بالصدفه واخيرا bubble t لقيته بالكويت (تقرير مصور)

q8designer

عضو جديد
بسم الله الرحمن الرحيم
اليوم كنت بمكتبي بالسالميه واليوم عطله تعرفون شباب العطله مو حلو تشتغلون فيها قلت بطلع شوي افتر واطالع شنو يمي اول مره افكر اني استانس بالاماكن الي يمي واكتشف شنو فيها الجو كان مو طبيعي حلو انه الواحد يتمشى فيه عديت المجمع الي انا فيه وصلت لي مجمع اسمه جليريا 2000 المنطقه السالميه شارع سالم المبارك التوقيت الساعه 7 بليل ........ اوخ شنو هذا شفت خلود صديقي قاعد بكفيه سلمت عليه تعرفون سلام الكويتيين ساعه شلونك شخبارك شمسوي شالدنيا فيك شلون صحتك شلون الاهل بعدها هااااااااااا شقاعد تسوي اهني يعني كابس عليه قالي قاعد اشرب قهوه يعني شسوي بكفي شوب قلتله شالقهوه الي قاعد فيها قالي انت وين عايش باي كوكب ما تعرف bubble T قلتله لا شدراني قالي ببل تي هذا براند كفي شوب ممتاز هاااااح ببل تي ما تعرفه حسيت جنه يقولي قو داي يا معود خلك على مخيمك رديت عليه شنو فيه زود قالي جرب بطلبلك مشروب وعيش حياتك قبل لا اسولفلكم عن هالمشروب براويكم شنو ببل تي وشنو صارلي يوم شفت الاعلان
الله يخلي الكنتلوجيا والي اخترع تلفون بو كامرا انا من ربعكم ماك تشكن عندي بلاك بيري وطالعوا اول صوره
13086815.jpg

اهني اول ما شفت خلود الفضلي يرتشف فنجانا من القهوه وراه خريطه واحلى ما في الخريطة انه في قلب حب على الكويت
72027939.jpg

الحبيب مزاج ويقولي قو داي (go die) بس صعب ترى ذويق قهوه
56843257.jpg

واهني الكوفي شوب من الداخل وقعدته فرندلي ملمومه ومرتبه
المفاجأه هذا المشروب الي تشوفونه الحين
honeyy.png

خلود قام يكلم الي بالكفيه وطبعا اول الكلام هااااااي سييييييير كان آي هيلب يوووووو قاله ابي honeydew هني دو فرابي شوي ووصل الطيب لونه اخضر وفيه كور داخله يقول لا تخاف اشرب تذوق انته بس عباله انا حساس وايد وبقوله لا لونه اخضر وشنو مكوناته ما سالت ولا صدقت خبر مال مفت شفطت شفطه من العود وعودهم كبير باااااااااااااارد وحسيت بشغلات مدوره تدخل حلجي قالي شوي شوي مو تزلط ولا تبلع تذوق تعلم شلون تتذوق يا الملهوق هذا عصير سووه حق اوادم فكره يديده ونمبر ون الحين وخذيت بشوره قمت امز بدل لا اشفط واعلج بدال لا ابلع حسيت بشعور اني مو سحليه اقصد شعور هلا بالحبيب تفضل عندنا تراك مو غريب حسيت طاير من الفرحه طاير صج مزاج شنو هذا خلود (خلود دلع كلمة خالد بالكويت مع شده مفتوحه على اللام ومن باب الميانه) قالي هذا عصير شمام فرابي يعني مخلوط معاه جذور مدوره طعمها حلو وفيها فوايد صنع هذا العصير بعد خبره وصالح للاستخدام البشري ........ تمت الحلقه الاولى وتابعوني الحلقه الثانيه بعد ما يازلي العصير والكفيه ترقبوا الي بصير عاد انا دعله ان علقت بشي علقت بس يستاهل انكم تتذوقونه وتمزمزونه وتمضغون الي فيه لا تصيرون مطافيق مثلي
 

World on Wheelz

عضو ذهبي
حقيقه أنك مكسب للمنتدى وصرقعتك من نمط جديد وبروح مختلفه .. :D

بس ليش حاط صورة الرجال يمكن ما يرضي بهالشيء ؟؟

على العموم حياك الله معانا وأنا بأنتظار جديد مشاركاتك على شرط أن تكون بذات الروح والصرقعه بل وحتى بنفس حجم الخط وستايله .

