سؤال وجواب الاريل القديم

[السعيدي]

السلام عليكم
شباب وين احصل الاريل القديم دورته بكل مكان ما حصلته
وعشان محد يسال اشتبي فيه ابيه حق جلسات مجلس الامه؟؟

 

[تفائلوا]

دورتة أنا قبلك ومالقيتة

مالك الا علاق ملابس
والله يطلع جميع القنوات الأرضية ماكو اصفي منها
لا وبعض المرات اذا العلاق مركب بطريقة احترافية راح تطلع معاك القنوات صافية وبطريقة ال HD

 

[shining star]

اخوى تلاقيه بلوازم العائله​

 

[الـهـآرف]

أقوول ألبس نظآرة 3D وطلع سيم الملآبس وركبة وجيب نفيش وشعر بنآت

ومشآهدة ممتعة

​

 

[السلطاني]

كما قالت الزميلة .. ..

سوف تجده بفروع لوازم العائلة .. ..خصوصا بالجمعيات الكبيرة المحترمة .. ..

أو تستطيع الإتصال على فني ستلايت وتطلب منه تركيب أريل عادي .. .. مع التجربة .. ..!!

أي لترى بعينك القناة الرابعة الأرضية .. ..

 

[ناصر المعروف]

في محلات بالدروازة قبال البلوكات (سوق الأقمشة)

راح تلاقي عندهم اللي تبيه

 

[اليامى]

وشلك فى المسرحيات الكئيبة كلها كذب فى كذب

 

[ماذا قدمنا ، للكويت ؟]

بدون اريـل ,,

مر اي مركز لوازم عائلـه . يوجد لديهم اريل صغيـر . تركبـه بـ الكهرباء . وتحطه بتلفزيون وفيـه مثل الصحن توجه شوي وتصفى القنوات التلفزيونيـه الارضيـه .! وينحط بجانب التلفزيون
وفيه انواع واشكال منـه وكل ما كان غالـي يطلع لك اصفى .!

سعره مايتعدي 4 دنانير .

 

[خلك طبيعي]

لايكون فيه زئبق أحمر
اسأل اهل الستلايت يمكن يرشدونك
انا عندي واحد من عام 1989 ولايزال
واذكر في ارايال صغيره تنحط فوق التلفزيون معاد قمت اشوفها الظاهر انقرضت
واحيانا اذا كان عندي عطل في الدش وصعدت للسطح اشوفها على بعض البيوت لاتزال
عموما الستلايت دخل علينا فجأة بدون مقدمات
لعب في الحسبه