>>> مســ ـــ ــاجلـة علـى آخـ ــر حــرف,!<<<

[ام العيال]

زين مابغيت افوز اخي الطيب القلب الكبير وانت مابغيت ترفع الرايه انا احب التحدي ​

 

[( القلب الكبير )]

تستاهلين الفوز :وردة:​

 

[خجـل]

لو جرحتك ؟
انثر بدربيّ عتاب
بـ أسمعه
.. لو كان يوُجع بأسمعه
لاا تفكر لو دقايق بالغياب
الغيااب اشياء واجد تتبعه !

:وردة:
​

 

[مستشــــار]

حاولت اعاتب في غيابك وطاريه
حتى العتب ياصاحبي مايزورك !

هذا مكاني ينتظر وش تخبيه ؟!
يمكن تحن لفرحة أول حضورك !​

 

[خجـل]

كل ماقلت له يابن الحلال
المحبة عطا وانت بخيل
التفت يمي وهو عجل وقال
لذة الحب فالشيّ القليل
..البدر ..

:وردة:


​

 

[مستشــــار]

لا تقول ودعتني داري
بالحيل مالي عليك عتاب

مريت في موعدك ساري
وقفت لين النجم ماغاب

الليل تحت الشجر عاري
والفجر غطي السما بثياب

والريح في كفوفها الذاري
تدفن ارسوم الوعد بتراب

مريت ما للوله طاري
ووقفت ما للندم اسباب

مدري تعودت مشواري
أو خان بي قلبي الكذاب

بدر بن عبدالمحسن
​

 

[خجـل]

بعض الاماكن لاهدت
مرت بها الذكرى سراب
تآخذ خطاوينا وله
وتردنا كسرى قلوب !

:وردة:
​

 

[مستشــــار]

بعض الكلام يحق له يجـرح الصمـت
والبعـض الآخـر مايبـرر ظهـوري

اغيـب لكـن لا حضـرت وتكلـمـت
داريت شرهة غيبتـي فـي حضـوري

مريـت أماكنّـا القديـمـه وسلـمـت
مريت لكـن مـادرت عـن مـروري !!
​

 

[غيث]

يرقد ويلحق والدينه تخاليف
دايم ومرقد ميت النار دافي
هو مادرى ان الجود يبغى تكاليف
سهر الليالي مقبلات مقافي
يبغى يدين للعطايا مغاريف
ويبغى رجول ماتمل الوقافي

 

[ام العيال]

ياعاشق الصمت بيبان الحكي فضه
.............أدخل بها يمكن الاحـزان تنساني !!
مض الزمن بالحكي والسالفه مْضه
..........ما باقي الا انا..والا..مت وحداني !!
مابيك تذخر تعب كل التعب قضـه
..........مرتاحه لا صرت تامرني وتنهاني !!

 

[( القلب الكبير )]

يامن سكنت اجمل زوايـا كـيـاني
يـامـا على نفسي عشانك تحاملت
مرات احس انك معي شخص ثاني
ومرات احس انك حبيبي ومازلت
التاء​

 

[ام العيال]

تشبه حِزِن طفْلَتْك .. لا قالت : سُكوووت
كلْ مايجي طاري الشتا.. " قَبْل اللي فات " ..!

كنّا عن البرد انتجمع ... وسْط " كوت "
وصرنا نِجَمّع من جيوبه ... ذكريات ..!​

 

[( القلب الكبير )]

أهلا اختى ام العيال
مساج الله بالخير :وردة:
شكلي اليوم مغلوب و برفع الراية
خلقي مو ذاك الزود اليوم
بس بحاول
تعبت أنزف جراحي حبر و أدور للألم أسباب​

لجل أكتب شعر يحكي بعض أصغر معاناتي​

قفلت من الأسى بابي وسجنت الكون خلف الباب
وعصتني دمعةٍ فيها سؤال لكل اجاباتي
الياء ​

 

[ام العيال]

هلا اخوي القلب الكبير مساك الله بالنور والسرور
الله يوسع خاطرك ويخليك

يا صاحبي لا تشتكي لي من الوقت
.................... هو فيه احد في وقتنا ما يعاني !!

كم مرةٍ ضاقت بوجهي .. ولا ضقت
.................... تضيق .. لكن ما تضيق المحاني

وكم مرةٍ كنـّي بحزني تفرقت
................. على الشوارع والشجر والمباني
​

 

[( القلب الكبير )]

اللهم آمين يااارب
جزاك الله خير اختى

يمرني في زحمة الناس طاريك
مثل السحابه لا سبقها نسمها
المح بعيني صورتك يوم اراعيك
آثر الخفوق اللي بعيني رسمها
الالف

​

 

[ام العيال]

الله يصْبرنَي علَى بْعضَ { النْفوس آلحآقده ,‘
............اللي تْعَّرضني بْحكيَها يْوم مآجآها , رِضْآي
وإن فقِدت آعصآآبَي وآنا مَعْروف عنْي رآكَده ,
.............آخآف لآمن بْعتَهآ مآعآد يْمنَعني حيـَآي

 

[( القلب الكبير )]

اعتذر اختى ام العيال
نفسي مش على بعضها اليوم :قلب_مكسور: :وردة_ذابلة:

انا أرفع الراية مرة اخرى ​

 

[مستشــــار]

ياما جلست من الغلا عند بابك
وينك ترا في غيبتك خاطري ضاق

عطني سبب واحد يبرر غيابك
أشتقت والا مابعد قلبك أشتاق !!
​

 

[Greis]

قِلّه يا وقتـ، ليش الغِياب , عِلّة بـ، صاحبك و الوجْن ذاب
مطر العيّون نار وين السَراب , حَرّرقت أوراقي حتى الثِياب
قِلّه يا وقت ليش الغِياب
القرّيس |
بـ،

 

[خجـل]

بين آلردى وآلطيب تصنيف للنآس
يآخذ بهآ آلآنسآن تقرير سمعه
آمآ يجي مثل آلذهب طيب آلسآس
ولآ كمآ آلقصدير مآغير لمعه

:وردة:

​