جوله سياحيه فى (شارع جهنم )) بتايلند

jassem

عضو مخضرم
انا تونى راجع من بتايا منطقه اقدر اشبهها فى المزبله ...


منطقه كلها فتيات هوى +شرب + شواذ + مخدرات +بيع اسلحه بيضاء + ومتسولين فى كل مكان + سماسره الدعاره .. وازعاج الديسكوات بكل مكان والمشكله انا اول مره اروح لها.. ومن المواقف تعرضت لها . تهاوشت معا احدى الفتيات المساج فى شارع جهنم بسبب اجبارها انى اخذها معاى وغصب تبينى ولما رفضت انى اخذها صعقتنى اطراق قوى على ويهى فا تباطحنه ارضا فى الهوشه لحد مابجيتها وناهيك عن المعارك الدمويه الى اتصير بين اسكاره الأنجليز والمشكله معارك مو عاديه معارك دمويه كلها سكاكين وبطول زجاج وناهيك عن الكلاب الضاله المنتشره فى هشارع .. وانا المشكله رايح بروحى :) الحمدلله الحمدلله انه الله حفظنى .. بعدها قررت انى ارحل واقعد فى بانكوك .. نصيحه لحد يقرب صوب شارع جهنم .. شارع اعوذ بالله من اقذر الشوارع الى شفتها فى حياتى لانه الاشكال الى بتشوفها كلها وحووش وقبل فتره قصيره صاحبى لاحقينه عصابه تايلنديه بسكاكين والعصى والعجرات لحد فندقه بسبب انه رفض انه ياخذ احدى الشواذ (جنس ثالث ) فا الحمدلله الله احفظه ..
 

ala7sas

عضو بلاتيني
اخبار مطعم زهرة الخليج ومطعم النيل المصري وابو جاسم حي لا ألحين :)

فندق شيري لا الحين موجود :D

ايام مضت الله لا يعودها من أيام

باختصار بتايا ديرة لا تصلح للعوائل نهائيا

اما شارع جريس حدث ولا حرج

فيه معبد على البحر فيه بلاوي زرقاء يعبدونها :D
 

World on Wheelz

عضو ذهبي
حقيقه ما قصرتوا وقمتم ببعثرة قمامة بتايا على صفحات المنتدى كما يقلب القطو فى حاوية النفايات ..

حقيقه موضوع حيوي ومهم ومشكورين على تقليبه قصدى أثارته .

أنا شخصيا زرت بتايا ثلاث مرات ولكننى لم أشارك فى هذا الموضوع مو لكونى ملاك ولا ذابحنى التدين والألتزام لكن حشمة لنفسي ولأعضاء المنتدى أنفت أن أشارك فى تنقيب هذا المكب .
 

ابو عذبي

عضو مميز
ياشباب انا انصحكم اتروحوله 12 باليل بعد ما يسكرونه بالحدايد ..يعني سيارات ما تمر عندكم ..يشبون بخور من اجود انواع البخور .ريحته كنبودي اصلي ..بس هلهله بشورتات..صراحتاً من احسن المناطق اللى بتايلند
 

المفتاح

عضو فعال
شر بقاع الأرض هي التي لا يعبد فيها اسم الله سبحانه, فللي يخاف الله لا يروح هالبلدان الكافرة.

ولا يغركم التطور والحضارة المزعومة, حضارة الغابات الحيوانية الشهوانية..

{وما اوتيتم من شيء فمتاع الحياه الدنيا وزينتها وما عند الله خير وابقى افلا تعقلون }.[القصص:60]

{فما اوتيتم من شيء فمتاع الحياه الدنيا وما عند الله خير وابقى للذين امنوا وعلى ربهم يتوكلون}[الشورى:36]

{قَدْ أَفْلَحَ مَنْ تَزَكَّىٰ (14) وَذَكَرَ اسْمَ رَبِّهِ فَصَلَّىٰ (15) بَلْ تُؤْثِرُونَ الْحَيَاةَ الدُّنْيَا (16) وَالْآخِرَةُ خَيْرٌ وَأَبْقَىٰ (17)}.
[سورة الأعلى]

يا أنك تشتري الدنيا مقابل خلود في النار, أو انك تبيع الدنيا مقابل خلود في الجنة.

