.. Cinema .. cinescape.. الأفلام الجديدة ..

[ريما القمر]

رحت فلم ليمتلس .. اللي امدحولي اياه ..


فكرة الفلم اكثر من روعه ..
بس المؤلف ما عرف اشلون يوظفها عدل ..
زائد ان النهايه .. مش ولابد .. وماصخه .. ومالها طعم ..

​

داخله أشوف لي فلم أروح له ..

بس اهو اللي شكله يفتح النفس ..

.
​

 

[مطمئن]

Scream 4


بينزل بأمريكا عقب باجر

وعلى أساس ان بينزل بالكويت باجر 14-4

بس اختفى من موقع سينسكيب فجأة...

شالسبب؟!





http://www.scream-4.com/#/connect

موقع الفلم الرسمي

 

[Fire wall]

حاليا Fast and Furious

مع الجزء الخامس وفان ديزل يستمر بالصدارة

 

[الـهـآرف]

قرآصنة الكآريبي 4 صخر يآ جمآعة

ومآ انصحكم تشوفونه بالسينمآ لانهم شآيلين نص الفيلم

جيبوه طلبية من الآيبآي بصيغة فلم بلو رآي عآلي الوضوح وشغلوه على دي في دي HDD و أل سي دي فيليبس دوبلي

وبلآ أيمآكس بلآ بطيخ

وأدعولي


​

 

[k7elan]

​

قرآصنة الكآريبي 4 صخر يآ جمآعة​

ومآ انصحكم تشوفونه بالسينمآ لانهم شآيلين نص الفيلم​

جيبوه طلبية من الآيبآي بصيغة فلم بلو رآي عآلي الوضوح وشغلوه على دي في دي HDD و أل سي دي فيليبس دوبلي ​

وبلآ أيمآكس بلآ بطيخ ​

وأدعولي ​

شفته بالسينما , كله مقطع


الفلم برايي انه عادي

 

[عذاري]

انا شفته بعد بس ماكان بالمستوي اللي توقعته له

اتوقع انه اسوء جزء لجوني ديب​

 

[سايروس]

​

The Extraordinary Adventures of Adèle Blanc-Sec 2010​

فلم فرنسي جيد فنتازيا جميلة
تقيمي 8 / 10​

 

[سايروس]

Sucker Punch 2011
اللي يشوف التريل يقول الفلم شي لكن الواقع عكس فلم فاشل وممل لأبعد الحدود
تقيمي الشخصي 0 | 10 ​

 

[سايروس]

​

بأختصار الممثل هذا توأم ستيفن سيغال 2
كالعادة نهايت الفلم معروفة بل كل افلامة نهايتهم معروفة
تقيمي 4/10 عشان الاكشن بس ​

 

[Modest]

فلم حده حلو وضحك ووناسه

صحيح في تقطيع ، لكن معذروين لازم يقطعون ​

 

[Aragon]

​

بأختصار الممثل هذا توأم ستيفن سيغال 2
كالعادة نهايت الفلم معروفة بل كل افلامة نهايتهم معروفة

تقيمي 4/10 عشان الاكشن بس ​

وانا بعد أعطيه أربعة.. الفلم حده مقطع !!

 

[ريما القمر]

طبعاً رحت له ..

مع إن هالنوعيه من الأفلام ما تستهويني ..

لكن جوني ديب يستهويني ..






the hangover part ii

حلو ..

شخصياتهم حلوة وتضحك خصوصاً ..

بس حيل حيل مقطع ..






.

​

 

[إنفصام]

طبعاً رحت له ..

مع إن هالنوعيه من الأفلام ما تستهويني ..

لكن جوني ديب يستهويني ..

الفيلم كان ماشي حلو
بس بدأ التقطيع مع بداية دخول الحوريات

ينعنهم احرقو الفيلم

 

[ريما القمر]

الفيلم كان ماشي حلو
بس بدأ التقطيع مع بداية دخول الحوريات

ينعنهم احرقو الفيلم

عن نفسي طول ما جاك سبارو موجود ..الفلم ماشي حاله ..

اعتقد إني استمتعت أكثر منك ..

خوش فيس

.​

 

[المطيريه]

طبعاً رحت له ..​

مع إن هالنوعيه من الأفلام ما تستهويني ..​

لكن جوني ديب يستهويني .. ​

كنت بحجز لعيالي اليوم ... ومن باب المصعد اللي قبال سينما الافينيوز شفت زحمة موووو طبيعيه

احترمت نفسي ..وفوق تحت رجعت ..تالي انتبهت ان اليوم الاثنين

 

[ريما القمر]

كنت بحجز لعيالي اليوم ... ومن باب المصعد اللي قبال سينما الافينيوز شفت زحمة موووو طبيعيه

احترمت نفسي ..وفوق تحت رجعت ..تالي انتبهت ان اليوم الاثنين

اي ماشاالله زحمه ..

احجزي من النت أحسن ..

بس لاتروحين عروض الـ imax نظاراتهم تعور العين ومو واضحه ..

وفوق هذا سعرها يوم الاثنين بدون خصم ..



.

​

 

[k7elan]

the hangover part ii​

حلو ..​

شخصياتهم حلوة وتضحك خصوصاً ..​

بس حيل حيل مقطع ..​

.​

بعد نص ساعه راح يبدي الفلم في الافنيوز <<للشباب بس

عشر دقايق عن بيتنا

و الاماكن نص ممتلية

فلما فكرت فيها و قريت كلامج

هانغ اوفر و بتايلند !!

راح يطلع لي اكثره مقطع

 

[ريما القمر]

بعد نص ساعه راح يبدي الفلم في الافنيوز <<للشباب بس

عشر دقايق عن بيتنا

و الاماكن نص ممتلية

فلما فكرت فيها و قريت كلامج

هانغ اوفر و بتايلند !!

راح يطلع لي اكثره مقطع

عليهم قطات حلوة ..

وأكثر المشاهد سبب القص يكون " الكلام " ..



.​

 

[خـالد]

شفته برى الكويت ذي هانق اوفر 2 ، الله من تقطيع راح يصير بهالفلم.

 

[بــ يوسف ــو]

هالفلم شفته .. و شفت معاه الجزء الاول ..

اول جزء نفس الطريقه .. يسكروون بفندق بلاس فيغاس ..

بس جزء الثاني ابداع و مواقف تضحك .. اكثر من الاول ..

//​