بعد المنحه ... الوجهه بالصيف وين ؟

CR7

عضو ذهبي
الكويتيين وعشقهم للسفر لا حدود له
والحبابيب بدون منحه الألف دينار وهم ما تمسكهم الارض

الحين منحه بشهر فبراير وعطلة الصيف راح تبدأ مبكراً علشان رمضان

وين تفكرون تسافرون !

دوله جديده !

أنا عني بعد مازرت فرنسا / سويسرا/ المانيا / ماليزيا / استراليا / تايلند / النمسا / تركيا

افكر ازور الولايات المتحده الامريكيه !

شاركونا بالاراء والأفكار .

وبالسلامه للجميع وكل منحه والجميع بخير
 

ريما القمر

عضو مخضرم
.


أغلب اللي أعرفهم ونيتهم السفر بالألف ..

حالياً يدورون حجز لعطلة الربيع ..

وعن نفسي ألفي ماراح أسافر فيه ..


.​
 

kkk

عضو مخضرم
وانا معاك..
سفره صغيرة ..ورخيصه ..وعائلية ..:cool:
وين..؟؟
 

Librax

عضو مميز
الدول الاوربية الى ذكرتهم حالياً ثلج + امريكا

اسيا حاليا عندهم الهاي سيزن وتكون الاسعار دبل عن الصيف لان عطلة الاجانب تبدء بفصل الشتاء ينحاشون من البرد الى اسيا

والاهم من هذا كلة اذا لك خاطر بأمريكا وما عندك فيزا ضبطت فيزتك بما لا يقل عن 4 شهور من يوم السفرة ويمكن تنرفض بعد
 

bujassim

عضو مميز
ابي منو فيكم راح اوكرانيا ودول شرق عوروبا ؟
 

jassem

عضو مخضرم
ابي منو فيكم راح اوكرانيا ودول شرق عوروبا ؟

لايحوشك لاتروح لهديره ..

اذكر انا عندى ربع راحو اوكرانيا حابسين نفسهم فى داخل الشقه من كثر الخوف من العصابات والحراميه المنتشره فى كل شوارع اوكرانيا
 

jassem

عضو مخضرم
الله يخلى لنا ابونا الشيخ صباح .. على المنحه الكريمه منه


انا عن نفسى محتار بين دبى وتايلند او مصر ...
 

CR7

عضو ذهبي
الدول الاوربية الى ذكرتهم حالياً ثلج + امريكا

اسيا حاليا عندهم الهاي سيزن وتكون الاسعار دبل عن الصيف لان عطلة الاجانب تبدء بفصل الشتاء ينحاشون من البرد الى اسيا

والاهم من هذا كلة اذا لك خاطر بأمريكا وما عندك فيزا ضبطت فيزتك بما لا يقل عن 4 شهور من يوم السفرة ويمكن تنرفض بعد

أنا أتكلم عن السفر بالصيف عطلة الربيع خالصين منها دبي دار الحي . 
 

Librax

عضو مميز
أنا أتكلم عن السفر بالصيف عطلة الربيع خالصين منها دبي دار الحي .
الصيف ما يبيله القارة العجوز + امريكا غيرهم لا تدور :إستحسان:

وانصحك بالاولى لان فيها اثار واسم على مسمى عجوز وكل شي قديم

والاخيره ما يحتاج اوصف واشرح مميزاتها :قلب:
 

bujassim

عضو مميز
لايحوشك لاتروح لهديره ..

اذكر انا عندى ربع راحو اوكرانيا حابسين نفسهم فى داخل الشقه من كثر الخوف من العصابات والحراميه المنتشره فى كل شوارع اوكرانيا

مو قاعد اقول حق صاحبي اهناك عصابات ولويه ومادري شنو
وهو معزم الا يبي عوكرانيا عوكرانيا لوع جبدي :confused:

دام جذيه مالي الا دبي دار الحي تروحلها شايب ترجع ولد كتكوت :eek:

ولو اني رايحلها 21 مره دبي بس تغيير جو ويكفي الالف نصها التزامات واللي يبقى بخليها حق دبي يومين ;)

منها سافرت ومنها سكرت جم شغله :cool:
 

دسمان

عضو مميز
جزيرة IBIZA الاسبانية
 

احبج يا كويت

عضو ذهبي
تبوووووون نصحيتى روحوا النمساااا تهبل جو وطبيعه وجمال وناس محترمه
 

الأناضول

عضو مخضرم
بروح حمص في سوريا

بعجل بخليها شهر 4 وياسلااااااااام
 

rightword

المعرف السابق: شموخ بدويه
يازين حر الكويت والرصيد مليان:D
 

محمد1

عضو ذهبي
عـــــــــــــمااار يالكويت
 

عبدالله .

عضو بلاتيني
شهر 2 شكلي بروح دبي
وبالصيف النية لأمريكا هالسنة نغير الوجهة
بس مو على كل حال
الدوام وظروف الدوام + الحالة المادية

:)
 

الكونقرس

عضو فعال
مو قاعد اقول حق صاحبي اهناك عصابات ولويه ومادري شنو
وهو معزم الا يبي عوكرانيا عوكرانيا لوع جبدي :confused:

دام جذيه مالي الا دبي دار الحي تروحلها شايب ترجع ولد كتكوت :eek:

ولو اني رايحلها 21 مره دبي بس تغيير جو ويكفي الالف نصها التزامات واللي يبقى بخليها حق دبي يومين ;)

منها سافرت ومنها سكرت جم شغله :cool:

انا رايح حق اوكرانيا سنه 2005 وقعدت هناك اغلب ايام العطله والكويتين كانو هناك شكثرهم وديره حلوه حيل بالصيف تروح منطقه اوديسا او جزيره الكرم شغل عدل

وكيل السفر حق اوكرانيا بالكويت شركه النصر الله بالصالحيه تظبطك حتى بموضوع الفيزا بنفس اليوم
والى يقول غير هالحجى ماعنده سالفه
تقبل مرورى
 
كلمة إدارة الموقع
جميع المواضيع والمشاركات المكتوبة تعبّر عن وجهة نظر صاحبها، ولا تعبّر بأي شكل من الاشكال عن وجهة نظر إدارة الشبكة.
أعلى