{مَنْ كَانَ يُرِيدُ الْحَيَاةَ الدُّنْيَا وَزِينَتَهَا نُوَفِّ إِلَيْهِمْ أَعْمَالَهُمْ فِيهَا وَهُمْ فِيهَا لَا يُبْخَسُونَ (15)
أُولَٰئِكَ الَّذِينَ لَيْسَ لَهُمْ فِي الْآخِرَةِ إِلَّا النَّارُ ۖ وَحَبِطَ مَا صَنَعُوا فِيهَا وَبَاطِلٌ مَا كَانُوا يَعْمَلُونَ (16)}.[سورة هود]

مهما تركض ورى الدنيا ما راح تاخذ منها الا الي الله كاتبه لك, لكن آخرتك جهنم لأنك شريت الدنيا وبعت الآخرة
ونسيت ربك الي خلقك عشان تعبده.

لكن اذا بعت الدنيا وما خذيت منها إلا حاجتك وذكرت ربك, فإنت شريت الآخرة, والي يشتري الآخرة ياخذ منها الخلود في الجنة.

واعتذر إذا كان اسلوبي فيه نوع من التشدد, لكن الله يشهد أنه خوف على نفسي وعليكم من عذاب الآخرة.

والله يهدينا ويهديكم.
 

jassem

عضو مخضرم
مشكورين على مروركم . جميعا . وما انصح الشباب انه يسلكون هشارع . لانه لو سكت هشارع كأنك فى عقر جهنم . لانه يعتبر من اقذر الشوارع فى العالم ..
 

Org

عضو مخضرم
الحمدلله على السلامه المحنك ..:وردة:

قايلك لا تروح ديره قذره ومثل ما صار معاك صار معاي

وخلال 5 أيام فقط سويت عوده لله الحمد

بس أنصحك روح المغرب ..:إستحسان:
 

مدمن

عضو مميز
الوورك ستريت هذا ..

طيب اذا كانت خمام مثل مايقول الاخوه ممكن سؤال .. شنو اللي يخلي كويتيين يعيشون فيها من السبعينات ويستقرون ويتملكون مشاريع صغيره كمطاعم "بوعبدالله وغيره" وقهاوي "عاصم" وصيدليات "بوعركي" وفنادق وغيره، الا اذا كان فيه سر بهالديره.

بصراحه كل اللي يذم بتايا بالخصوص هذا يدل على انه روتينه واحد "شارع الفي سي" وياكل عند بوعبدالله وعقبه الشارع المذكور ويرد الفندق يخمد.

عن تجربه تايلند وبالخصوص بتايا ديره امنه وانت تصنع روتينك بنفسك وتعامل الشعب على كلن وشخصيته، الشعب التايلندي جبان وذليل وتكسبه ببتسامه والتكاسي كلهم شرطه "اهل السديري" ابعد عن بعض المحرمات انت سالم ووضعك سليم:
1- لا تهين البوذا و التماثيل بطريقه او اخرى "لان بعض الشباب على بونه سكران يصير مسخره ومايشد ردة الفعل"
2- الملك مالهم لاتقرب له خير شر "وحذفتك للبيزات وانت تحاسب اهانه للملك بالنسبه لهم" لقبه "حامي البوذا" واذا انت بالسينما وحطوه اوقف او مخالفه 5 الاف بات "ثمانيه وثلاثين دينار". ولاحظ عند موكبه الشعب يسجدله. "الحمد لله على النعمه" ولله في خلقه شؤون.
3- لاتقرب للحشيش "الكنجا" ابدا هناك وخصوصا مع التايلنديين "لان الديره امان جدا واغلب اللي يبيعونها مخبرين للشرطه رزقتهم بقشيشك".
4- لمه احد يرد لك باجي لاحظ الفلوس مزوره ولا لا، لان التزوير عندهم بلوى ماتطلع منها الا بتمرمط "يعني انتبه بسالفة التزوير.
5- لاتقرب للقمار ابدا حتى لو تلعب حبايب على عشرين بات، القمار عندهم عقوبته الاعدام.
6- اذا اجرت سيكل البس الخوذه ونصيحه البس تحته سكارف انظف لك ولا تتفلسف اذا انت عادي بالسياكل يعني مو دريول اجر الاوتومتك سعره باليوم امية بات اذا اجرته اكثر من 10 ايام واذا اقل يومه اب 120 لي 150 ، ودير بالك تسوي حادث لان يطلعون سعره وزود من جبدك.

