فيغا الكبير
عضو فعال
مقدمه
بصراحه أنا أبي أتكلم عن تلفزيونات قبل والتلفزيونات الي نشوفها حالياً بكل بساطه وسبب الموضوع
أني شفت أحد الأخوان كاتب أن تلفزيونات ثلاثية الأبعاد تأثر بالعين.
فكرة التلفزيون قبل بكل بساطه :
كان هنالك مشكله في قراءة التلفزيون للأشاره فكانت ترسل الأشاره analog يعني موجه جيبيه
وهذي الموجات ترسل عن طريق الأريل عشان جذي كنا نشوف قبل الأريل بكل بيت
لكن ماكنا نقدر نستقبل قنواة الدول الأخرى ليش لان الموجات الجيبيه ليس بعيدة المدى
يعني ما نقدر نوصلها لدول ثانيه ومكلفة جداً هذه العمليه
عاد قعدوا بينهم وبين نفسهم قالوا لازم نتقلب على هذي المشكله شلون ؟
قالوا نحول الموجه من analog إلى موجة ديجتل ونرسهم عبر الفضاء وتنعكس من القمر الصناعي
ويستقبلها أي ريسيفر أستقبال بأي دوله والعمليه غير مكلفه بالمقارنه قديماً
هذي مقدمه بس ابين لكم شلون طلعت القنوات وأنتشرت بقوه كبيره
ونقدر نقول أن لها علاقه كبيره مع تلفزيونات المتطوره مثل LCD و PLASMA و 3D
عاد الحين السؤال ؟
هل تلفزيون 3D ضار بالعين
ياجماعة أول ماقريت وتتبعت الموضوع بشكل جيد، بصراحه حسيت أني غبي أو بالاحرى
الطبقه الي مثلي ومثل حلاتكم أغبياء
ليش ؟
الي شفته أن طريقة عمل التقنيه تعتمد أعتماد كبير على تركيبة عين الأنسان والنفسيه
يعني أرضاء غاية الأنسان مع شوية تقنيه ذكيه
يعني مثلاً
الياهل يقول حق أبوه أبي يبا أبي أروح البحر ثاني يوم يجيب له حوض سباحه
عشان يسكته
شلوووووووووون ؟
يعني الحين أنتوا الحين جميعكم تشوفون الأشكال ثلاثية الأبعاد صح
أوكي صح بس ليش ما أشوف التلفزيونات العاديه ثلاية ابعاده
نشوفها بعدين
هني السؤال الصح الي لازم نجاوب عليه ؟
بداية تصل إلينا الصوره مشوشه يعني من غير نظاره مانشوف شئ
نشوف صوره مبعثره ومامنها فايده
والهدف من النظاره تجميع الصور بأبعادها الثلاثيه
أحنا نتملك عينين نشاهد بهم العالم وتكون هالعيون متصلات مع بعض البعض
يعني إذا أنسان كان في ضعف بنظره في عين وحده لا بد مع مرور الزمن تتأثر العين الأخرى
ولذلك يلبس نظاره للعينين
يعني مو معقوله يلبس نظاره وحده بعدسه وحده لعين وحده ( شفيني على وحده )
المهم التقنيه هنيه شتسوي
يفصلون العينين عن بعضهم ويتركون كل وحده تشاهد من زاويه محدده على حسب المشهد
والنظاره تقوم بذلك طبعاً
وبجذي كل عين تشوف جه معينه تختلف عن الأخرى نهائياً
يعني ؟
لمن تشوف مسمار معلق بالطوفه وتسكر عينك اليسار وتركز شويه
بعدها تبطل عينك وتشوف المسمار بالعينين راح تشوف الوضع تغير
لانك تشوفه من مع أنها بعدين فقط لكن العينين تندمجان مع بعض وتعطيك هالبعدين
وهالتقنيه تمنحك منظور من ثلاث زوايا
الخلاصه وعن الحجي الزائد
تشويش الصوره بزوايا معينه والنظاره تجمع الصوره وتفصل العينين عن بعض
وأضافة لونين أزرق وأحمر
وهي الشئ ضااااااار جداً للشبكيه وللعين ككل مع مرور الزمن
يعني تخيلوا فصل العينين عن بعض
وخصوصا أن التقنيه موجوده بكل بيت حاليا
وممكن الشخص يشوف فلم يوميا وهذا خطر جداً
اعتذر اذا كان فيه أخطأء
المعلومات تحصلونها هني
http://www.best-3dtvs.com/guides/how-3d-tvs-work/
http://www.howstuffworks.com/3d-tv.htm
http://www.popsci.com/gadgets/article/2010-01/its-about-time-3-d-comes-home
http://www.buzzle.com/articles/watching3d-tv-could-be-harmful.html