*الشاعر عامر بن نوطان المري *

[غير البشر]

هو عامر بن حمد بن نوطان أل جابر المري ..
وهو ابن العقيد
والفارس المعروف حمد بن نوطان المري ..
من فرسان قبيلة يام العريقة ..توفي شاعرنا
في عام 1998م
له قصائد مميزة جدا ويغلب عليها الحزن ...


وفي هذا المتصفح سوف أتطرق لقصائد شاعرنا


سوف أبدأ بأول قصيدة قالها
وهو ابن الثانية عشر وهي قصيدة
رثاء رثى بها والده


ياونتي ونة عميق الطعوني
في ملتقى الزلبات خلوه قومه
عليك يابوي اللطيف الحنوني
اللي لنا نفسه روؤف رحومة

................


إلى أقفى النهار وقبّل الليـل مادانيـه
معي ضيق صدرٍ من تغلاق الأشفاقـي

سقى الله ضحى ذاليوم والعصر لاتسقيه
نهـار إجتمـاعٍ حـل فيـه التفراقـي

نهـارٍ سعيـدٍ أولـه وأقشـرٍ تاليـه
توادعت أنا والي لها القلـب مشتاقـي

وياقو عزمي يوم قفى وأنـا اراعيـه
أجامل وأنا لدمـوع عينـي تسيفاقـي

وياعاذلي لاتمحـن القلـب وتقاصيـه
تحاكيه وجروحه مراميـس وعتاقـي

جبرني زماني وانتـزح واحـدٍ أغليـه
وكبدي على شوف المحبين محراقـي

عذابي من الي يجرح القلـب ويداويـه
وهو راس مالي فالبراري والاسواقـي

غدى كل همي في خياله وفي طاريـه
وخليت دورات المعيشـة والارزاقـي

خذ الروح كله مابقالـه شريـكٍ فيـه
وجعله افداً له مامضى منـه والباقـي

تعذر علي مواجهه ويـن زيـد آجيـه
وقف منه وصلي وقفة الما من الساقي




​

 

[غير البشر]

من قصائده المفضلة بالنسبة لي
اتمنى أن تنال اعجابكم
......


أنا ماهقيت الوقت يسوي ماسواه
وخان الزمان وعادة الوقت خواني
وياحي من هذه دياره وذا مرباه
ذواري هبوب النود من فوقها باني
أنا يوم شفت البيت متهدم مبناه
تذكرت زول كان في البيت سكاني

http://www.youtube.com/watch?v=daNekJwJvNY
​

 

[احساسـ متدفق]

رحمة الله الشاعر على بن نوطان المرى
قصائد رائعه ونبذه مشرفه .. قرأت له القليل من القصائد
وبانتظار المزيد من القصائد لـ هذا الشاعر المميز والجزل
اختيار موفق يا غير البشر :إستحسان:

سأكون دائماً بالجوار ..
موفقه يارب

 

[غير البشر]

رحمة الله الشاعر على بن نوطان المرى
قصائد رائعه ونبذه مشرفه .. قرأت له القليل من القصائد
وبانتظار المزيد من القصائد لـ هذا الشاعر المميز والجزل
اختيار موفق يا غير البشر :إستحسان:

سأكون دائماً بالجوار ..
موفقه يارب

مرحبا عد وابل السحابي
وكثر ما أمطرت في ديار الجنوب

اسعدني هذا التواجد الراقي
والله يجزاك خير

:وردة:
​

 

[غير البشر]

وللقصائد الوطنية نصيب في هذا المتصفح
خصوصا قصيدته

في الشيخ جابر الاحمد الصباح رحمه الله
​

يامرحبا ياللي عبر كل الابحار
ضحى بروحه للكويت وأهلها

متابعينه في الجرايد والاخبار
ونشاهده في كل دار نزلها

ياحاكم حكمه على الشعب ماجار
نفسه على شعبه بعيد زعلها

شيخ حنون كأنه الوالد البار
واهل الدار يرفا خملها

لولا حماة الدار ماعاشت الدار
ولا تعلت في المباني فللها

سديد رأي ان كان ضاعن الافكار
نفسه عسى ربي يطول مهلها


​

 

[غير البشر]

الحزن يوجع
.....
الحزن يوجع مخافت الجنيني
والحزين اللي جروحه مستكنة
حالف ان اموت واوسديميني
لا دله قلبي ولا سجيت منه
عاتق حبه وماضي له سنيني
مقرع قلبي عليه اقراع شنة
اجحد الخلة وانا قلبي حزيني
واتعزز كأن نفسي مرجهنة
ان رقدت اخذ بنومي ساعتيني
وان صحيت اتابع الونة بونة
حي من قبل امس شاهدته بعيني
سجة وياه بعض الوقت جنة​

