احذروا بنك الخليج

خلك طبيعي

خلك طبيعي

عضو بلاتيني
قبل شهر خصموا علي 280 دك
حين استفسرت قالوا انت تجاوز الحد للماستر كارد؟؟
مع ان الماستر ما اقدر اتجاوز حدها متيته على رقم
من أصدرتها وهم تخصمون كل شيء بوقته وانا معاهم صاحي
ما أذكر يوم طوفت وشدعوه اقدر اطوف
وين طلع هذا المبلغ المطلوب؟؟
قالوا قبل سنتين المفروض نخصمها والسب يرجع للماستر نفسهم
هم ابلغونا الحين
طيب من فاضي يروح للماسترد ومقرها يقولون في البحرين واذا رحت لها من يضمن لي انهم مو متفقين النص بالنص والماستر كلش مو يهود
وشيضمن لي ماتكرر هالحركة
بذمتكم شفتم نصب مثل هذا عيني عينك
المشكله انا صاحي معاهم
وبعدين شلون اتجاوز الحد
حامض على بوزي اتجاوز الحد
قسم بالله نصابين
وكل 6 أشهر طالعين بشغله مره مية فلس و مرة دينار مره 10 وانت اللي ماشي
بنك نصب بشكل واضح
كلمت الموظف وضيقت عليه بالحجه قال والله مادري
وقال ترى المكالمه مسجله !!!
قلت له واذا مسجله انا ما تفلت بوجهك او قلت يابن ال
وآسف على اللفظ اخوي

المهم انتبهوا قامت تطلع لنا سوالف وحركات غريبة جدا
​
 
ل

لايمكن السكوت

عضو ذهبي
نصيحه من خطوتين

اولا : أتلف البطاقه وارمها بالزباله عشان ايدك ماتحكك وتسحب
ثانيا : اول ماينزل معاشك سدد اللى عليك كله واطلب ألغائها

وافتك من شرها واذا قدرت تحول راتبك روح لبنك اسلامي
 
ا

الفارس الكويتي

عضو فعال
زمن السرقات والفوضى والنصب والاحتيال

هذا هو عصر الكويت الحالي
وعصر الحرامية والنصابين
فرصة لزيادة رصيدك واموالك

واذا شكيت وتذمرت قالوا عندك المحاكم

والمواطن مسكين بسيط وين يلحق على المحاكم والمحامين والقضايا والا على اهلة وعيالة ومصاعب الحياة
اللي تنحر فيه من كل اتجاه في جمعية او سوق او بنوك

الله يرحم الحال
والله المستعان

انتم ليسوا في ايدي امينة

الموت امامكم
والحكومة والتجار من خلفكم

كل الاجراءات التنفيذية الحكومية تصب في مصلحة التجار لا في مصلحة المواطنين
 
ا

العرااب

عضو مميز
الفارس الكويتي قال:
زمن السرقات والفوضى والنصب والاحتيال

هذا هو عصر الكويت الحالي
وعصر الحرامية والنصابين
فرصة لزيادة رصيدك واموالك

واذا شكيت وتذمرت قالوا عندك المحاكم

والمواطن مسكين بسيط وين يلحق على المحاكم والمحامين والقضايا والا على اهلة وعيالة ومصاعب الحياة
اللي تنحر فيه من كل اتجاه في جمعية او سوق او بنوك

الله يرحم الحال
والله المستعان

انتم ليسوا في ايدي امينة

الموت امامكم
والحكومة والتجار من خلفكم

كل الاجراءات التنفيذية الحكومية تصب في مصلحة التجار لا في مصلحة المواطنين
أنقر للتوسيع...
صدقت والله كلن اييي ويجلدنا من صوب مالنا اللا الله
ضعنا ​
 
د

درب الزلق

عضو فعال
الأمر الأول ..
صار لي أكثر من 15 سنة عند بنك الخليج

ولا شهر خلال الــ 15 سنه طوفت قصد مديونية أو بطاقة إئتمان

في شهر 6 كنت طالع اجازه 50 يوم ونزلي راتب 6 و 7 وسافرت
وهناك احتجت حاجة فعلية أساسية ماهي كمالية أني اسحب من حسابي وسحبت حتى قصد المديونية عن شهر 7 وكان تقريبا حوالي 500 دينار

في راتب شهر 8 وبعد ساعتين من نزول الرواتب كانو ساحبين مني تقريبا المعاش بالكامل ماعدا الـ 120 علاوة الإعاشة لأنها ممنوع تخصم وخصموا من راتبي قصدين دفعة واحدة مع اقساط البطاقات الائتمانية حوالي 480 دينار

راجعتهم وقلت لهم احنا بشهر رمضان وأنا صاحب أسرة ومقبلين على العيد وانتم ادرى بالحاجه ، قالوا ماتشوف شر ولو كنا نقدر نسحب الــ 120 كان سحبناها .


