنا منو المفروض يمنع المراجعين من التدخين ؟

صدقنا الموضوع ثقافه لا اكثر الناس موراضيه تلتزم بالقوانين

لو اى موضف طلب من اى مراجه انه يطفي زقارته راح يتهاوشون ويصير فيها اعتداء بالضرب

اذا ممنوع الزياره على المرضى والناس للساعه اربع الفجر تلقاهم مبسطين بالممرات وكركره وتدخين وسوالف

يا موعد خلها على الله منت مغير ناس تعودت مخالفة اللوائح والنظم
 

الشاعر

نائب المشرف العام
طاقم الإشراف
23. لإدارة المنتدى الحق في حذف أي موضوع يكون عبارة عن سؤال قصير أو موضوع لا يتجاوز ثلاثة أسطر وطرحه ضعيف.

- مُغلق

 
الحالة
مغلق و غير مفتوح للمزيد من الردود.
أعلى