سؤال وجواب عقد تأجير اسطبل في كبد كيفيه الطريقه؟؟

بلوت

عضو فعال
يااخوان انا ابأجر اسطبل

عشان اظمن حقي ابسوي عقد مع صاحب الاسطبل عشان مايضيع حق احد

او ممكن الاسطبل مو ماله


ابسوي عقد سليم بالمره

وين اروح بالضبط ؟؟؟؟؟؟؟؟

هل يوجد مكتب عقاار في جبد ؟؟



وسؤال بسيط

كم تتراوح الاسطبلات بجبد الشهري؟؟؟

( للعلم اباخذ شهري )

:وردة:​
 

مساعد الشويب

عضو بلاتيني
بسم الله الرحمن الرحيم

شوف اخوى بنسبه لو نبيها بلقانون الاجار ممنوع بنسبه للأسطبلات وخلافه

ولكن هذا ليس المهم

الاسطبلات تنقسم من حيث التأجير الى 3 انواع اى وهى

1- اسطبل كامل
2- نص اسطبل
3- ربع اسطبل
وعلى حد فهمى لموضوعك بأنك تقصد اسطبلات الخيل الى اهى فروسيه الفروانيه

اسطبل كامل اخوى على حسب اذا كان مأثث بلكامل اهنى يكون غالى يوصل 300 تقريبا

اما اذا كان غير مأثث مابين 250 الى 220

اما الربع مأثث ولا غير مأثث ما يتعدى الــــ150

من ناحيه تبى تضمن حقك لاتروح الى مكاتب العقار المتواجده فى منطقه كبد لنها غير منصفه

اذهب للمالك مباشره وطريقه التأجير اذا كان شهرى

تتفق انت وياه على احدى هذه الخيارات

1- وصل مقابل كل اجار تدفعه مع العلم لاأحد يفعلها ودائما تكون المور وديه لنه هو شخصيا خائف ان يسحب منه لنه مؤجر ومع هذا نعود الى اول كلامى بأنه ممنوع بلقانون ولا يجوز ويتعرض الى السحب


الاختصار

الامور دائما تكون وديه ويستحسن ان تتفاهم مع المالك مباشر

اتمنى انى اكون ساعتك وشكرا
 

مساعد الشويب

عضو بلاتيني
يعنى افهم من كلامك يطويل العمر انكم مسوين قطيه وخالصين

وجل اجرو نص اسطبل او ربع بعد وتلقاه مأثث وخالص ومن دون عقد ولا شى وراح يطلب بطاقه

واحد فيكم عشان يظمن حقه لاسمح الله وتوكلو على الله ومافى الا الخير انشالله

مأثث ولا غير مأثث ربع سطبل على 150 ونص اسطبل ما يتعدى 220
 

عاشق ومفلس

عضو ذهبي
انا مأجر واخذ مني الكلام الاكيد الاسطبل او الجاخور مافيه عقد العقد يكون بشكل ودي مستحيل يسويلك عقد لان اذا سوالك عقد ينسحب الجاخور منه لانه ممنوع لانه الارض موملكه والاجار على حسب الامتار انا 1200متر مأجره 350 اذا فتره الصيف يوصل 200
 
التعديل الأخير:
أعلى