السلام عليكم
ماااجوريييين ... شحالكم يالربع كلن بنكه
قدر الله علي وسجلت في الشبكة الوطنية واليوم قدني من اهل النادي الذهبي
قعدت احك علباي واتلفت يمين ويسار محد جاب خبري
وبما اني في المنتدى مالي لا صحيب ولا قريب 
قلت يا ولد مالك معاذ قصدي شسمه مالك الا تبارك لنفسك
صح اني ما تهمني ذي السوالف لكن حلوو ان الواحد يرفّع لنفسه
<< والله اني عجزت وانا ارقع لروحي
ادري ان ثلاث ارباع مشاركاتي غير مفهومة اللهجة بالنسبة للاغلبية
لكن عادي حتى انا بعض المرات مدري وشني كاتب
و على الطاري .. اعتذر من اي زميل او زميله ضايقته بشي
تراني احب المزح والضحك ولا اقصد اني اضايق احد
وبهذي المناسبة حاب اقول لكل البنات العازبات اللي معنا في المنتدى :
تراني عاقل بالحييل عيني مهيب زايغه ولا احب اشوف نانسي عجرم ولا حتى اليسا << لبى كبدها
واعرف اطبخ وانفخ ( انا احسن واحد ينفخ التفيخات) واغسل الهدوم بس عندي عقدة من غسيل المواعين
مستعد اتقاسم معها شغل البيت
حتى المهر مستعد اني اتقاسمه معها يعني ادفع نصه والنص الباقي عليها
وراح اخصص لها يومين ثابته في الاسبوع تزور فيه اهلها
الله ياخذها وياخذ اهلها معها << تحمس حبتين
<< يستثى من طلب الزواج البنت الشينة وام العكاريش :إستنكار:
على امل ان القاكم في الالفية الثانية من على الكوشة مع زوجه ثانية
<< انت تزوج بالاول بعيدن فكر بالثانية هع
وووبس خلاص ،،،