وبالنسبه حق بانكوك مافيها خير تسوق والمجمعات، جوها خايس بسبة الغاز المرتفع، وشارع قريز القذر مال العرب عقب الساعه 10 بامك خير امش بسبت روايح الاكل اللي بالشارع.

وبوكيت حلوه وايد للناس اللي تحب البحر والسباحه والمغاوص هم تنفع للمتزوجين رحلاتها تسوى، وللعلم اهل بوكت بنسبة 70 بالاميه مسلمين والغريب انهم حشاكم كلاب مايحبون العرب، مع انهم مسلمين بعكس اهل بتايا يعبدون البوذا بس يدرون ان راس مالهم العرب. وبوكيت اغلى من بتايا بشوي بالاكل والفنادق.

ومجمعات بانكوك تقريبا اغلبها موجوده اب بتايا مثل البق سي والسنترال غير هذا الاسواق الشعبيه مالتهم تحصل فيها صيدات حلوه مثل سوق "السبت" سوق "الاحد" و سوق "الليل" وعندهم الاوت لتز يبيع القديم مال السنه اللي طافت يفرق سعره وايد يصير ورى بتايا بارك جنه محلات الضجيج اللي عندنا من بره.

وبتايا مدينه بحريه فيها بحر وفيها مزارع وفيها جزر "قولان" وغيره، يعني اللي تبي موجود.

ونصيحه لمه تتسوق اخذ معاك تايلندي او تايلنديه لانهم ينفعونك بالمكاسر ويطلعون لك سعر غير.

الخلاصه تايلند حلوه وامان وايد واللي تحوشه مشاكل صدقوني اهو السبب فيها ابعد عن المحضورات اللي اشرت عليها فوق وانت بخير ولي سافرت روحوا قروب ماتملون واي سؤال عن الفنادق والمواصلات واسعارها انا حاضر
 

ساهر الليل

عضو مخضرم
بتاااااااايااااااااااااااا​

سباايدييييي

لارجعت للكويت تقعد تهوجس وتحتك تقول فيك جرب​

ماترتاح لين تروح تفحص​

ديره وصخه​
 

jassem

عضو مخضرم
عفوا تايلد دوله سياحيه تصلح للعوائل والشباب وحته الشياب .. وتعتبر تايلند من ضمن خطه السياحه العالميه ..لكن انت وضميرك وعقلك واختيارك لطريقه السياحه الى انت تبيها .. هل تبيها سياحه عائليه ام شبابيه .. يعنى بلكويتى تبى اتكون سياحتك للخرابيط والصياعه ام تبيها لترفيه عن النفس وتغير الأجواء وزياره الأماكن السياحيه وهذا الموجود فى تايلند... وبالنسبه للبتايا بشارع جهنم .... تعتبر من اسوء واقذر الأماكن الى زرتها فى حياتى وهذى امر طبيعى كل دوله فيها المناطق الشينه والزينه .. روح فرنسا او حته امريكا راح تجد اماكن نظيفه ومناطق غير نظيفه وحته فى دول الخليج . ..
 

الكتالوني

عضو مميز
ايه ياخي الحين اعرف وين اسافر
صارلي من قبل المنحه وانا اتهدد مادري وين اروح
بس شارع جهنم يماي وشسمه الشارع الاحمر اعتقد بأمستردام
يخوفون
بس تايلند كنت ناسيها
من يوم صارت فيها مشاكل
والحين اعتقد يبيلها
شكرا على التحريض :D
 
أعلى