درس اليوم : لا تكذب على والدتك ...

[وطني حر]

درس اليوم




أم لبنانية راحت تزور ولدها سام لمدة 3 أيام في لندن وين ما يدرس


شافت إن ولدها ساكن مع فيكي .. هذي بنت متشاركه معاه بالغرفه .. زميله بالغرفه


ما عرفت شنو اتسوي بس لاحظت إن فيكي اللي متشاركه مع ولدها بالغرفه وايد حلوه و جذابه


فـتوقعت ان في علاقة بينهم اهمه الاثنين و هالشي خلاها تحس بالفضوووووول الشديد


سام قدر يقرا أفكار أمه و تطوع و راح قال حق أمه : أنا عارف شاللي قاعده


تفكرين فيه , بس حبيت أطمنج


إن انا و فيكي مجرد زملاء متشاركين بالغرفه لا أكثر ولا أقل
الأسبوع اللي وراه .. فيكي راحت قالت حق سام : من يوم أمك سافرت عنا


و انا مو لاقيه الطاسه الفضيه مالت الشكر .. تعتقد أمك خذتها معاها ؟


سام قال : أشك بهالشي , بس خليني أدزلها ايميل عشان أتأكد


قعد و كتب الإيميل حق أمه :


أمي الحبيبه


أنا ما أقول إنج (خذيتي) طاسة الشكر الفضيه من بيتي .. و انا ما أقول إنج (ما خذيتيها) بس


الحقيقه إن الطاسة الفضيه


مالت الشكر ضاعت من أول ما رديتي بيروت


تحياتي … سام


بعد جم يوم وصل له رد أمه على الإيميل و الرد يقول :


عزيزي سام


أنا ما أقول إنك (تنام) مع فيكي .. و انا ما أقول إنك (ما تنام) معاها ..


بس الحقيقه تقول إن لو هي صج تنام في فراشها الخاص جان لقت طاسة الشكر الفضيه


عليه من أول ما رديت انا بيروت


تحياتي … أمك


-


-


-


درس اليوم:



لا تكذب على والدتك..​

 

[كرستال]

خوش درس فعلا حبل الكذب قصير والصدق منجى وفضح نفسه بنفسه

 

[الفضلي]

والله لو حبل الجذب بهالقصر جان ماشفنا أحد يجذب.....وعلى العموم المسكين خوينا سام طاحت عليه امه......واللحين يا اخواني لازم نتعلم درس هو إذا ضاع شي من عندك لا تسأل امك عنه