تحياتى يا مصرقع .;)
 
B

BRiGHT_Q8

Guest




شكراً لك على المعلومه :وردة:

والشكر موصول لصديقك خلود ,,, :وردة:
 

q8designer

عضو جديد
مشكورين كلكم وشكر خاص حق وورلد ان ويلز الصراحه احلى ردود شفتتها بهالمنتدى واحلى تفاعل الله يديمها
هلا بالحبيب تفضل عندنا تراك مو غريب احلى ولكمو منكم ويايكم اليوم بالقصة الثانيه
 

q8designer

عضو جديد
bubble t التقرير الثاني

مثل ما وعدتكم اليوم بروح الكفيه مره ثانيه قعدت من النوم وانشق الحلج من كثر ما اتثاوب احلى شاور صحصحت وشنو اكشخ فيه اليوم البرمودا يا عيني عشان اطلع السيقان والقميص المبكر البس الساعه الباما التقليد والعطر توم فورد الاسود الله يرحم والديهم الي يركبون عطور رخصوا علينا السعر وابي اطلع من البيت وتصيدني الحجيه يمه ماكو غاز يمه مواعد الربع شنو مواعدهم اقولك ماكو غاز انشاء الله يمه خفت اييني ملاس ولا صحن صاااااااااااااااروخ حق فرع الغاز وارجع البيت تفضلي يمه اختربت الكشخه عدل نفسك سريع سريع
وادق سيارتي لانسر اجار سلف اقصد الكورفت غنننن غنننننن شيط يعني مقحص وصلت الكفيه لا لا صدمه مكاني قاعدين فيه طاولتي شلون قاعدين عليها ابي اقعد اهني
23368838.gif

اقولهم غيروا الطاوله خفت من المجسم بروحه ما فيني حيل اتناجر خلك سياسي يا علاو واييب طاوله جني مادري احشرها واعطيهم بو ذيج الابتسامه مساء الخير رد علي مساء النور الريال لطيف انا ظلمته واحط بوكي واغراضي وابسط وبعدين اقولهم انشاء الله مو مضايقكم قالوا لا يبه الناس لطفاء بس انا دعله رحت بطلب وشاد حيلي شفت المنيو توهقت الفلبيني ناطرني اطلب قلتله كان آي هيلب يوووووو ضحك وتذكرني قالي اوردر الي توه قاعد من النوم يبي يصحصح طلبت اسبرسو والاسبرسو تعرفون طعمها فيه حموضه مو شي بس تصحي الواحد وعلى الريج يا محلا الكرواسان الطلب وصل ريحة القهوه بمخي شربت يقمه تذكرت خلود صاحبنا مال امس يقولي خلك ذويق مزمز ارتشفت القهوه شنو هذا ماكو طعم حموضه رشفه ثانيه للتاكد يا سلام وانحر الكرواسان شوفوا مضغه من الكرواسانه حسيت نفسي تلياني مو طلياني حسيت اني فراشيسكو توتي هذا الريوق ولا بلاش نسناس هوا خفيف ادعوا ما يتغير هذا الجو علينا ويطول البراد والشتا الصيف طويل مليت وانا اعيش احساس الضب خلصت القهوه قعدت اقولب فيها يعني اسوي روحي اقرا فنجان الي يمي سالني تعرف تقرا سويت روحي خبره عشون عيل اعرف اقرى سالني تقدر اطالع شنو شخصيتي انا سهل بسرعه تقرا شخصيتي شخصيتي ضعيفه ضحكني الله يغربل ابليسه وكسبت اليوم معرفه طيبه توته توته خلصت الحتوته وترقبوا الجزء الثالث من مغامراتي في ببل تي كافيه
47624472.gif
 

World on Wheelz

عضو ذهبي
يا الطيب

غير المكان يبه ترى شقيتنا بببل ما أدرى شسمه ..

غير روح مكان ثانى .. شنو أنت حمامه مثبتينك هناك ؟؟

روح مطعم الشمم بالمباركيه لصاحبه أسماعيل الأيرانى وأنقلنا تقرير من بيئه مختلفه ويفضل تقرير جطل من غير صور لأنه المكان مزبل واللى ياكلون فيه هم مزبلين وبالتالى الصور ما لها داعى .
 

q8designer

عضو جديد
الله يعافيكم يا حلوين ويلز انشاء الله اعزمك بالمكان الثاني بس اخلص تقريري لاني المره اليايه بسوي لكم العصير
 

اجتثاث

عضو بلاتيني
اول شئ نشكر صاحب الموضوع على التقرير وعلى السرد القريب للقلب
ونقول لك الله يعطيك العافية وعساك على القوة

ولا تلتفت للبعض البشر

واستمر ولا عليك من احد :وردة:


( ........ )
 
التعديل الأخير بواسطة المشرف:

صبا

عضو ذهبي
:)
بصراحة حده دمك خفيف ، و أسلوبك حده لطيف :وردة:

نسينا الإبتسامة في هالمنتدى بركات " أبو قتيبة " و معلقات الولاء مالته.
 
أعلى