ياطيبين ياحبوبين عميل عندكم صار لي 15 سنه ومنتظم بالسداد دايما وعمري ماطوفت والحين اخذوا نصف القصد المسحوب وخلوا لي مصرف لعيالي على الاقل .

قالوا هذي مشكلتك والبنك مايفرط بفلس من حقوقه .

قلت : الله المستعان على ماتصفون .

الأمر الثاني : كان عندي كفالة يتيم من عام 95 إلى عام 2007 وكانوا يخصمون التبرع بانتظام ولغاية ماوصلني كتاب اللجنة اللي أنا كافل اليتيم عن طريقها يقولون فيه أن المكفول وفقه الله وبدا يكسب بنفسه وأجرك على الله .

راجعت البنك وسويت إلغاء للتحويل الشهري .

ولكن كل فترة 3 أو 4 أشهر بعد ذلك يتم خصم الإقتطاع ، فلما اتصل فيهم يقولون عندك اقتطاع لصالح لجنة خيرية . فأرد عليهم واقولهم أني ألغيت هذا التحويل ... فيخبرني الموظفون بأنه غير موضح على السيستم أني ألغيت التحول ولكنهم سيتأكدون من هذا الأمر ويتصلون علي .

فأنسى الموضوع وهم ولايتصلون ... وكل ثلاث أو اربع اشهر يتكرر هذا الامر إلى أن ذهبت للإدارة الرئيسية وأنهيت هذي المشكلة .


والامر الثالث ... لا أدل على عدم نزاهة بنك الخليج ماحدث قبل عامين وتلاعبهم وخسارتهم أرصدة العملاء . ولولا الدعم السخي من حكومتنا الطيبة الله يحفظهم كان مودعين بنك الخليج يغنون الآن : وا عليا وا على حالي .


تحياتي

 
ض

ضيدان العجمي

عضو فعال
الله سبحانه وتعالي اعلن الحرب على الربا ومن يتعامل معها
وهذه البنوك ربوية حتى النخاغ وانصح من له راتب ينزل على هذه البنوك
ان يتحول الى بنك اسلامي وهم الان كثر اربع بنوك ولله الحمد والمنه

التمويل
بوبيان
الاهلي المتحد(اعتقد كذا اسمه)
الكويت الدولي(اعتقد دهداري له اسهم مؤثرة فيه)
 
ا

الكلمه الفاصله

عضو ذهبي
خلك طبيعي قال:
قبل شهر خصموا علي 280 دك

حين استفسرت قالوا انت تجاوز الحد للماستر كارد؟؟
مع ان الماستر ما اقدر اتجاوز حدها متيته على رقم
من أصدرتها وهم تخصمون كل شيء بوقته وانا معاهم صاحي
ما أذكر يوم طوفت وشدعوه اقدر اطوف
وين طلع هذا المبلغ المطلوب؟؟
قالوا قبل سنتين المفروض نخصمها والسب يرجع للماستر نفسهم
هم ابلغونا الحين
طيب من فاضي يروح للماسترد ومقرها يقولون في البحرين واذا رحت لها من يضمن لي انهم مو متفقين النص بالنص والماستر كلش مو يهود
وشيضمن لي ماتكرر هالحركة
بذمتكم شفتم نصب مثل هذا عيني عينك
المشكله انا صاحي معاهم
وبعدين شلون اتجاوز الحد
حامض على بوزي اتجاوز الحد
قسم بالله نصابين
وكل 6 أشهر طالعين بشغله مره مية فلس و مرة دينار مره 10 وانت اللي ماشي
بنك نصب بشكل واضح
كلمت الموظف وضيقت عليه بالحجه قال والله مادري
وقال ترى المكالمه مسجله !!!
قلت له واذا مسجله انا ما تفلت بوجهك او قلت يابن ال
وآسف على اللفظ اخوي​

المهم انتبهوا قامت تطلع لنا سوالف وحركات غريبة جدا ​
أنقر للتوسيع...

سجل عندك قصتي مع نصب الخليج...

