ذكرياتي في منطقة الجليب

افتخر فانت مطيري

عضو بلاتيني
هناك العديد من الذكريات التي أتذكرها في منطقة الطفولة منطقة الجليب

وكل يوم لي وقفه أتحدث عن تلك الذكريات وأتمنى من جميع أبناء منطقة

الجليب مشاركتي في سرد ذكرياتهم :وردة:


نبذه قصيره عن موقع بيتنا :كان بيتنا في شارع ضيق وكان بيت كبير وبناءه

جديد عكس بيوت الشارع ;)

مهدي المجنون :باكي:

من منا ينسى ذلك الشاب العراقي الطويل الاقرع ذو الاسنان المتقدمه الذي يقوم بحركات

عجيبه غريبه التي تدل على الجنون التام وكان يلقب في شارعنا بأسم (مهدي المجنون )

من مواقفي المبكيه والموجعه (يطقني ) سابقا مع الشاب اللطيف :(

قصتي مع سيارة عمتي الجديده : قامت عمتي بشراء سياره جديده وهي عباره عن( بوكس )

وكان ذاك الوقت كششخه حدها المهم ركبت انا وأخوي وولد عمتي اهل السيارة

المهم مهدي كان واقف عند السيارة يمشي باتجاهنا أخوي وولد عمتي

كانوا يصرخون مهدي المجنون وينخشون تحت الكشن وأنا راز وجهي أطالعه

يعيدونها وأدنق ولا قالوا الجمله لا دنقوا أنا رفعت حفظ وجهي عقب يومين

ثلاث كنت رايح عند بيت عمتي وعبال مايبطلون الباب مادريت الا الطراق اللي

فر وجهي 360 درجة :mad:

مهدي والقطاوة :

بيت مهدي كان يمه بقالة وكاسر دريشتهم اللي تطل على البقالة فكل ما

تمر قطوة يخنقها بايده يعني ماتشوفون الا ايده ويفرها بذيلة ويقطها بالممر

الضيق والممر هذا ماتمرون يمه من سبت ريحة القطاوة الميته .

فكانت الحسنه الوحيده فيه أنه قضى على القطاوه بالشارع .

لنا بقية .......

 

عجمي مطنوخ

عضو ذهبي
ههههههههههههههههه

يحليله مهدى اجل فاككم من القطاوة

يازبن الماظي

وايااام الطفولة

وتسلم ياطير شلوى على القصص الحلوة
 

افتخر فانت مطيري

عضو بلاتيني
ههههههههههههههههه


يحليله مهدى اجل فاككم من القطاوة

يازبن الماظي

وايااام الطفولة


وتسلم ياطير شلوى على القصص الحلوة
الله يسلمك
مهدي ياطويل العمر طلع مخابرات كان كل يوم العصر يطلع بجنطة ميكي ماوس ويركض يغط ساعتين ويرد وكنا نضحك عليه وبعض الشباب يعطونه واجباتهم ينسخ ويعطونه فلووس ويوم الغزو طلع رتبه ويمشي معاه مسدسه
 

السلطاني

عضو مخضرم
سوق العباسية القديمة .. ..

* القيصرية .. .. الجراك .. .. السندي .. .. الباصات الصفراء .. ..


* تسجيلات الوادي الأخضر .. .. عيسى / الصريخ / الليمون / فهد بن سعيد ( الوحداني ) / وأخيرا بنيان البذالي .. ..


* خياط الصباح



_ مشاهد خاصة لي بالعباسية وهي جزء صغير من ( الجليب ) .
 

افتخر فانت مطيري

عضو بلاتيني
سوق العباسية القديمة .. ..

* القيصرية .. .. الجراك .. .. السندي .. .. الباصات الصفراء .. ..


* تسجيلات الوادي الأخضر .. .. عيسى / الصريخ / الليمون / فهد بن سعيد ( الوحداني ) / وأخيرا بنيان البذالي .. ..


* خياط الصباح



_ مشاهد خاصة لي بالعباسية وهي جزء صغير من ( الجليب ) .


مامر عليك مهدي ؟
 

عجمي مطنوخ

عضو ذهبي
الله يسلمك
مهدي ياطويل العمر طلع مخابرات كان كل يوم العصر يطلع بجنطة ميكي ماوس ويركض يغط ساعتين ويرد وكنا نضحك عليه وبعض الشباب يعطونه واجباتهم ينسخ ويعطونه فلووس ويوم الغزو طلع رتبه ويمشي معاه مسدسه

يهبا الهكري طلع بالمخابرات
 

Ahmed Matar

عضو مميز
كان في بيت جدامنا مطيرجيه بس مااذكرهم بالضبط .


