فهد العنزي والسوحي والمشعان ؟!

[صديق دروقبا]

الضجه حول فهد العنزي ( بلا شك لاعب ممتاز ) انست البعض عبدالعزيز المشعان ...

بالنسبة لي افضل المشعان ..

وانا كذلك افضل.. بدر المطوع

 

[صديق دروقبا]

لا بالله احسن ومنو المحللين الي تقصدهم ؟

الي على قناة ابوظبي ولا الكاس ؟!!

اقسم بالله بأن كاتب الموضوع افضل راي منهم كلهم بلا اسثناء

واليوم شوفو عنزيكم هذا شراح يسوي ؟

وهذا الميدان يا حميدان

مو مع اليمن او قطر تحكمون عليه

شكرا نو بروبلم لدفاعك عني بطريقة ( الليبرو )

 

[صديق دروقبا]

موضوعك جاء بالصميم

راح تتذكرون مستواه الحقيقي مستقبلا

العنزي نفعه انه لعب امام منتخبات ضعيفه ورديفه

وساعده الاعلام المتسلط عليه

وحماسه الزايد

لكن مستقبلا راح يظهر مستواه الحقيقي وهو اقل من العادي

ركازي انت لست عضو بلاتيني فحسب.. انت ميشيل بلاتيني:إستحسان:

 

[خلك طبيعي]

ولله انا معااااااك 100 %

مستغرب من الضجه الأعلاميه عليه ...


.

غيره مهنه بكل تأكيد
تحبطون بالمواهب ليش؟
صراحه انا من زمان ما اتابع المنتخب حفاظاً على صحتي و على ضغطي لايرتفع والله اكلمك صحيح
صديق لي حاشه ضغط والسبه المنتخب
اليوم شفت المباراة وشفت لعب فهد العنزي بصراحه لاعب أفضل من السوحي
وأفضل لاعب بعد التحرير
اذكر مركزه يمسكه مؤيد الحداد ولكن مؤيد فشقه مو مرواوغ نفسه
فهد العنزي لاعب الله يستر عليه
ويستحق الضجه
اذا سوا شي بعد شوي

 

[صديق دروقبا]

للاسف الحسد عمى عيونا ، ونستمتع عندما نكسر مجاديف الناس الناجحة والمواهب ، استغرب من اللي اسرد لنا وجهة نظره لكن بالاخير قلل من قيمة اللاعب ، ياخي قول رايك وتحليلك لكن لا تقلل من مستوى هذا اللاعب او ذاك ..

حضرتك لست افضل من اعين الاوروبين ونظرتهم الثاقبة للاعبين ومستوى مهاراتهم ، فهد العنزي فرض نفسه وهو في نادي لا تسلط عليه الاضواء الاعلامية مثل القادسية او العربي ..

فهد العنزي اثبت مستواه ليس في كاس الخليج ، اذا حضرتك لم تتابع بطولة غرب اسيا فأنصحك بمشاهدة بعض اللمحات الفنية لفهد العنزي في تلك البطولة ولاتي خطف الاضواء فيها من ثاني مبارات لمنتخبنا ، وهو اللذي ساهم بشكل كبير في بلوغ نهائي البطولة والفوز بالكاس ولا قصور بباقي اللاعبين المميزين مثال المطوع والمشعان وغيرهم ، وحاز فهد العنزي على جائزة افضل لاعب في بطولة غرب اسيا ، ثم عاد ليمتعنا بكاس الخليج واتمنى ان يكمل هذا المستوى الراقي والله يحفظه من عيون بعض الحساد .

انت تراه انه لفت انظار الاوربيين على حد قولك وانا اراه ( بنص عين )
ولكل منا وجهة نظره

 

[صديق دروقبا]

يااخوان كل انسان يدور مصلحته ويبديها على الغير ​

والاعب فهد العنزي مابذل الجهد وعطى من نفسه الاعلشان في المقام الاول يحصل على الجنسيه ويسنع أموره وهذى الشي حق مشروع له ​

والدنيا أخذ وعطا​

صح الدنيا اخذ وعطا وبلغة الكورة ( هات وخذ ):هدية:

 

[يعقوب الشمري]

اشرايكم اليوم بفهد

اتمني تعترفون انه الافضل

مبروك للازرق وعقبال الكاس

 

[jassem]

غيره مهنه بكل تأكيد
تحبطون بالمواهب ليش؟
صراحه انا من زمان ما اتابع المنتخب حفاظاً على صحتي و على ضغطي لايرتفع والله اكلمك صحيح
صديق لي حاشه ضغط والسبه المنتخب
اليوم شفت المباراة وشفت لعب فهد العنزي بصراحه لاعب أفضل من السوحي
وأفضل لاعب بعد التحرير
اذكر مركزه يمسكه مؤيد الحداد ولكن مؤيد فشقه مو مرواوغ نفسه
فهد العنزي لاعب الله يستر عليه
ويستحق الضجه
اذا سوا شي بعد شوي

اى غيره واى تحبط انت شقاعد تخوره ؟؟

ماحبطنه فى ولدنا بالعكس ونعم فيه ويعتبر مكسب لنا .بس المقصد انه المفروض فى المنتخب مافى لاعب كبير واحد كلهم كبار اذا عندنه فهد العنزى كل المنتخب فهوود .

