بالصدفه واخيرا bubble t لقيته بالكويت (تقرير مصور)

[ريما القمر]

ماشا الله عليك ..

لايوقف عفيه..

ولنا زيارة للكافيه إن الله كتب ..

وياريت نقرا يومياتك .. :وردة:

وسلم لنا على خلّود ..


.


​

 

[بنت رجال]

ياطيب عيالنا والله .. الله يخليك لاهلك بارب

تذكرني باخوي كملل سوالفك تضحك

 

[الولييييد]

اي شي

 

[king]

الحمدلله ان هذا الكافيه موجود عندنا بالكويت ، حتى تروح له كل يوم وتصور لنا و تنقل لنا مغامراتك الشيقة ،،،،

استمر في هذا الصرح الجميل ،،، دمت بخير

 

[q8designer]

مشكورين حبايبي على الردود المشجعه سامحوني على التاخير الغايب حجته معاه ومن طول الغيبات ياب الغنايم هذا كلام اول ملوت ما ولهتوا علي ما شفت ولا رسالة بالخاص بس ما عليه اسوي حق روحي جو والله ردودكم جو لا ارض راحوا شسوي تعلمت املغ شوي

الحين ما بعد الغيبه اي شقولكم بسولفلكم عن الكفيه جهزوا النفيش والبيبسي
الايام الي فاتت كنت قاعد بالكفيه مره اشرب قهوه ومره شاي ومره عصير الله وكيلكم زدت 5 كيلو الكرشة خربت الديكور ادور شي اكتبه عنها بطلعلكم موضوع قوي وحركات فيه ارجع البيت ما ادري شقول مخي مشوش شلون ابدي شلون ابدي يا ربي ايه لقيتها
زور ابن الزرزور الي ذبح بقه وترسله سبعة جدور الله يرحمها ونيسة كانت اليوم فيني طاقه حركي حرج ابي احوس ابي اتحرك ابي افتر ما ادري شنو صاير فيني والحل مع هالطاقه الزايده طلعت بالحوش شسوي شسوي اي الهوز وارش الزرع وجني ما ادري اي صبي مر على البيت رشيته قاموا البنغاليه يعلمون بعض نص ساعه محد مر صوب البيت تمللت شوي جان اشوف واحد منخش يتحرك شوي شوي قلت هذا الي بحبله واخذ وضعية الاستعداد ماسك الهوز باليمين ومغمض عين ومبطل عين حق النيشان بين بني ادم الي منخش وعلى طول الطاقه زايده بسرعة ارمي طشرت عليه بالهوز نقوشي افا عليكم احسن واحد يرش ماي بالفريج
واسمع الصرخه الي هزت مشاعري وفؤادي وطيحت قلبي ابطني عليييييييييييوي شتسوي اوخ رشيت خالي وانا ما ادري تلفتني لعوزتني يا الي ما تستحي يا الي ويا الي وانا مبطل حلجي ما اقدر اقول شي خالي بعد لا اليوم الطاقه الزايده مو شي كشخت والنحشه الى الكفيه ليش الكفيه نهاية الموضوع راح تعرفون ليش الكفيه وليش اخترت هالوقت وشنو الي كان مشوشني كنت افكر شلون اوصل صورة عن معنى الكفيه الي قاعد ليش اوله اروحله شنو الي حببني فيه ليش من اخلص اشغالي في البيت اقول ابي اروح اهناك المهم اول ما وصلت لقيت شباب متيمعين الفتره الي غبت فيها كونت علاقات بين رواد هذا الكوفي شوب شافوني العالم تعال عليوي لا يفوتك تعال اقعد ما يدرون فيني طاقه ابي احوس لا ما ابي اقعد ابي اتحرك لا عليوي لا يفوتك السالفة فيها طاقة الاحجار نبي نعرفك بخووووش مره سمعت طاقه قلت لا الظاهر اليوم سالفتي طاقه بطاقه انثبرت على الكرسي نعرفك هناء الغانم مختصه في علم الاحجار والطاقه تشرفنا اختي وبدت الاخت تسرد معلوماتها عن عالم الاحجار وتسال انت برج شنو وانت يا فلان برج شنو وهذا علم قائم على مستندات وادله ودلالات وصرت يومها مستمع جيد قالتلي علي تتوقع شنو الحجر الي يناسبك قلتلها طبعا بلا شك حجر الجيري لازم قطة الويه واسوي روحي فاهم زين ليش حجر الجيري تقول انه يناسبك توهقت جان اعطيه الكنكلوشن مالنا لانه بيت يدي بيت حكومه جيري وبيتنا بيت جيري وانا اصغير كنت العب بالحديقه بشوت الكره شتلي جيريه وكسرت صبعي ولين اتنح دايم يقولي ابوي مخك جيريه قاموا يضحكون الربع لاني كسرت جو الرسميه ورقعت جذبتي بسرعه الحين فهمت شنو بكتبلكم ليش انا احب اقعد بهالكفيه لاني فهمت معنى الكفيه الي طلعوا فكرته عشان المعنى القعده الحميمه الي فيه كل فتره اروح اهناك اتعرف على شخص يديد تعرفت على صاحب المقهى وزوجته كبلز كويتيين افتحوا مشروعهم الله يوفقهم تعرف على صاحبة محل مساجي مره بغاية الشفافية ونيسه قعدتها ما تنمل اول ما تبدي تسولف اتطيح الميانه على طول دمها خفيف وحبوبه تعرفت على اسعد صاحب محل البريد تشوفه اول مره تقول عنه شالانسان الجدي بس لين تاخذ وتعطي معاه تلقاه انسان خلوق ولد عايله مثقف انسان لوجيك راعي منطق تعرفت على المصور مرزوق المضحي انسان راعي نكته وستايل كووووول تعرفت على واحد دقيق يركز بكل شي ويتفلسف وايد سوالفه حلوه بس لازم يكسر بالشي ويطلع عيب بس ما عليه خوش ريال هذا الي فاقده اشوف الجانب الحلو بالناس كل يوم اروح اتعرف على شخص يديد وشخصية يديده حتى اني ذاك اليوم رحت بيت لوذان مع صاحب الكفي شوب بالصدفه وتعرفت على المركز وبرامجه وانه مركز يساعد الشباب ويوفرلهم فرص عمل قبل بس يمر علي اسمه مرور هامشي طلعت كل طاقتي بالكتابه اليوم خلصت طاقتي وتوته توته خلصت الحتوته واتشوفوني بمغامرة ثانية من مغامرات علاوي بمكان ثاني يديد

