حاجز لشرم الشيخ ومتوهق !!

jassem

عضو مخضرم
مساكم الله بلخير اخوانى وخواتى الكرام ..

فى البدايه وقبل لا اندش فى عمق الموضوع :_


اتصدقون انه الحجز عالأنترنت افضل واسهل لانه لقيت تذكرنى لشرم الشيخ عن طريق النت فى 82 دينار على طيران الوطنيه اما مكاتب السفريات لقيتها فى 190 دينار على نفس الطيران :eek: ..

لكن خلونه فى صلب الموضوع


ياجماعه انا حجزت لشرم الشيخ والمغادره إنشاءلله بحفظ الله ورعايته فى تاريخ 21 سبتمبر ...


وانا احس نفسى ضايع وتايه لانه ماعرف عنها شى ولانى رايح من غير مرافق وله اعرف عنها شى وله اعرف عن الفنادق وشسوى ووين اروح اهناك ..

يليت واحد من فاعلين الخير يفيدنى على الفنادق الزينه والمناطق والاقتراحات على امل اخذ كل الاقتراحات بعين الأعتبار

والى يزيد الطين بله انى راح اوصل لشرم الشيخ الساعه 11 بليل وراح اعانى من الجيك ان بلفندق يعنى راح اضظر انى اضيف ليله اضافيه ولأسف يوجد رحله وحده فقط لطيران الوطنيه الى الى اتكون الرحله الساعه 8 بليل وسلامتكم وناطر ردروكم الى تثلج الصدر ;)
 

المحترف

عضو فعال / الفائز الثاني في دوري الشبكة الوطنية 20
فائز بمسابقة الشبكة الرياضية
تروح وترجع بالسلامة انشالله :وردة:
 

ريما القمر

عضو مخضرم
اثنين من الزملاء ممكن يفيدونك ..

موديست وأحمداني ..

إدخل ملف أحمداني وشوف تقريره عن شرم الشيخ ماشاالله حلو ومفيد ..



.​
 

خوش امديد

عضو فعال
شرم الشيخ خليج نعمه

عباره عن ممر ويسمونه مشايه فيه كافيهات ومطاعم وفنادق

اسكن فيه او قريب منه فيه فندق موفينبيك اذا ما تغير من 6 سنوات حلو

فيه رحلات بريه وهذا مالين منها وفيه رحلات في البحر

بيني وبينك 3 او 4 ايام وتخب عليها

انا رحت لها وقت شتاء كان الجو رائع

يمكن لو تدخل منتدى العرب المسافرون تستفيد اكثر
 

هدى الكويت

عضو بلاتيني
عــاد من زينها شرم الشيخ
لو حاجزلك شاليه ب موفنبيـك البـدع او الريجنسي او شاليهات الكويــــــت احسـن لك الف مره
تروح وتـرجــع ب السلامــه اخوي
 

العتيبي Q8

عضو مميز
اخوي المحنك شرم الشيخ رائعه بمعنى الكلمه اسأل مجرد

هناك شارع خليج نعمه او مرينا كما يسمونه البعض

هاذا شارع فيه كل شي مطاعم مقاهي محلات مكاتب للرحلات الخ ...

الفنادق جمبك انا عن نفسي كان فندقي اسمه ( نعمه بيه ) فندق ممتاز

الرحلات طبعاً تبداء الصبح .. وغير كل هاذا بحرهم نظييييييف والسمك الي في البحر

اشكاله جميله وبألوان عديده بالعربي بحرهم يرد الروح .. وإذا تبي زيادة المتعه

انصحك في الالعاب البحريه على الشاطىء كشك صغير تقدر تحجز منه

ترجع في السلامه ان شاء الله اخوي المحنك :وردة:
 

مهاجر من الشمال

عضو بلاتيني
اذا تبي نصيحتي اترك عنك شرم الشيخ

وروح صيف بعمان احسن لك

الحال هناك ما تسر واحد من الربع راح هناك وتوهق يدور مصلى ولا مسجد

ما في جنه الديرة مو ديرة مسلمين
 

EXET

عضو
تروح وترد بالسلامه يالمحنك

انصحك بمنتجع دلتا شرم يبعد عن خليج نعمه كيلوين تقريبا
هدؤ واستجمام وراحه
الشاليه تاخذه ب 250 جنيه تقريبا

وبالليل اطلع لخليج نعمه بالاب توب وقزرها قهاوي وتمشي

ولاتنسى الرحلات الصبح بقيات وغدا وعشا بدو وغوص
واهم شي الاكوابارك لاتطوفك عجيبه

حدك اربع تيام لاتكثر
 

أحمداني

عضو بلاتيني
تروح وترد بسلامه وأختيار مناسب جداً خصوصاً أن القطس في هذه الفتره ممتاز ولا خلاف عليه

