شاهدت على YouTube

الفراشة

عضو مخضرم
اليوم دشيت اليوتوب .. وحصلت فيديو لواحد كويتي اسمه "ستان" يسوي فيديوز ويتكلم عن مواضيع .. بس الولد انضغط ضغاااااااااااااااااااااط من شبابنا الموقر :)
ستان في المطعم: http://www.youtube.com/watch?v=m3AZXdmz-AA
الرد على نفس الفيديو: http://www.youtube.com/watch?v=W8V2f_OZL0s

ستان والخدم: http://www.youtube.com/watch?v=vb79OD_sh0c
الرد على الفيديو: http://www.youtube.com/watch?v=YO5v6o_jbzk

في جم واحد بعد ضغط "ستان" لأن بصراحة ملييييييييق بنظري :)

يخرب بيته حده سخيف( ستان )
 

Bello

عضو ذهبي
ستان يعمل لإصلاح ما يراه غير طبيعي
كافي إنه يتحرك بطريقته الخاصه لعل وعسى
أحسن من التنابل اللي يتحلطمون ويتشرهون وطايحين له حب شمسي بالديوانيه
 

مبندر

عضو فعال
ستان يعمل لإصلاح ما يراه غير طبيعي
كافي إنه يتحرك بطريقته الخاصه لعل وعسى
أحسن من التنابل اللي يتحلطمون ويتشرهون وطايحين له حب شمسي بالديوانيه



بالضبط عزيزي Bello.. :إستحسان:

أهم شيء أنه الشاب يتحرك ويعبر عن نفسه بالطريقه اللي يشوفها..
وعلى الناس الواعيه أنها تحاول تنصحه وتوجهه لخدمه البلد..

 

Doctor

عضو ذهبي
اهداء لعشاق الايام الذهبية للازرق
بحكم كوني بعيد عن البلاد ف الحل الوحيد لي هو التأمل بما هو قديم لاتذكر الايام الحلوة
أخليكم مع بوحمود المرعب
والله صج صج ايام تعور القلب
http://www.youtube.com/watch?v=K-cDYA6B-V4
 

مبندر

عضو فعال


الزميل العزيز ورفيق الكفاح Doctor..

تصدق نفس الحاله فأنا كذلك أبحث عن كل ماله علاقه بالكويت وذكريات الزمن الجميل.. فمن المؤكد أن للغربه والإحساس بالحنين للوطن الأثر في ذلك..

وأنت بهذا الفيديو قد ضغطت على الجرح..

آآآه يا بوحمود.. وين ذيك الأيام..؟

بوحمود من اللاعبين اللي أخلصوا للفنيله و للكويت.. فإستحق الحب والإخلاص ليس من الجماهير الرياضيه فقط.. بل من أهل الكويت كافه.. صغيرهم و كبيرهم.. شبابهم وبناتهم.. عيايزهم وشيابهم..

مع هذا الفيديو اللي يبين وفاء وإخلاص أهل الكويت لكل من يعطي ويخلص للكويت..
وهذه الكلمات الصادقه لبوحمود لدى عودته من رحلة العلاج..
وتستاهل يابوحمود..

متى يعود الجوهره..

http://www.youtube.com/watch?v=e4NBfyy8jWE

 

الفراشة

عضو مخضرم
عزاه ذيك الايام أيام جاسم والعنبري والدخيل وكميل وغيرهم

والله غصتني العبره وانا اشوف مقطع الازرق ومقطع متى يعود الجوهرة أيام كانت


أما وطن النهار في كل مره أسمعها لازم أبكي غصبن علي
الله يحفظ الكويت من كل شر
 

Doctor

عضو ذهبي


الزميل العزيز ورفيق الكفاح Doctor..

تصدق نفس الحاله فأنا كذلك أبحث عن كل ماله علاقه بالكويت وذكريات الزمن الجميل.. فمن المؤكد أن للغربه والإحساس بالحنين للوطن الأثر في ذلك..

وأنت بهذا الفيديو قد ضغطت على الجرح..

آآآه يا بوحمود.. وين ذيك الأيام..؟

بوحمود من اللاعبين اللي أخلصوا للفنيله و للكويت.. فإستحق الحب والإخلاص ليس من الجماهير الرياضيه فقط.. بل من أهل الكويت كافه.. صغيرهم و كبيرهم.. شبابهم وبناتهم.. عيايزهم وشيابهم..

مع هذا الفيديو اللي يبين وفاء وإخلاص أهل الكويت لكل من يعطي ويخلص للكويت..
وهذه الكلمات الصادقه لبوحمود لدى عودته من رحلة العلاج..
وتستاهل يابوحمود..