تمت بحمد الله .....​

 

[بنت رجال]

الحمدلله مو جيرانكم ولا سايقنا يم بيتكم ..جان علووم بتصير ذبحه بهوزات الماي


ولكن طريقة السرد والتصوير رائعه فعلا ... ننتظر الجديد منك بارك الله فيك

 

[احمد لكويت]

شكله حلووو

 

[ريما القمر]

مشكورين حبايبي على الردود المشجعه سامحوني على التاخير الغايب حجته معاه ومن طول الغيبات ياب الغنايم هذا كلام اول ملوت ما ولهتوا علي ما شفت ولا رسالة بالخاص بس ما عليه اسوي حق روحي جو والله ردودكم جو لا ارض راحوا شسوي تعلمت املغ شوي


الحين ما بعد الغيبه اي شقولكم بسولفلكم عن الكفيه جهزوا النفيش والبيبسي
الايام الي فاتت كنت قاعد بالكفيه مره اشرب قهوه ومره شاي ومره عصير الله وكيلكم زدت 5 كيلو الكرشة خربت الديكور ادور شي اكتبه عنها بطلعلكم موضوع قوي وحركات فيه ارجع البيت ما ادري شقول مخي مشوش شلون ابدي شلون ابدي يا ربي ايه لقيتها
زور ابن الزرزور الي ذبح بقه وترسله سبعة جدور الله يرحمها ونيسة كانت اليوم فيني طاقه حركي حرج ابي احوس ابي اتحرك ابي افتر ما ادري شنو صاير فيني والحل مع هالطاقه الزايده طلعت بالحوش شسوي شسوي اي الهوز وارش الزرع وجني ما ادري اي صبي مر على البيت رشيته قاموا البنغاليه يعلمون بعض نص ساعه محد مر صوب البيت تمللت شوي جان اشوف واحد منخش يتحرك شوي شوي قلت هذا الي بحبله واخذ وضعية الاستعداد ماسك الهوز باليمين ومغمض عين ومبطل عين حق النيشان بين بني ادم الي منخش وعلى طول الطاقه زايده بسرعة ارمي طشرت عليه بالهوز نقوشي افا عليكم احسن واحد يرش ماي بالفريج
واسمع الصرخه الي هزت مشاعري وفؤادي وطيحت قلبي ابطني عليييييييييييوي شتسوي اوخ رشيت خالي وانا ما ادري تلفتني لعوزتني يا الي ما تستحي يا الي ويا الي وانا مبطل حلجي ما اقدر اقول شي خالي بعد لا اليوم الطاقه الزايده مو شي كشخت والنحشه الى الكفيه ليش الكفيه نهاية الموضوع راح تعرفون ليش الكفيه وليش اخترت هالوقت وشنو الي كان مشوشني كنت افكر شلون اوصل صورة عن معنى الكفيه الي قاعد ليش اوله اروحله شنو الي حببني فيه ليش من اخلص اشغالي في البيت اقول ابي اروح اهناك المهم اول ما وصلت لقيت شباب متيمعين الفتره الي غبت فيها كونت علاقات بين رواد هذا الكوفي شوب شافوني العالم تعال عليوي لا يفوتك تعال اقعد ما يدرون فيني طاقه ابي احوس لا ما ابي اقعد ابي اتحرك لا عليوي لا يفوتك السالفة فيها طاقة الاحجار نبي نعرفك بخووووش مره سمعت طاقه قلت لا الظاهر اليوم سالفتي طاقه بطاقه انثبرت على الكرسي نعرفك هناء الغانم مختصه في علم الاحجار والطاقه تشرفنا اختي وبدت الاخت تسرد معلوماتها عن عالم الاحجار وتسال انت برج شنو وانت يا فلان برج شنو وهذا علم قائم على مستندات