تحميل ويندوز 7 على جهاز قديم وبذاكرة أقل من 512 ميغا بايت

السؤال الأول:

هل في احد من الزملاء قام بتنصيب (Install) نظام ميكروسوفت الجديد (Windows 7) على جهاز قديم والذاكرة اللي فيه صغيرة (أقل من 512 ميغا بايت) ؟

ميكروسوف حطت شروط بالنسبة للذاكرة إنها على الأقل لازم تكون (512 MB) والا عملية التنصيب ما تتم, وتعطيك رسالة عدم امكانية الإستمرار


طبعا ما اتكلم عن بطء النظام لو فرضنا إنك ركبته, لأن 512 ميغا بايت بالكاد تشغل النظام بالعافية



السؤال الثاني:

هل أحد له خلق يتعلّم هالشي ووده يعرف شلون؟



طبعا آنا ما راح أكتب اي شي الحين, لاني بصراحة ما أحب اضيع وقتي بكتابة موضوع طويل عريض, واكتشف إن الـ Audience مو مهتمين اصلا بهذي التقنيات, لان الاغلبية إهتماماتهم سياسية او دينية أو إجتماعية أو الثلاث مع بعض (كما هو واضح للجميع) :confused:

بيدش واحد يتليقف ويقول:

يا اخي لجيتنا وذليتنا, بحياتنا ما شفنا واحد يبي يكتب موضوع ويقعد يتشرط على العامةو صاير موضوعك مثل نانسي عجرم لما تقول وتغرد بصوتها الشجي:

أكتب موضوع .. آه ... ما أكتب موضع .. لأ ...... الخ الخ الأغنية



المهم في ناس مهتمين؟


الله يهداهم المشرفين مانعين إمكانية إنشاء التصويت بالمواضيع والا كنت سويت هالشيء

وعلى اساس النتائج نبدا المشوار.



فقط لا غير
:وردة:
 

!...ωαнαм...!

عضو بلاتيني
هلا والله اخوي ناصر


شنو نوع التقييم اللي راح تظعه

بالنسبه للتنصيب للذاكره 512 ميقا راح يتوافق معها الويندوز وسبق لي جربت هالشي


windows7-512-mb-ram.png


وهذه صوره تبين عمل الذاكره مع الويندوز

ولكن المشكله راح ياتيك رساله تنبهك بان الذاكره لا تكفي

والافضل زياده الرام الى واحد قيقا او اكثر



 
هلا أخوي وهم

512 هو الحد الأدنى وآنا جربته مثلك, بالاول على فيرتشوال ماشين وبعدين على جهاز عادي

لكن فرضا عندك جهاز الرام اللي فيه أقل من جذي (خل نقول 256 أو 128 ) بهذي الحالة عملية install للويندوز ما تشتغل, ويطلع لك مسج بعد ال boot يقول لك إنه ما يصير .. وتتوقف العملية

طبعا من هذا اللي يبي يستخدم ويندوز 7 على جهاز قديم ومافيه رام كفاية؟

ممكن تقول كتجربة فقط, أو إن الشخص يفكر يسوي له نسخة مصغرة من الويندوز 7 من غير الإضافات الثانية اللي مالها داعي, يعني ممكن يكون جهاز للتصفح أو للاعمال البسيطة بدل لا ينقط بالمخزن

ممكن بالطبع إن الواحد يشتري له رام ويضيفه للجهاز, خصوصا وان اسعار الرامات الحين نزلت (نسبيا) , بس فرضا نوع الرام هذا صعب الحصول عليه كونه قديم, أو إن الجهاز له اصلا ما تقدر تضيف عليه زيادة لأن الـ 256 أو 128 هو الماكسيمام بالنسبة له.
 
أعلى