 

[غير البشر]

http://www.youtube.com/watch?v=uBmFnp080rw​

 

[قندهار]

احييش يا غير البشر على اختيارش للشاعر ابن نوطان :إستحسان:​

//
//​

قصيدة صبيان يام​

ياراكب اللي من الدرهام قفالي
بالليل تسري وطول الصبح صلابه
هجن ٍ الا من سعفها الصوت تجتالي
تشدي لشراد ريم ٍ صاعه ذيابه
من فوقها من يبوج المشبر الخالي
وان هابوا الناس عسر الدرب ماهابه
تنصى لنا اللي مع الطرشان وصالي
والموعد اللي طلب منا حضرنا به
سلم على اهل الوفا ذربين الافعالي
اللي لكل الفخر والطيب كسابه
اللابة اللي توطي كل عيالي
واللي نزل في حماهم خاب طلابه
ربع ٍ لهم في سنام المجد منزالي
صعب ٍ على كل رجال ٍ تهقوابه
عدوهم لاذكرهم في خلا خالي
من شدة الخوف نومه ماتهنا به
صبيان يام ٍ حماة العرب الاجهالي
كم طامع ٍ جا يبيها واخذت ركابه
المال دونه رجال ٍ ترخص الغالي
حامينها يوم كل ٍ رزقه نهابه
الا نصاهم ضعيف ٍ زمله هزالي
كنه بعالي جبال طويق وهضابه
مطوعة راس من به زود وهبالي
متبين ٍ بالخطا والحق عيا به
اهل بيوت بها للضيف مدهالي
ومعزبٍ يبهج الخاطر برحابه
وان كدر البال شي ٍ ماتشافالي
سليت سيف ٍ تنومس قضبة نصابه
صوت ليامٍ الا من حدك الجالي
وابشرك لارفعت الصوت بالثابه
يامٍ عمود الذرا في كل الاحوالي
والبيت لولا عموده طاحت اقطابه
غارٍ يذري وتلقى فيه مقيالي
وغار ٍ الا جيت صوبه ماتذرابه
ماهي تذل الصعايب كون برجالي
وتصبر على الهون يمنى ٍ مالها لابه
كيف ادرك العز وانا فرد والحالي
مايدرك العز رجل ٍ قلوا اصحابه
ان ساعد الكف قوا الزند من عالي
والا قصر شبرها عما تهقوابه
جات الحمايا وسقنا الحال والمالي
وسقنا المظاهير من يبرين وترابه
ماعاد حن نستمع في كل عذالي
واللي تغيب بعد ماعاد كنابه
خيل ٍ تنازي بشيبان ٍ وجهالي
وحبل الرسن مايجود فيه قضابه
وضاع العقل من رجالٍ كان عقالي
ومن الدجر كنهم للخمر شرابه
لعيون غر ٍ تهل الدمع زلالي
ويقول (علي المرضف)مالي الابه
تقدم الجمع عاد الفي ماماليه
ذاك يوم ٍ على العدوان يدعى به
خذنا ثلاثين اصيل ٍ سوقها غالي
من فوقها كل شغموم ٍ رمينا به
لعيون سلمى هزمنا كل جمالي
واقفى وخلا الحريم ونارت كلابه
حريمهم تنتخي من قلة الوالي
والمال همل وحنا اللي حظينا به
الشيخ (ابن جمعه)لنا دز الارسالي
من هجرة عريعره وصلتني ركابه
يامرحبا يوم مرسوله تعنالي
والجيش جا والشلايل جات برقابه
عيناك ياللي عيونه سهرها طالي
من كان حن فزعته نومه تهنا به
سرنا عليهم بتكبير ٍ وهلالي
والروس تحذف (وابن جمعه)يثارابه
خافي ٍ حدابه علينا القادر الوالي
طقه عقاب ٍ فرا جوفه بمخلابه
يدور المنع حاديه اشهب اللالي
مايدري ان كل صولتنا من اسبابه
بالخنجر الحضرميه حطه اوصالي
ياليت اخو فايزه عينه تحلابه
وصيته الا لبسوها ثوبها البالي
لبسوا حلايل عدانا ماكسوها به
وصلاة ربي عدد ماهل همالي
على نبي ٍ هدانا واهتدينا به​

 

[غير البشر]

احييش يا غير البشر على اختيارش للشاعر ابن نوطان :إستحسان:



//


مرحبا بك ... يا قندهار

أسعدني هذا التواجد ومشاركاتك المميزة


تفضل :وردة: ​

 