متى يعود الجوهره..

http://www.youtube.com/watch?v=e4NBfyy8jWE


عزيزي مبندر
والله عورت قلبي على اغنية بو حمود
ومثل ما ذكرتني بشي راح اذكرك اب شيء
اخليك مع هذا المقطع لاغنية عزيزة على قلب كل كويتي
http://www.youtube.com/watch?v=R5nj6s5klM0
 

wazer

عضو فعال
السلام عليكم اخواني الاعزاء ارجوا ابدا رايكم في بعض اللقطات اللى انا حاطها الyoutube

ارجو التعليق ومنكم نستفيد
للبحث ضع كلمه wazer71
وشكرا
 

مبندر

عضو فعال


الزملاء والزميلات أشكركم على تفاعلكم جميعا مع الموضوع..

الزميل العزيز Daisuke..

مشكور على المقابله تحس فعلا المشاعر صادقه..


الزميل العزيز يا كويت..

خوش غنيه كلماتها راكبه عليهم عدل.. :إستحسان:
المصريين إذا شتهوا يستلمون أحد مشكله..


زميلتنا العزيزه الفراشه..

راحت ذيج الأيام.. أيام العصر الذهبي.. صج تحسهم غير.. رياييل بالملعب وبره الملعب.. يمكن ترجع الإنجازات والميداليات مره ثانيه.. بس الروح اللي كانت موجوده صعب..

خوش شعر عن حسني.. :إستحسان:


أهلا يا Doctor..

شفت العالم اللي بالإغنيه..؟ :)
يستاهل بوحمود..

عاد عندي مقطع ثاني "يبجي" بس بخليه حق تالي ولازم العزيز بونوره يحضر ويشوفه.. أدري فيه راح يبجي.. :p

مشكور على أغنية وطن النهار صج تذكرنا في أيام "مره وحلوه".. بس ترى زميلنا Daisuke سبقك وحطها.. ;)


عزيزي wazer..

وهل يخفى القمر.. إي مار عليهم من قبل.. خوش شغل.. :إستحسان:
كثر لنا منهم..


الجمبازي شلونك..؟
ثبت الصقر لما يقوله "من عنه عيل..!!؟" (00:16) ثبت على ويها.. :D
طبعا السعدون دخن فيه.. :cool:


 

مبندر

عضو فعال


يايب لكم فيديو عجيب..

لقاءات مع المواطنين والمقيمين من برنامج إستراحة الجمعة أقيمت معهم قبل الغزو العراقي بشهر واحد..

سؤال البرنامج يقول: ماذا تفعل لو إمتلكت قوه عظمى وخارقه..؟

سمعوا الإجابات.. (وخلوا فبالكم إنها قبل الغزو بشهر)

http://www.youtube.com/watch?v=g3_hmUyXS_8

الله يحفظ الكويت.. :)

 

النابغة

عضو بلاتيني
لقاءات مع المواطنين والمقيمين من برنامج إستراحة الجمعة أقيمت معهم قبل الغزو العراقي بشهر واحد..

أكثر شي لفت إنتباهي في هالفيديو - بعد مداخلات المواطنين و المقيميين - هو نسفات غتر الكويتيين و قصات أشنابهم!

اللي لابس غترته من دون طاقية ... و اللي الشنب مغطي ثلاثة أرباع وجهه!! :)

إييييه ... أيام!!

ودمتم.......
 

مبندر

عضو فعال
أكثر شي لفت إنتباهي في هالفيديو - بعد مداخلات المواطنين و المقيميين - هو نسفات غتر الكويتيين و قصات أشنابهم!

اللي لابس غترته من دون طاقية ... و اللي الشنب مغطي ثلاثة أرباع وجهه!! :)

إييييه ... أيام!!

ودمتم.......



تسلم يا النابغة و شاكرلك تفاعلك..

إي ثبت الزقرت مال أول شلون كان..

الله يازينهم..


 

مبندر

عضو فعال
اعزائي لقطة من أجل الاجيال القادمة
تبين ماحصل في القمة العربية ابان الغزو العراقي الغاشم
شاهدوا من كان مع الكويت ومن كان ضد الكويت
http://www.youtube.com/watch?v=P5B_PAk1rmc



أهلا يا Doctor..

هذا الفيديو للتاريخ وهذه القشه التي قصمت ظهر البعير وأنهت مفهوم القوميه العربيه من قاموس الكويتيين..

بس شفت شلون حسني مبارك يزفهم و "كروت" الموضوع بسرعه..
يعرف لهم همج ما ينفع وياهم إلا هالطريقه..
لا ويقولهم "القرار لا ح يودي ولا ح يجيب.. بس خلونا نخلص.."
آل جامعه عربيه آل..

وال*** القذافي ينابح يبي يسقط القرار..

ما جذب مظفر النواب لما قال فيهم..

أولاد الق*** لستُ خجولا حين أُصارحكم بحقيقتكم..
إن حضيرة خنزيرٍ أطهرُ من أطهركم..


لا تقاطع يا "دوكتر".. :إستحسان:


 
أعلى