زوجتي في اثناء استكمال توظيفها في عام 2005 تم خداعها بفتح حساب لها في هذا البنك من خلال مندوب البنك الموجود امام باب ديوان الموظفين على اساس ان تمنح هدية 100 دينار لقاء فتح الحساب ، وعند فتح الحساب ومابعد حصل التالي :

1- رفضوا منحها الـ 100 دينار المزعومه كهدية .
2- استصدروا لها بطاقتين دون اخذ موافقتها ( ماستر كارد بسقف 200 دينار + فيزا بسقف 200 دينار ايضا ) وقد اقنعت زوجتي على رفض البطاقتين فأقتنعت ...
3- بعد مرور سنة وجدنا خصما على الحساب مقدارة 50 دينار وعند المراجعة اكدوا لنا انها نظير مرور سنة على البطاقتين المذكورتين ، ولم يعيرون احتجاجنا اي اعتبار على اساس ان زوجتي لم تطلب ولم تستلم البطاقتين وانها رفضتا في حينها ..
4- في اغسطس 2007 قررنا السفر ، فطلبت زوجتي بطاقة ائئتمان من البنك الا انه رفض تسليمها بطاقة واحدة بسقف 400 دينار على اساس انه غير متاح هذا السقف لبطاقة واحدة ، فأعطيت بطاقتان ماستر وفيزا لكل منهما سقف 200 دينار ... ومن هنا تبدأ المعاناة ...

5- بعد العودة من السفر تم خصم 200 دينار من الراتب ليتبقى 200 دينار اخرى خصمت في الشهر الذي يليه ....
6- على الرغم من ان البطاقات اصبحت مسدده بالكامل الا ان هناك خصما على الراتب مقدارة 20 دينار شهريا ومستمر منذ نوفمبر 2007 وحتى مارس 2010 ( مجموع المبالغ 580 دينار )، وعند الاستفسار بشكل دوري من خلال الهاتف عن هذه الخصومات يؤكد لنا البنك انها لقاء استخدام بطاقات الائتمان ، علما بأن زوجتي قد الغت البطاقتين في منتصف عام 2008 ، ليفاجئنا البنك حين مراجعته شخصيا بأن البطاقات لم تلغى وان هناك الغاءات وفتح لجديده بشكل شهري وان تلك الخصومات نظير بدلات الفاقد ... وقد وعدنا مسئول الفيزا والماستر في الفرع الرئيسي بالتحقيق في الموضوع واعطاني رقم هاتفه لاسترجاع المبالغ الا انه يتهرب ولازال يتهرب ...
 
ع

عزيز وغالي

عضو بلاتيني
شنو تتوقع من بنك ربوي
وناس ما تخاف الله

راح انصحك بريقه الي ان تنقل راتبك ابنك اسلامي

روح لهم وقل لهم ابي استقطاع المبلغ شهري
مو بطريقة النسبه المئويه

وياليت تقدر تلغيها وتتحمل لك شهرين بس
تضغط علي نفسك بعدها راح ترتاح لا بطاقه ولا هم يحزنون
 
ا

الكلمه الفاصله

عضو ذهبي
اصدع بالحق قال:
روح البنك المركزي وقدم شكوى وخلك طبيعي انت في الكويت
أنقر للتوسيع...

عند من اشكو بالضبط ... ؟؟؟

وهل سيعيرون شكاوي أهمية تذكر ؟؟؟

على فكره ، والحاقا لقصة زوجتي مع البنك المذكوره اعلاه ، فإن بنك الخليج يرفض اعطاءنا براءة ذمة لالغاء الحساب والتحويل الى بنك آخر ويشترطون ان نقوم بالمرور على كافة افرع البنك في الكويت لاخذ براءة ذمة من كل فرع ..... يعني تعجيز ..!!!!!!!!!!!!!!!!!!!!
 
خلك طبيعي

خلك طبيعي

عضو بلاتيني
الاسكندر مقطع الفديو بين حقيقة البنك
وعرفت ليش كل وقت والثاني يلطشون مية فلس ودينار وعشرة ومية دينار وانت
ماشي
ترى ولد الفقر يبين ولو عنده عشرين بنك يبين من كلامه واسلوبه وتصرفاته
فعلا بنك عيال فقر موشايفين خير


فيه بعض الاعضاء بكل سهوله يقول اطلع منه
ما اقدر اطلع منه


​
 
يجب تسجيل الدخول أو التسجيل كي تتمكن من الرد هنا.
أعلى