[غير البشر]

الشاعر بن نوطان المري

وقصيدته في قبيلته




عقب ذكر الله باثني التحيه والسلام
عد ماينشي من النوهمال المخيل
السلام نقدمه للكرام ابنا الكرام
كاسبين المدح والطيب والمجنا الاصيل
هل بيوتٍ من نزل في حماها مايضام
تنفع المضهود ومنجيٍ فيها الدخيل
لا يداس لهم كرامه ولا يوخذ جهام
مايهج لهم ضعينه إلاطار الشليل
لابتي مريه من سلايل صلب يام
مسندي في ساعه الضيق لا بار العميل
ضربهم فب قمة الراس وجلال العظام
يوم ركب العصر الاول على هجن وخيل
لالتقى جمع بجمع وجا يوم الزحام
فازهم اللي فالملاقي يجرون الذليل
في نحاهم كم عدوٍ عليه الطير حام
بالرماح وبالخناجر وبالسيف الصقيل
ساعةٍ بالعز تسوى لها خمسين عام
وعيشةٍ في موقف الذل مامنها زبيل
من وقف في موقف العز جاتبه العلام
يرتفع شانه وينقاد بسلك الجليل
الشجاعه عز والذل مايبني سنام
نفسٍ تتبع الهون للسقم الطويل


​

 

[غير البشر]

(( بــــــس ياعينـــــي ))
......

ونتي منـا الـى مالـه نهايـه
من جروحٍ في ضميري مستكنـه

بس ياعيني من الدمعـه كفايـه
المفـارق واقـعٍ لابـد مـنـه

ماحسبت حساب روحي في البدايه
عادني طربٍ وروحي مرجهنـه

مبطيٍ والحزن والينـي ولايـه
صادرٍ حكمه علي من غير سنـه

كيف يعدم واحـدٍ مالـه جنايـه
ياهل المعروف شيلوا الظلم عنـه


​

 

[غير البشر]

الديـــــار الجنوبيــــــــه​

​

​

​

تعودت مبدا الرجـم صبـحٍ وعصريـه

وعيني من الدمعه خـذت حقهـا وافـي

الا جيت بخفي الحـزن بانـت مواريـه
ودمعة عيوني بينـت حزنـي الخافـي​

اجامل مـع الخـلان جـوزا معذريـه
وكل الجـروح اكنهـا بيـن الاجنافـي​

وكنـي مريـضٍ مايبـيـن مشاكـيـه
يجامل مـع الـزوار ويقـول متعافـي​

مريضٍ مرض قلـبٍ وعينـي شقاويـه
ومبطي وانا مـن لـذة النـوم متجافـي​

وقلبـي حنـونٍ للـديـار الجنوبـيـه
وطول البطا ماغيرت حبهـا الصافـي​

ومبداي فـي عـرقٍ تعنكـب ذواريـه
هو احب من قصرٍ بني قرب الاسيافـي​

هل الجوب ذكروا ربعوا في ضواحيـه
وقالوا غواميس النخـل عشبهـا زافـي​

وحلـوا هـل الذيـدان عنـد الرماديـه
وخذوا في جناب الغرس مشتى ومصيافي​

 

[غير البشر]

..حكمني وليفي..

حكمني وليفي حكم الاعدام والتعذيب
وكل الجزيرة ضاق بي ربعها الخالي

شكت من رقيق الحزن قبلي جلال النيب
وراحت مراديم الشحم عقبه هزالي

ولو صحت طول الصوت ماللصياح مجيب
يخيب ظنوني كل من خاطره سالي

ويا مهبل اللي يحسبن الجروح تطيب
إلادار معها الحول ماعاد تنزالي

أنا العاشق المظلوم والعشق ماهو عيب
مع درب غيري لاني أول ولا تالي

أساهر نجوم الليل لين النجوم تغيب
تهل السنة وتروح ماغاب عن بالي

يقولون طاب الجرح واقول وين يطيب
دعوني بحالي لا تسالون عن حالي
​

​

 

[غير البشر]

حل المفارق
......
حل المفارق والجدار حزن ودموع
يومٍ علينا مثل يوم الوهيله
لو صحت طول الصوت ماني بمسموع
ماكن لي ربعٍ ولا لي قبيله

حالي طواه الحزن غصبٍ بلاطوع
ماعاد في جسمي عظامٍ تشيله

مني قلم راعي المشاريه مرفوع
من كان مثلي مايعارض سبيله

أسباب خلٍ دونه السلم مقطوع
ماعاد في شوف اريش العين حيله ​