وادله ودلالات وصرت يومها مستمع جيد قالتلي علي تتوقع شنو الحجر الي يناسبك قلتلها طبعا بلا شك حجر الجيري لازم قطة الويه واسوي روحي فاهم زين ليش حجر الجيري تقول انه يناسبك توهقت جان اعطيه الكنكلوشن مالنا لانه بيت يدي بيت حكومه جيري وبيتنا بيت جيري وانا اصغير كنت العب بالحديقه بشوت الكره شتلي جيريه وكسرت صبعي ولين اتنح دايم يقولي ابوي مخك جيريه قاموا يضحكون الربع لاني كسرت جو الرسميه ورقعت جذبتي بسرعه الحين فهمت شنو بكتبلكم ليش انا احب اقعد بهالكفيه لاني فهمت معنى الكفيه الي طلعوا فكرته عشان المعنى القعده الحميمه الي فيه كل فتره اروح اهناك اتعرف على شخص يديد تعرفت على صاحب المقهى وزوجته كبلز كويتيين افتحوا مشروعهم الله يوفقهم تعرف على صاحبة محل مساجي مره بغاية الشفافية ونيسه قعدتها ما تنمل اول ما تبدي تسولف اتطيح الميانه على طول دمها خفيف وحبوبه تعرفت على اسعد صاحب محل البريد تشوفه اول مره تقول عنه شالانسان الجدي بس لين تاخذ وتعطي معاه تلقاه انسان خلوق ولد عايله مثقف انسان لوجيك راعي منطق تعرفت على المصور مرزوق المضحي انسان راعي نكته وستايل كووووول تعرفت على واحد دقيق يركز بكل شي ويتفلسف وايد سوالفه حلوه بس لازم يكسر بالشي ويطلع عيب بس ما عليه خوش ريال هذا الي فاقده اشوف الجانب الحلو بالناس كل يوم اروح اتعرف على شخص يديد وشخصية يديده حتى اني ذاك اليوم رحت بيت لوذان مع صاحب الكفي شوب بالصدفه وتعرفت على المركز وبرامجه وانه مركز يساعد الشباب ويوفرلهم فرص عمل قبل بس يمر علي اسمه مرور هامشي طلعت كل طاقتي بالكتابه اليوم خلصت طاقتي وتوته توته خلصت الحتوته واتشوفوني بمغامرة ثانية من مغامرات علاوي بمكان ثاني يديد

تمت بحمد الله .....

​

قاعد تصور لنا الوضع بالكافيه مثل كافيه مسلسل فريندز ..

سالفه الحجر الجيري عجييييبه




.
​

 

[q8designer]

ريما انشاء الله بس ما يكون الجيري حجرج خو احنا ما نطلع لا من الجيري ولا من الصميه اليايات اكثر الحين فضبلتكم اجازه ماكو دوام

 

[World on Wheelz]

أنت مو نفس الشخص اللى يسوق حق نفسه بمنتدى المؤشر نت مال البورصه والأسهم ؟؟

خابر واحد كان يروج حق أسلوب جديد بالتسويق والأعلان عن طريق الغشمره والضحك والتصرقع ..

بالظبط نفس طريقتك وأسلوبك اللى أستخدمتهم بالتسويق حق الببل تى كافيه بموضوعك هذا ...

 

[q8designer]

هذا انا بكل مكان تلقاني

 

[شوفير]

شي جميل وغريب واكشن مو طبيعي ... شكراا لك من القلب

اتمنى التقرير الياي عن كوفي شوب فى الخفجي اسمه ( ارشيد ) زوره ولن تندم .. وما تشوف شر

 

[q8designer]

العفو شوفير وانشاء الله التقرير الياي راح يكون مو عن كوفي شوب مفاجأه ماني حارق الفلم