 

[تورينو86]

انا اشوف
اللاعب ممتاز ويقدم مستويات ممتازه في بطوله كأس الخليج
دوره الهجومي قايم فيه على افضل وجه ، ومساندته الدفاعيه جيده
توزيعه للكرات حلو ، رفعاته حلوه نظرته للملعب حلوه ولمساته احلى ..
باختصار ظهوره مع المنتخب الكويتي في كأس الخليج راائع واكثر من رائع
اذا بالمستقبل طاح مستواه فهالشي ما يعني انه لاعب سيء
فهد العنزي يمتلك المهاره وطريقه لعبه مميزه .. وهالشي حلو وكان ينقصنا بالمنتخب..
اما بالنسبه للأبداع مع المنتخب او الفريق
فوايد لاعبين عالمين ما يقدمون المستوى المطلوب منهم مع المنتخبات وتلقاه مع النادي مبدع والعكس صحيح ...
اتمنى انكم ما تبخسون حق اي لاعب
ولا تتنبؤون بمستقبل اي لاعب
شاكرلكم

 

[الجوكر العظيم]

اليوم كان المشعان افضل او بالاحرى اكثر ظهور
لكن يعيبه العصبية الزايدة الي كان ممكن ياخذ فيها طرد
..
فهد اليوم اثبت انه نجم و لاعب له موهبة نادرة
وجاب لكم التعادل شتبون بعد ؟
..
فهد و عبدالعزيز
الاثنين مهمين
و
الاثنين حرام تضيع مواهبهم في الدوري الكويتي

​

 

[عروس الخليج]

انت تراه انه لفت انظار الاوربيين على حد قولك وانا اراه ( بنص عين )

ولكل منا وجهة نظره​

تراه بعين او نص عين شدعوه احد درا عنك انت وجهك

يكفي خطف انظار كل الخليج ​

وانت ماخطفت حتى نظر خدامتكم ​

رووح نام بس ​

تفلسف زايد مانبي ​

نجوم كفوا وفوا ​

والعنزي بدع ولعب بمهارات وفن وبشهادة جميع المعلقين الرياضيين واصحاب الخبره ​

مو انتو حتى بالسكه ماتعرفون تلعبون وجايين تتفلسفون :إستنكار:​

​

 

[أحمد محمد حمد]

تقييمي للاعبين المنتخب الكويتي في مباراة العراق وأرجو أن لا يزعل التقييم أحد من الزملاء في الشبكة الرياضية ..

نواف الخالدي 6
محمد راشد 5
عامر معتوق 7
حسين فاضل 9
مساعد ندا 7
طلال العامر 9
جراح العتيقي 6
عبد العزيز المشعان 9
بدر المطوع 9
فهد العنزي 7
يوسف ناصر 6
فهد عوض 9
فهد الأنصاري 7
حمد العنزي 6​

 

[abo_ahmad_k]

فهد خوش لاعب مهاراته حلوه ولمساته للكره حلوه

لكن يعيبه شئ واحد بس الاستعجال

لو يتركد ما يستعجل بالكره الاخيره يطلع بنظري سوبر

لكن ماكو لاعب كامل

كل لاعب له عيب شرعي

ونصيحتي لفهد لا تقعد بالدوري الكويتي وتخطأ خطأ

ناصر السوحي الله يرحمه انحش يافهد والعب برا وانت الربحان << برا راح ينمون مهاراتك اكثر واكثر

مبروك التاهل للنهائي وان شاء الله نبارك بالفوز بالنهائي

 

[Q8bdooon]

بدينا بالحسد يبا لاعب ممتاز وصراحة يستاهل انة يسلط علية الضوء
وحتى باجي الاعبين المطوع
ونواف الخالدي
والمشعان ممتازين
وحتى أحمد عجب اخذ من النجومية وتسليط من الاضواء مايكفي

فابسكم حسد وخلو الرجال يقدم الي يقدر علية ولا علشان انة بدون حبيتوا تكسرون مجاديفة

 

[عزيزة النفس]

الله يوفقه باعتراق الجميع فهد العنزي ماشاء الله افضل لاعب بهالبطوله

وسبق وحاز على افضل لاعب فبطولة كأس غرب اسيا

فهد ممتاز واتوقع له مستقبل وقدم مستوى طيب اليوم وجاب لنا الهدف الثاني

الله يوفقه ولا تنقصون من قيمة الاعب موهبته بارزه والشمس ما تتغطى بمنخل

 

[حسين]

فـكأنني بالرمح أضرب قائلا .. الأرض أرضي والزمان زمانية

-​

 

[عروس الخليج]

فـكأنني بالرمح أضرب قائلا .. الأرض أرضي والزمان زمانية ​

-​

كفوووووووووووووو عليكـ :إستحسان:

هذي الناس الفاهمه

مو الجهال والعرقرق اللي مايدرون وين الله قاطهم بس نبي نسولف وبس