« غ ـريب الأطوآر »
عضو ذهبي
http://www.youtube.com/watch?v=KMxaEj_dW08
-
-
-
-
-
-
-
دمـوع وصمـت حارتنـا سنيـن وشايـب ٍ تعبـان
حكايه من صباح السالـم وقصـة علـي المنصـور
على المنصور طفل ٍ مـات متناثـر علـى الجـدران
ولاشفنا مـن أشـلاءه سـوى راس وجسـد مبتـور
فـي ليلـه داميـه أمطـر سحـاب ودمهـا هتـان
على أرض الطفوله وأرتوى مـن هالعـذاب صـدور
قبل عشرين عام أذكر صـراخ أطفـال وصـوت أذان
وأشوف الصـوره بعينـي وهـذي قصـة المذكـور
سمعنـا شـي يتفجـر ووصلـت للسمـا النـيـران
وجينـا نركـض وشفنـا علـي متقطـع ومنـثـور
وقفت من الذهـول وبرطمـي يرجـف وانـا بـردان
وأحس الأرض مـن تحتـي تشقـق جلدهـا وتفـور
وضميته وأنـا أصـرخ علـى المنصـور يالخـوان
تمـوت وحنـا متفقيـن بـأنـي قبلـكـم مقـبـور
علـي المنصـور كلمنـي وقلـي ياأخـي غلـطـان
ياخوي أنت الصغيـر ولاتجـي مـن قبلنـا بالـدور
أمانه قوم وقـول أضحـك عليكـم خـادر ونعسـان
حرام الناس من حولك تصيـح ويشهـق العصفـور
دخيلك قوم وخـل نلعـب ترانـي ضايـق وطفشـان
ترى صلحت سيكلنـا جديـد الحيـن ومـو مكسـور
يالله عـاد قـم غسـل علـى وجهـك بقـع دمـان
بسرعه يالله والحقنـي وجيـب ألـوان أو طبشـور
نبي نكتب علـى الجـدران عـز "مطيـر والعتبـان"
وأبرسم لك شكل جيتي وأبكتب " يازمـن مشكـور"؟
علي .. وين الشخط مدفون هو مـع علبـة الدخـان
أمانـه قـوم بندخـن قبـل يطلـع علينـا الـنـور
أبـوي اليـوم معطينـي ربــع ديـنـار للـدكـان
وأخذت علوك عـن ريحـة زقايرنـا وجبـت بخـور
علـى المنصـور قـم تكفـى طلبتـك بالله الرحمـن
نبي نرجع نعيد مـن العمـر أيـام وبعـض شهـور
علي المنصور تذكر يـوم أبـوق حمـارة الجيـران
وأروح المدرسـه فـوق الحمـاره وأدخـل الطابـور
وأنته طايح وتضحك ويضحـك " نايـف السكـران "
وأنا يلحقني الحارس وأهج أطمر مـن أقـرب سـور
علي المنصور تذكر حلمـك وحلمـي أنـا وش كـان
تواعدنـا بإنـك ضابـط الشرطـه وأنـا الدكـتـور
وفعلا ً صرت أنا الدكتور " دجـه " مفلـس وفقـران
جريح الوقت " وأتسكع " بأرض الشعـر والجمهـور
علـي ياصاحبـي بعـدك سكنـت بعالـم الأحـزان
نسيت الضحك وشلونـه فـلا ضاحـك ولا مسـرور
مع موتك رحل جابـر وباقـي منـه بعـض إنسـان
عيون وشعر وشعر أبيض وصمت وخافـق ٍ مقهـور
قبل عشريـن عـام الحـزن جانـا وعندنـا لـلآن
سكـن فـوق الرصيـف ويلتحـف أبوابنـا والـدور
تشيب الحاره " الطرما " بـدون أصـوات للورعـان
ماغير وجيـه تعبانـه وشـارع منطـوي مهجـور
ولابـه غيـر عصفـور ٍ يجـي ويرتـل الـقـرآن
على غصن الشجر يوقف " وأحلف " إنه علي المنصور