سؤال وجواب اسهم فيفا .

السلام عليكم ورحمه الله وبركاته ؟؟

ياجماعه متى تنزل اسهم فيفا في سوق الكويت .
وكم اسعارها الحين في هذا الوقت . وكم اتوقعون اسعارها لانزلت في السوق ..
وشرايكم في الاداء التشغيلي لها وكم توقعون الارباح ..؟
:وردة::وردة:
 

السلطاني

عضو مخضرم
أي شركة يمكنها دخول البورصة بعد تقديمها ( ميزانيتين ) معتمدتين .. .. أي بعد سنتين من تشغيلها .. ..

بعد السنتين .. .. تختار الشركة وقت دخولها البورصة والسماح بالمضاربة بأسهمها .. ..

فيفا / شركة ناجحة وأتوقع وصول سهمها لل 600 فلس بأول سنة .
 

اليامى

عضو بلاتيني
وينك يا محلفى من زمان ما شفت مشاركاتك

وبخصوص سعر سهم فيفا فى سوق الجت

يباع ما بين 250 الى 270

والادراج بداية السنة الجديدة

واتوقع لها سعر ممتاز اذا ادرجت فى السوق الرسمى

كون هناك اطراف لها ثقلها تريد الاستحواذ على نسب مؤثرة فيها

واتمنى ان اكون افدتك
 
الله لايهينكم ياخواني السلطاني وسعود ..
لكن شخصيا توقعتها تنزل بدينار. فبنيت امالي على هذا . خصوصا انها شركه ناجحه جدا .
والله يكتب اللي فيه الخير للجميع ان شاء الله .
تحيه طيبه لكم ياخواني
 
وينك يا محلفى من زمان ما شفت مشاركاتك

وبخصوص سعر سهم فيفا فى سوق الجت

يباع ما بين 250 الى 270

والادراج بداية السنة الجديدة

واتوقع لها سعر ممتاز اذا ادرجت فى السوق الرسمى

كون هناك اطراف لها ثقلها تريد الاستحواذ على نسب مؤثرة فيها

واتمنى ان اكون افدتك

يامرحبا ويامسهلا بالعزيز اليامي ..
وان شاء الله معروف انها بتنزل في سعر مرضى . لكن الختلاف في حجم السعر
تحيه خاصه لك . :وردة:
 

كاسك يا وطن

عضو بلاتيني


الشركه شاريه السهم على دينار و 950 فلس ..
اذا ً .. راح يوصل قيمة هالسهم هذا .. خلال - ثلاث سنوات - من ادراجها في البورصه ..
مثل ما صار هالشي مع شركات وايد قبلها !

شركة زين وصلت لـ 6 دنانير ..
شركة الوطنيه اوصلت لـ 3 دنانير ..

لكن اللي يخوّف الواحد .. اهو ان يصير تجميع على السهم من محمود حيدر.. بـ اول يومين .. مثل ما صار بالاولى والسور للوقود .. وبعدين يتحكم فيه وينزله ويصعده على كيفه .. باليوم الثالث ..!

او ايصير مثل ما صار مع الوطنيه للطيران .. وبو خمسين الحساوي - الجعص - .. اللي خلا السهم ينباع على امية وخمسين فلس .. واهو اكتتاب عام ..!
 
الشركه شاريه السهم على دينار و 950 فلس ..
اذا ً .. راح يوصل قيمة هالسهم هذا .. خلال - ثلاث سنوات - من ادراجها في البورصه ..
مثل ما صار هالشي مع شركات وايد قبلها !


ياليت ياخوي لو تعيد تفسير هذا الجزء ..
 
مساك الله بالخير

سالم الهاجري

شوفلي معاك 30 الف سهم

مساك الله بالخير والسرور .
يالله حيوه :D
والله فيفا خوش اسثمار . الحين في سوق الجت تنباع على 300 فلس .
واتوقع بكره اذا نزلت بالسوق بيصير سعرها دينار . وعقب سنه يمكن يتدوبل .
 

كاسك يا وطن

عضو بلاتيني
ياليت ياخوي لو تعيد تفسير هذا الجزء ..


اوكي شوف يا بعد حيي ..
توزيع الثروه صار بالكويت .. مرتين ..
المره الاولى : بتثمين البيوت بعهد عبدالله السالم .. ايام الستينات ..
المره الثانيه : بالاكتتابات العامه اللي قاعده اتصير بين فتره وفتره ..

والاكتتابات العامه اللي منهم .. شركة فيفا ..
يعني شنو اكتتاب عام ..
يعني سهم .. تشارك فيه الحكومه .. مع الشعب .. مع قطاع خاص ..
الحكومه تخلي الشعب يشتري هالسهم .. منها بقيمة امية فلس ..
ولكنها اتبيع .. هالسهم .. على القطاع الخاص .. بقيمه عاليه جدا ً ..


تعال نحسبها بالورقه والقلم ..
اسهم الشركه .. 100% .. حلو ..؟


منهم نسبة هيئة العامه للاستثمار .. مع القصر وبيت الزكاة .. 24% ..
- علشان يتم الهروب من مراقبة .. ديوان المحاسبه لأنه اشترط مراقبة اموال الحكومه اذا تجاوزت 25% في اي مشروع -

ومنهم نسبة 26% .. للشركه السعوديه .. الاتصالات ..!
ومنهم نسبة 50 % .. لعامة الشعب ..

الشركه السعوديه .. جم شرت السهم .. يوم صارت المناقصه والمزايده ..؟
شرته بقيمة دينار .. وتسعمية .. وخمسين فلس ..

بالوقت اللي انت شريت السهم .. بـ امية فلس ..
الشركه شرته بـ 1.950 ..:)


اذا ً .. ان طال الزمن ولا قصر .. الشركه لازم واجباريا ً توصل قيمة سهم فيفا بالبورصه .. الى هذه القيمه ..

علشان تطلع فايده من السهم اللي شرته ..

اوضحت الفكره الحين ..؟ :)


 

كاسك يا وطن

عضو بلاتيني
مساك الله بالخير والسرور .
يالله حيوه :D
والله فيفا خوش اسثمار . الحين في سوق الجت تنباع على 300 فلس .
واتوقع بكره اذا نزلت بالسوق بيصير سعرها دينار . وعقب سنه يمكن يتدوبل .


ما ودي اضيق خلقك .. لكن سوق الجت مو مقياس لتداول السهم ..
سهم الوطنيه .. على انه اكتتاب عام وشاركت فيه الحكومه ..
وكان يتداول السهم بسوق الجت بقيمة 300 فلس ..
واخر شي تم ادراجه بـ اول يوم تداول على 150 ..:)

صارت لعبه حيل قذره .. من احد تجار السوق ..
بـ اول دقيقه .. تم عرض سهم الوطنيه .. بـ 150 فلس ..
ومعروف ان كـ سيستم تداول .. يتم تقييم السهم بـ اول يوم تداول ..
على حسب .. اقل عرض .. مع اكثر طلب ..
وأول صفقه ( حذفة اسهم ) اتصير الساعه 8 الصبح بالضبط ..
يتم تحديد قيمة السهم ..:)

 
أعلى