وأفضل فندق هو موفنبيك " مارتين " وهو يقع أمام الشاطئ مباشره بلإضافه لذلك يتميز بموقعه في أول السنتر ( خليج نعمه )

وراح تلقى بالسنتر سماسره يوفرون لك رحله بحريه + مرتين غوص + سنوكر " لا تفوتك هذه الرحلة " من 9 الصبح إلي 4 العصر

فحاول تكاسر معاهم بالسعر إلي أن تصل لـ 150 أو 200 جنية أما أفضل شيشه فهي تقع بالقرب من مقهى فيروز " قبلها "

وخلك عنك hard rock ولا أدور غير الباشا..رحله سعيده :)
 

Modest

عضو بلاتيني / الفائز الأول في دوري الشبكة الوطنية
فائز بمسابقة الشبكة الرياضية
تروح وترد بالسلامة ..

في اكثر من فندق مناسب وممتاز ..

السوفتيل ، هلتون فيروز ، هلتون دريمز ، النوفتيل ، موفنبيك ، ماريوت ..

النوفتيل ، السوفتيل واحد فيهم شوي بعيد عن سنتر نعمه بيه ..

هلتون فيروز وهلتون فيروز مقابلين بعض واحد على البحر وواحد على الجبل ( على قولة المصريين )

لكن انت ما حددت جم يوم وهم بروحك شلون رايح ..

في رحلات بحرية تقدر كل يوم تروح رحله من الساعه 9 الى 5 المغرب ..

وهم في مدينة مائية وفي رحلات البر ..

اقصى مدة لك 4 ايام ..
 
اذا انت من عشاق البحر فأنصحك تمدد رحلتك وتخليها 10 أيام على الأقل,
أما إذا تغيير جو 4 أيام كفايه.

والله يوفقك إن شاء الله.
 

jassem

عضو مخضرم
مشكورين حبايبى على المساعده وخذيت فكره منكم عن شرم اصراحه افدتونى جدا .. بس لأسف اكثريه الفنادق فوووووووول بتاريخ سفرتى بس حصلت فندق( جولى فيل) خمس نجوم فى 32 دينار فى الليله . وسمعت انه فى فندق اسمه كهربانه يمدحونه شرايكم فيكم ومشكورين مره ثانيه
 

Modest

عضو بلاتيني / الفائز الأول في دوري الشبكة الوطنية
فائز بمسابقة الشبكة الرياضية
اذا تقدر تحجز عن طريق النت فيكون افضل وتحصل الف حجز وحجز ..

النوفتيل والسوفتين على 200 دولار

ابحث عن طريق موقع اكسبيديا او بوكينك ..
 

jassem

عضو مخضرم
اذا تقدر تحجز عن طريق النت فيكون افضل وتحصل الف حجز وحجز ..

النوفتيل والسوفتين على 200 دولار

ابحث عن طريق موقع اكسبيديا او بوكينك ..


جربت وحاولت احجز عن طريق النت لكن بطاقه بيت التمويل ماتنقبل للحجز واذا بحجز لازم على الفييزا وانا ماعندى :confused:

 

Modest

عضو بلاتيني / الفائز الأول في دوري الشبكة الوطنية
فائز بمسابقة الشبكة الرياضية
حاول عن طريق اي واحد من ربعك عنده فيزا او ماستر ...

يوصلك رقم الحجز خلال 3 ايام بالكثير وينتهي الامر ..

انا اذكر برأس السنة 2008 قبلها بشهر ادور حجز فندق ما لقيت بالكويت كلها بس لقيت موفنبيك وليلته 90 دينار واخرتها دشيت على النت وحصلت كل الفنادق ومافي ارخص منها ..
 

jassem

عضو مخضرم
حاول عن طريق اي واحد من ربعك عنده فيزا او ماستر ...

يوصلك رقم الحجز خلال 3 ايام بالكثير وينتهي الامر ..

انا اذكر برأس السنة 2008 قبلها بشهر ادور حجز فندق ما لقيت بالكويت كلها بس لقيت موفنبيك وليلته 90 دينار واخرتها دشيت على النت وحصلت كل الفنادق ومافي ارخص منها ..


اها صح كلامك يا موديست لكن تنصح احجز عن طريق المكاتب السفريات ، وشنو رايك فى فندق كهربانه ؟؟
 

Modest

عضو بلاتيني / الفائز الأول في دوري الشبكة الوطنية
فائز بمسابقة الشبكة الرياضية
انت تقول ما حصلت فندق الاغلب مافي حجز ...

ماعرفه الفندق اللي ذكرته ..

بس شوف الفنادق اللي عطيتك اساميهم عن تجربه حيل حلوين ..
 
أعلى