تعرف دوار أبو النـور

أو شارع الخيـاطين ..؟

أهم معلمين في هذه المنطقـه بالنسبـه لـ قطعه 3

أما بالنسبـه لقطعه 4

ما يحتـاج .. دوار بليس .. وشارع الشريفـات

..

أنزين تعرف عيـال غنيم المطيري :D
 

عجمي مطنوخ

عضو ذهبي
سوق العباسية القديمة .. ..

* القيصرية .. .. الجراك .. .. السندي .. .. الباصات الصفراء .. ..


* تسجيلات الوادي الأخضر .. .. عيسى / الصريخ / الليمون / فهد بن سعيد ( الوحداني ) / وأخيرا بنيان البذالي .. ..


* خياط الصباح



_ مشاهد خاصة لي بالعباسية وهي جزء صغير من ( الجليب ) .


والله من ايام اللي مضت

كل اللي اتذكرة في العضيلية

وسوق العباسية

اللي لونة فوووق

واذكر الشريط اشترية

من التسجيلات بربع دينار

وكان فنان ناسي اسمة

بس اغنيته مشهورة

انا نادم على ماراح من عمري

وصوته حلو مادري هو كويتي او عراقي

اول شريط اشتريه واسمعه والله ماانساه

ياعزاه هذيك الايام

بسس طلعنا منها واجنبنا لغاية ماشيبنا

والا ايام الماظي حلوة في العضيلية
 

افتخر فانت مطيري

عضو بلاتيني
تعرف دوار أبو النـور

أو شارع الخيـاطين ..؟

أهم معلمين في هذه المنطقـه بالنسبـه لـ قطعه 3

أما بالنسبـه لقطعه 4

ما يحتـاج .. دوار بليس .. وشارع الشريفـات

..

أنزين تعرف عيـال غنيم المطيري :D

لا والله أنا كنت صغير بس كنت أقعد مع اللي أكبر مني
وماأذكر الا شارعنا
 

Ahmed Matar

عضو مميز
لا والله أنا كنت صغير بس كنت أقعد مع اللي أكبر مني
وماأذكر الا شارعنا

أجل أسمحلي مامن ذكريـــات

أنا عشت فيهـا 15 سنـه

بعدين شدينـــا الرحال إلى محافظة الجهراء أنترشيونــال ستي

حبيت أشاركك الذكريـات .. لكن للأسف ماتذكر شئ

..

كم عمرك الحيــن ..؟ ( سؤال لك الحريه بتذوفه كيفما تريد )

 

افتخر فانت مطيري

عضو بلاتيني
أجل أسمحلي مامن ذكريـــات


أنا عشت فيهـا 15 سنـه

بعدين شدينـــا الرحال إلى محافظة الجهراء أنترشيونــال ستي

حبيت أشاركك الذكريـات .. لكن للأسف ماتذكر شئ

..

كم عمرك الحيــن ..؟ ( سؤال لك الحريه بتذوفه كيفما تريد )

الموضوع مفتوح عندك عجمي مطنوخ والسلطاني أتوقع ذكرياتهم أقدم
30 سنة
 

السلطاني

عضو مخضرم
والله من ايام اللي مضت


واذكر الشريط اشترية

من التسجيلات بربع دينار

وكان فنان ناسي اسمة

بس اغنيته مشهورة

انا نادم على ماراح من عمري

وصوته حلو مادري هو كويتي او عراقي

اول شريط اشتريه واسمعه والله ماانساه


[/B][/CENTER]


أعتقد إنك تقصد الفنان

كامل العجيل .. ..
 

السلطاني

عضو مخضرم
والله ما اذكر الاسم بالظبط

مادري يقولون محمد شهاب او شهاب محمد

تعرف كنت صغير وينقص علي بسرعه:eek:

ويمكن انت تعرفه او تتذكره اكثر منني

هالأسم ماهو غريب عليّ .. ..

وأتصور أنه مطرب مغمور .. .. يلبس غترة وعقال من غير طاقية .. .. وزلفه مغطي آذانه .. ..




* على فكرة .. .. حتى أنا ذاكرتي ضعيفة بسبب الأدمان على ( السلوم المغشوش ) .
 
أعلى